Популарни Библиски стихови од СУДИИ 6

Сподели

И му се јави Господов Ангел и му рече: „Господ со тебе, храбар јунаку!“

Тогаш Господ погледна кон него и му рече: „Оди со таа сила во тебе, и ќе го избавиш Израел од рацете на Мадијамците. Јас те испраќам тебе.“

Господ му рече: „Јас ќе бидам со тебе, па ќе ги победиш Мадијамците како еден човек.“

Гедеон му одговори: „Ох, господару, ако е Господ со нас, зошто нѐ најде сѐ ова? Каде се сите оние Негови чудеса за кои ни раскажуваа нашите татковци, говорејќи: Не нѐ изведе ли Господ од Египет? А сега Господ нѐ остави, нѐ остави во рацете на Мадијамците.“

“Но, господару - Му одговори Гедеон - како ќе го избавам Израел? Мојот род е најмал во Манасиевото племе, а јас сум последен во куќата на мојот татко.“

Господов Ангел дојде и седна под дабот при Офра, што му припаѓаше на Јоас Авиезеров. Неговиот син Гедеон чукаше жито на гумното, за да го запази од Мадијамците.

Гедеон Му подигна жртвеник на Господа на тоа место и го нарече Јахве Шалом (Господ на Мирот).“ Тој стои до денес во Авиезеровата Офра.

Гедеон Му рече: „Ако најдов милост во Твоите очи, дај ми знак дека Ти зборуваш со мене.

Господ му одговори: „Мир со тебе! Не бој се, не ќе умреш!“

Пак Израелевите синови правеа што е зло во Господовите очи; и Господ ги предаде во рацете на Мадијамците за седум години.