Популарни Библиски стихови од Yoh 15

Сподели

Ninyowe muzaabbibbu, inywe muli mataagi. Ogu anyakwikara omuli nyowe, na nyowe omuli uwe, nuwe akora ebirungi bingi; habwokuba timwina eki musobora kukora mutali na nyowe.

Mwikale omuli nyowe, nka nyowe oku nyikara omuli inywe. Itaagi nkooku litasobora kwana ebijuma habwalyo lyonka, litali ha mizaabbibbu, nukwo na inywe mutasobora kukora ebikorwa ebirungi, rundi buli mugumiire hali nyowe.

Obu muraikaraga omuli nyowe, n'ebigambo byange bikaikara omuli inywe, muraasobora kusaba kyona eki murukugonza, kandi kiribakolerwa.

Tibali inywe abankomere, baitu ninyowe nabakomere, nabataho nukwo mukole ebirungi, kandi ebikorwa byanyu biikaleho. Nahabweki kyona eki musaba Isenyowe omu ibara lyange, akibahe.

Tiharoho anyakwina engonzi ezirukukira zinu, ezihambiriza omuntu kufeera enganjani ze.

Itaagi lyange lyona eritarukwana bijuma, alitemaho; kandi buli itaagi erirukwana ebijuma alikonera, nukwo lyane ebirukukiraho.

“Kinu nikyo ndukubaragira: Mugonzangane nka nyowe oku nabagondeze.

Ekirukuhaisa Isenyowe ekitiinisa nukwo inywe kukora ebirungi bingi, nimwoleka nkooku muli beegesebwa bange mali.

Ninyowe muzaabbibbu nyakabara, kandi Isenyowe nuwe mulimi.

Weena ataikara omuli nyowe anagwa nk'itaagi eritemerwe ha muti kandi ayoma. Amataagi nk'ago gasoroozebwa, ganagwa omu murro, gahya.

Ebi mbibagambiire nukwo okusemererwa kwange kwikale omuli inywe, kandi okusemererwa oku kwijurre kimu.

Obu muraakwataga ebiragiro byange nyowe nkooku nakwasire ebya Isenyowe, muliikara omu ngonzi zange nyowe nkooku naikaire omu ngonzi ze.

Eki ndukubaragira nkinu: Mugonzangane.”

Kakuba mubaire muli b'ensi enu, ensi yakubagondeze nk'abaayo; baitu timuli b'ensi habwokuba nkabakoma nabaiha omunsi, nikyo ensi erukubanobera.