Популарни Библиски стихови од Genesis 3

Сподели

Ta, it namuyaan it babay ngayti nga palan magayeng kaꞌnen i buwaꞌ it iting kayu, ka magaye-gayeng pagletganan, baw iti na ngayti, mapisiꞌan it ega basta-bastang kasepsep, miyuꞌpuꞌ na kanya ka kimnaꞌen na. Binggayan ya gasiꞌ i iba ya ngayting lalaki nga minlep duꞌut kanya. Pagkabgay it kanya, kiyaꞌen ya na gasiꞌ.

Iyan dukul nga esa gasing giyuna it AMPUꞌANG DIYUS, kanyang adat nga mapiyandaya-dayaꞌ, subraꞌ paꞌ it muꞌsang ramu-ramu nga beken nga giyuna it AMPUꞌANG DIYUS. Miningkut kanya it babay ngayti, nga maat ya, “Unu, matuud nga inaat kamut Ampuꞌang Diyus nga may mga kayu situt kalulwakan ngaytu nga ega salyaen mit kumaꞌen i buwaꞌ nira?”

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Bawnga siyarunga ya siꞌ i babay ngayti baw inaat ya, “Padaklen kuy kakuriꞌan mut magpanganak. Kada manganak ka, rumuruꞌ kat dakulang sakit. Takaꞌ maski atkayan, dakulaꞌ nagay kayli mut asawa mu, baw pagsasakpen ya ikaw nga kanya i pagbayaꞌen mu.”

Tumuruꞌ nay liꞌnget mu in magpakariga ka duꞌut uma isaꞌun may mapisiꞌ mu nga pangaꞌen. Atkayan i kabetangan mu seked it muliꞌ ka na kat lugtaꞌ, ka yay pinsiꞌan it binwat nga ikaw. Ta, it ikaw, lugtaꞌ i binwat, aypaꞌ uliꞌan mu, lugtaꞌ naga.”

Bawnga lalaki siꞌ ngayti, nga yanayti si Adan, i inaat it AMPUꞌANG DIYUS. “Kayti it namayaꞌ ka it inaat it asawa mu baw kimnaꞌen kat buwat kayu nga ipiyagpina-pinaꞌ ku nga ega kaꞌnen mu, paliꞌ mu nagay sumpaan ku nay lugtaꞌ. Kaꞌilangan magpaꞌres ka nga pirmi it dakulang paꞌres isaꞌun makapisiꞌ ka it ipagkaꞌgen, mintras egen ka paꞌ.

Miyampang i AMPUꞌANG DIYUS, maat ya, “Ay siyuy nagꞌaat it imu nga maglelbas ka? Unu, kimnaꞌen ka nat buwat kayu ngayan nga ipiyagꞌaat kut imu nga ega masalyaan mut kumaꞌen?”

Egay beken, inimugaw na sira. Pagkalꞌid nira, bintangan it AMPUꞌANG DIYUS i ayun duꞌut lebatan it kalulwakan ngayti it pagpangaranat kerubin nga bilang guwardiya, baw may subung it karis nga magdeleg i tarem ya nga magꞌebeg nga pirmi isaꞌun ega na malapasan i dalan nga magꞌaduꞌut kayu ngayting magpaꞌabwatay it kaꞌgenan.

Ta, piyangaranan na ni Adan ngayti i asawa ya ngaytit Eva, nga ireg sugiden, kaꞌgenan, sabap kanya na i inaꞌ it muꞌsang taw.