Популарни Библиски стихови од Kod 24

Сподели

A ko: «Masaba, ne kuntigi Ibrayima ka Ala, ne ka koo ɲanabɔ bii, k'i ka ɲumanya yira ne kuntigi Ibrayima la.

Ni ne y'a fɔ sunguru min ye ko ne b'a daali, a k'a ka jidaga jigi, ne ka jii min, n'a ye ne jaabi ko: ‹A min, n bena jii di i ka ɲɔgɔmɛw ma fana,› a to ale ka kɛ i sagolamuso ye i ka jɔncɛ Isiyaka fɛ. Ne ben'a lɔn o le fɛ fana ko i ye koɲuman kɛ ne kuntigi ye.»

Isiyaka tagara ni Erebɛka ye a bamuso Sara ka fanibugu kɔnɔ, a y'a furu. Erebɛka koo tun ka d'a ye. Isiyaka dusu saalona a bamuso saya kɔ.

U ye duba kɛ Erebɛka ye k'a fɔ a ye ko: «An balimamuso, i ka kɛ mɔgɔ waa caaman bamuso ye. I kɔmɔgɔw k'u juguw ka duguw minɛ ka kɛ u ta ye.»

Ne b'a fɛ i ka kali Masaba, Ala tɔgɔ la, min ye sankolo ni dugukolo tigi ye, ko i tena muso ta kanaanw fɛ, ne siginin be minw cɛma, k'a di ne dencɛ ma fewu. Nga i bena taga ne faso la ka muso ɲini ne dencɛ Isiyaka ye o yɔrɔ la ne ka somɔgɔw cɛma.»