Популарни Библиски стихови од Ефесјаните 6

Сподели

Ние не се бориме против луѓето од крв и месо, туку против злите владетели и власти на невидливиот свет, против мрачните духовни сили што владеат со овој свет и против злите духови во небесните простори.

Постојано молете се и барајте, онака како што ве води Светиот Дух. Бидете будни и истрајно молете се за сите христијани.

Облечете го целосно Божјиот оклоп, за да можете да ги издржите подмолните напади на Ѓаволот.

Затоа целосно облечете го Божјиот оклоп. Така ќе можете да издржите во зло време, па откако борбата ќе заврши, ќе останете цврсто исправени.

Со сето ова, понесете го штитот на верата, со кој ќе можете да ги сопрете и угасите сите огнени стрели на Злиот. Ставете го спасението како шлем и земете го мечот на Светиот Дух, а тоа е Божјото Слово.

Бидете непоколебливи, препашани со појасот на вистината, облечени со штитникот на праведноста, обуени и подготвени непоколебливо да чекорите, носејќи ја Радосната вест што донесува мир.

На крајот ви порачувам да црпите сила од Господ и од Неговата огромна моќ.

Првата од Десетте заповеди што содржи и ветување гласи: „Почитувај ги своите татко и мајка.“ А ветувањето е: „за да ви биде добро и долго да поживеете на Земјата.“

Деца, бидете им послушни на своите родители бидејќи вие Му припаѓате на Господ. Тоа е примерно поведение.