Популарни Библиски стихови од Matayi 2

Сподели

Bakinjila munyumba nukwennya umwana poka nu nyina u Maliya, bakafughama nukumuchindika. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.

U Yesu akapapiwa mukaya aka Betelehemu muchigaba icha Yudeya, pakabalilo aka Mwene u Helodi. Bo pachilapo akabalilo panandi, kukiza abamanya ntondwa aba kubufumilo ubwizuba ubwa kaya akakulu nkani aka Yelusalemu. Bakalalusya bakati, “Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo ubwizuba. Po twiza pakumuchindika.”

Bo balwennya ulutondwa lula, bakahoboka nkani.

Po bakanyokela kuchisu chabo pakwendela izila iyinji, pakuti u Chala akabasoka muchilota ukuti batakanyokele kwa Helodi. Bo babuka, uwantumi uwa Mwene akamubonekela u Yosefu muchilota nukumubuzya ukuti, “U Helodi akwiza pakulonda ukuti amughoghe umwana. Nyamuka musende umwana nu nyina nukuchimbilila kuchisu icha Ijiputi. Wikale kunuko mupaka inkubuzye ukuti wepeko.”