Популарни Библиски стихови од isizwur 13

Сподели

hati kullu tamazirt‑ad tẓrit, rad‑ak‑tt‑fkġ a‑tg tink ula tin tarwa‑nk kullu mayd iftan.

isawl sidi rbbi s‑abram ġ‑lliġ dids ibḍa luṭ, yini‑as: «all alln‑nk ġin ġ‑tllit, tmnadt s‑lgddam‑nk ula tiġurdin‑nk, tmnadt ula s‑ufasi‑nk d‑uẓlmaḍ‑nk.

rad‑ssigtġ amud‑nk zund tiẓratin n‑ugdrur ġ‑wakal. mra is‑illa yan iẓḍarn a‑iḥasb tiẓratin n‑ugdrur n‑wakal, ra‑yiẓḍar a‑iḥasb amud‑nk.

yini abram ġakudan i‑luṭ: «ġir a‑ur‑tili kra n‑ṭaẓit ġ‑griyi dik ula ġ‑gr imksawn‑inu d‑wink, ašku aytmatn a‑nga.

issmatti abram ih̬iyyamn‑ns ġakudan, iddu izdġ ġ‑dar‑uṣġar n‑tasaft n‑mamra ġ‑tama n‑ḥabrun. ibnu ġin yan‑ukrkur n‑tġrṣi i‑sidi rbbi.

yall luṭ alln‑ns ar‑n‑itmnad azaġar n‑wasif n‑urdun, iẓr‑n akal‑an išbɛ aman ar tamdint n‑ṣuɛar, ig zund tamazirt n‑miṣr, zund talɛrṣt n‑sidi rbbi. ġ‑uwssan‑an ur‑ta‑ihlk sidi rbbi timdinin n‑sadum d‑ɛamura.