Популарни Библиски стихови од Zenez 27

Сподели

Bondie ava donn twa lapli ki sorti dan lesiel, e rekolt ki sorti dan later, manze ek bwar anabondans. Bann nasion ava servi twa, bann pep ava kourbe divan twa. To pou enn sef parmi to bann frer, zot pou prostern divan twa. Seki modi twa pou gagn malediksion, seki beni twa pou gagn benediksion!”

Ezai dir: “Li merit bien so nom Zakob; li enn triser. Sa fer deziem fwa li trik mwa. Premie fwa li ti pran mo drwa premie garson. Asterla, li finn pran mo benediksion.” Lerla, li dir so papa: “Pa, eski to pa finn rezerv enn benediksion pou mwa?”

Alor, Izaak dir li sa bann parol la: “Ekout seki mo ena pou dir twa mo garson: To pou viv lwin ar later fertil, lwin ar lapli ki tom depi lesiel. To pou bizin viv ar lafors to lepe, e to pou vinn serviter to frer; Me kan ler pou arive, to pou libere. Lerla li pou nepli ena pouvwar lor twa.”

Ezai dir so papa: “Eski to pa kapav donn enn lot benediksion? Beni mwa osi, pa!” Lerla li rekoumans plore for-for.