Популарни Библиски стихови од San Mateo 4

Сподели

Chi je̱'e̱ Jesús y'adzooy: —Du'un kuja'ay y'ity ma je̱'e̱ Dios ñakyu̶ñ: ‘Ka'p je̱'e̱ ja'ay tzajkaagytyu̶'ajty je'eyu̶ jyaty tyimyñijugy'ajtypy ajku̶xy, nan yajmayjyajtku̶xypy nandu'un ku̶xyu̶ je̱'e̱ Dios y'ayuuk tyu̶y'ajt mu̶dyiibu̶ je̱'e̱ Dios kyapxypyu̶ñ.’

Chi je̱'e̱ Jesús y'adzooy: —Winwa'ktuutku̶ch miich mu̶jku'u, je̱' ko du'un kuja'ay y'ity ma je̱'e̱ Dios ñaky mu̶dyiibu̶ du'un mu̶naambu̶ñ: ‘Je̱'e̱ Windzú̶n miich mDios mwindzu̶gu̶'u̶wu̶py, y je̱' tu'kpajk mu̶dúnu̶py.’

Chi je̱'e̱ Jesús y'adzooy: —Nandu'un kuja'ay y'ity ma je̱'e̱ Dios ñakyu̶ñ: ‘Ka'p mjoot'íx mwinma'añ'íxu̶ch je̱'e̱ mWindzú̶n Dios.’

Mu̶'it je̱'e̱ Dios y'Espíritu je̱'e̱ Jesús adu'ugtuum yajnú̶kxy, wan je̱'e̱ mu̶jku'u jim jyoot'íx wyinma'añ'íxu̶ju̶ch. Juxytyikxy xu̶u̶ juxytyikxy tzum jim jaygyay y'ijty, y ko juxytyikxy xu̶u̶ juxytyikxy tzum ñajxnu̶, chi oy yu'o'kkodyii.

Chi je̱'e̱ Jesús ñu̶maayu̶ ajku̶xy: —U̶u̶ch pamiingu̶xk, y u̶u̶ch miich wiingpu̶ tuung nmo'owu̶py ajku̶xy; je̱'e̱ Dios y'ayuuk kapxwa'kxu̶u̶, du'un neby je̱' ja'ay du'umbu̶ mgu'uju̶bijpku̶xyu̶ñ. Mu̶k'eemby je̱'e̱ kyu'uju̶bijptzaay u̶xmajtzku̶xy y panú̶kxku̶xy je̱'e̱ Jesús.

Je̱'e̱ mu̶'it tiempo je̱'e̱ Jesús ayuukkapxwa'kxpu̶, tyu̶gu̶u̶y myu̶naañ: “Jootwimbijtku̶x ma je̱'e̱ Diosu̶ñ, je̱' ko tu̶ je̱'e̱ tiempo wyingoonu̶ mu̶naa je̱'e̱ Dios y'ane̱'e̱mu̶ñ pu̶da'aga'añ ya naaxwiiñ.”