Популарни Библиски стихови од GÉNESIS 13

Сподели

Can ricujungui, chai tucui alpataca canman, cambaj miraicunamambashmi, tucui causaipaj carasha.

Mandaj Diosca, shicanyashpa Lot rishca jipami, Abramdaca cashna nirca: “Cunan can maipi shayajungui, chai pushtumandaca jahua ladomambash, ura ladomambash, indi llujshimuj ladomambash, indi huashajuj ladomambash vichai ricui.

Cambaj miraicunataca, ñutu alpatashnami mirachisha. Ñutu alpata maijambash cuentai ushashpaca, cambaj miraicunatapashmi cuentanga.

Shinamandami Abramga, Lottaca cashna nirca: “Ñucanchi ishcandica, familia purami canchi. Chaimandami ñucanchica, na fiñanajuna canchi. Shinallata ñuca michijcunahuan, cambaj michijcunahuambash na fiñanajunachu.

Shina nijpimi Abramga, paipaj carpata anchuchishpa, encina nishca quirucuna shayanajuj Mamre shuti pambapi causaj shamurca. Chai Mamre shuti pambaca, Hebrón pueblo ladomanmi carca. Chaipimi, Mandaj Diosman altarta rurarca.

Shina nijpi Lot vichai ricushpaca, Jordán yacu ladopi tiaj tucui pugru pambacunatami ricurca. Tucuilla chai pambacunaca, Mandaj Dios churashca huertashna, Zoar shuti pueblo chimba purapi tiaj Egipto llactashna, yacu jicharijuj pambacunashnami carca. Chai pambacunaca, Sodoma shuti, Gomorra shuti pueblocunata, Mandaj Dios nara tucuchijpimi, chashna juyaillagu carca.