Популарни Библиски стихови од ПРОПОВЕДНИК 8

Сподели

Затоа ја славам веселбата, зашто нема среќа за човекот под сонцето, туку во јадењето, во пиењето и во насладувањата. И тоа нека го придружува во неговиот труд за време на животот што Бог му го даде под сонцето.

И грешникот што прави зло, и стопати живее долго, јас сепак знам дека ќе бидат среќни оние кои се бојат од Бога, зашто се бојат од Него.

Зашто постои време и суд за сите, а злото тешко го измачува човекот.

Никој не може да го совлада духот, за да го задржи духот, ниту има власт над смртниот ден, во тоа војување нема одлагање; ниту нечесноста го избавува оној што ја прави.

Кога нема брза пресуда за зло дело, човечкото срце е наклонето да прави зло.

Но на земјата е суета, па праведниците ги стигнува според делата на нечесните, а нечестивите - според делата на праведниците. Велам и тоа е суета.

Зашто тој не знае што ќе биде; а кој може да му каже кога што ќе биде?