Популарни Библиски стихови од Fuɗɗoode 3

Сподели

Ndeen debbo oon yi'i ɓiɓɓe lekki kiin ina muuyni ndaarude, ina mbeli nyaamude, iɗe ɓeyda suuno heɓude hakkillo. O itti ɓinngel makki, o nyaami. O hokki goriiko gondunooɗo e makko oon, kam du nyaami.

Ley kulle ladde ɗe Laamɗo Joomiraaɗo tagi ɗeen fuu mboddi ɓuri ƴoyre. Ndi wi'i debbo oon: — Yalla wo goonga, Laamɗo wi'i taa nyaamon ɓiɓɓe leɗɗe ngesa ɗeen fuu naa?

Mi waɗan nganyaandi hakkunde maaɗa e debbo oon, e hakkunde ƴuwdi maaɗa e ƴuwdi makko. Ƴuwdi debbo oon fusan hoore maa, aan du, a soppan mo teppere.

Laamɗo wi'i debbo oon: Mi waɗan torra naawuka ley ɓeyngu maaɗa, a tampan e ŋatawere. A muuyan gondal gora, ammaa wo kam dawrante.

E nguli maaɗa keɓirtaa nyaamdu, faa nde njeccoyɗaa e leydi ndi ittaɗaa e muuɗum ndiin. Sabo wo a sollaare, ley mayre du njeccotoɗaa.

Laamɗo wi'i gorko oon: — Saabe ko njaɓuɗaa haala deeka de nyaamuɗaa ɓiɓɓe lekki ki kaɗumaami nyaamude ɗuum: leydi huɗaama saabe maa. E tampiri keɓirtaa nyaamdu ley nguurndam maa fuu.

Laamɗo Joomiraaɗo wi'i: — Mooy haalani ma ɓanndu ɓoldu ngonɗaa? Ndelle a nyaamii ɓiɓɓe lekki ki mbiimi taa nyaamaa kiin naa?

Nde o riiwunoo neɗɗo oon, o wurtini ɗum ndeen, o darni doomooɓe wi'eteeɓe keruba'en faro lettugal ngesa leɗɗe Eden ngaan na tiigii kaafaahi njiilotooki ki ɗemle yiite faa dooma laawol lekki nguurndam kiin.

Gorko bi'eteeɗo Aadama oon inndiri deekum Hawwaa, (ɗum na fiirta «nguurndam») sabo kam laatii inna yimɓe fuu.