Популарни Библиски стихови од 1 ЈОВАНОВО 4

Сподели

Во љубовта нема страв, туку совршената љубов го изгонува стравот; зашто стравот вовлекува казна; а кој се бои, не дошол до совршенство во љубовта.

Вие сте од Бога, дечиња, и вие ги победивте, зашто е поголем Оној, Кој е во вас, отколку оној, кој е во светот.

Ние Го љубиме, зашто прво Тој нѐ возљуби нас.

Возљубени, да се љубиме еден со друг, зашто љубовта е од Бога и секој кој љуби од Бога е роден и Го познава Бога.

А кој не љуби, не Го познава Бога, зашто Бог е љубов.

Љубовта е во ова: не дека ние сме Го возљубиле Бога, туку Тој нѐ возљуби нас и Го испрати Својот Син како жртва помирница за нашите гревови.

Возљубени, ако Бог нѐ возљуби така, и ние треба да се љубиме еден со друг.

Во тоа ни се откри Божјата љубов, кон нас, што Бог Го испрати во светот Својот Единороден Син за да живееме преку Него.

Ако некој рече: „Го љубам Бога“, а го мрази брата си, лажец е; зашто кој не го љуби брата си, кого го видел, не може да Го љуби Бога, Кого не Го видел.

Ако некој исповеда дека Исус е Син Божји, Бог останува во него и тој во Бога.

И оваа заповед ја имаме од Него: кој Го љуби Бога, да го љуби и својот брат.

Возљубени, не верувајте му на секој дух, туку испитувајте ги духовите - дали се од Бога, зашто многу лажни пророци излегоа во светот. По ова познавајте го Духот на Бога: секој дух кој исповедува дека Исус Христос дојде во тело, од Бога е

а секој дух кој не исповедува дека Исус Христос дојде во телото, не е од Бога; тоа е духот на антихристот, за кого сте чуле дека иде, и сега е веќе во светот.