Популарни Библиски стихови од Luka 3

Сподели

Yaya tɛɛ mɔɔ bɛ makola kɔɔ kɔlɔ waate min nɔ, a ka Isa fana mako. Isa ka to Ala dalila je, sangbolo da la ka ka, ado Nii Sɛnɛyanin ka jii a kɔkan poponi sawula lɔ. Kumakan dɔ ka bɔ sangbolo lɔ, a vɛɛ: «I yi ǹ diyanan Denkɛ le le. I do vɛ ǹ kɔnɔlɔdiya bubale.»

Wo le k'a kɛ, Yaya k'ai bɛ javi, a vɛɛ: «Ǹ'ài makola ji le le, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala julu fɔlin a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le!

Ài kɛkolu y'a jiya ko ài vɛ ài dajoo mafalin. Ài k'ài mili ko ài bɛnnin kamasɔlɔn ài bema le Nabi Ibulahima le! Ǹ'a fɔ ài yɛ, Ala yi sene kawakulun minu jɛlɛmana k'ai kɛ Nabi Ibulahima bɔzɔnnu le.

Tandainɔ, tɛɛlan lɔ vɛ bɛn kɔlɔman tɛɛko lɔ. Kɔlɔman minu tɛ ai den kein kɛla, wolu bɛ yi tɛɛle k'ai lafili taa la.»

Yaya ya ko sɛvɛnin Nabi Ezayi ya kitabu kɔnɔ boloɲa min ne ma, ko: «Mɔɔ dɔ gbanɔkan yi bɔla fuwa lɔ, a vɛɛ: ‹Ài yi siya lɔbɛn mɔ Tii yɛ, ka aa senmasiyalu latelen a yɛ. Folon bɛ la yi fa, tini ni koonin bɛ la yi kaɲa, siya lɔkulunilu la yi telen, ani siya kɛwonnu lɔ yi bɛn k'ai nuun. Wo vɛ kɛla, adamaden bɛ kɛtɔ Ala ya lakisiko yena.› »