Популарни Библиски стихови од 1 КОРИНТЈАНИТЕ 12

Сподели

Секому му се дава откровение на Духот за општа полза.

А вие сте Христово тело, а поодделно, членови.

И ако страда еден член, со него страдаат сите членови; или ако се слави еден член, сите членови се радуваат со него.

На еден му се дава преку Духот слово на мудрост, на друг слово на знаење, преку истиот Дух; на друг вера преку истиот Дух; а на друг пак дарови за лекување преку истиот Дух; на друг да прави чуда, на друг да пророкува, на друг да ги разликува духовите, на друг разни јазици, а на друг да ги толкува јазиците.

А сѐ тоа го прави еден и ист Дух, Кој разделува секому, како што сака.

за да нема раздор во телото, туку членовите еднакво да се грижат еден за друг.

Дарбите се различни, но Духот е ист. Различни се и службите, но Господ е ист. Има разлики и во дејствата, но Бог е ист, Кој врши сѐ во сите.

И Бог ги поставил поединците во црквата: прво за апостоли, второ за пророци, трето за учители; потоа чудотворни сили, па дарови за исцелување, за помагање, за управување, за разни јазици.

Зашто телото не се состои од еден член, туку од многу.

Туку попотребни се оние членови на телото, што изгледаат послаби.

Ако целото тело би било око, каде би бил слухот? Ако сѐ би било слух, каде би било мирисањето? Но Бог ги поставил членовите во телото; секој еден од нив, како што Му било угодно. Ако пак сите би биле еден член, каде би било телото?