Популарни Библиски стихови од LUKAS 6

Сподели

Gandjeni, Kalunga ote mu pe oshiyelekitho shoka tashi holola iilonga yeni iiwanawa, shu udha, sha thindwa, sha huwa, tashi tika e tashi tulwa mekolo lyeni. Oshoka oshiyelekitho shoka tamu shi yelekitha yakweni, osho Kalunga te ke mu yelekitha.”

Omuntu omwaanawa ota holola mompungulo ombwanawa yomutima gwe uuwanawa. Osho wo omuntu omwiinayi ota holola mo uuwinayi mompungulo ye ombwinayi. Oshoka shoka shu udhilila momutima, okana ohake shi piitha mo.”

Holeni aatondi yeni e tamu ya ningile uuwanawa. Gandjeni, ne inamu tegelela, mu galulilwe. Oshoka ondjambi yeni onene, notamu ningi aana yaKalunga gwokombandambanda. Oshoka Kalunga oye omwaanawa kumboka ihaa pandula naamboka oonakwiihola.

Kaleni mu na ohenda ngashika Ho yeni e na ohenda.”

“Inamu pangula yakweni, opo Kalunga kee mu pangule; inamu tokola, opo Kalunga kee mu tokole. Dhiminathaneni po oondjo, Kalunga ote mu dhimine po wo.

“Ihe ne mboka tamu pulakene, otandi mu lombwele: Holeni aatondi yeni, mboka ye mu huge, ya ningileni uuwanawa. Yambekeni mboka taye mu thingi, galikaneneni mboka taye mu sheke.

Shoka mwa hala aantu ye mu ningile, osho ya ningileni wo.

Oongoka te ku dhenge kolupanda lumwe, mu etha, a dhenge nolukwawo. Ngoka te ku kutha ohema yoye, mu pa nombaikitha yoye wo. Kehe ngoka te ku indile sha, mu pa. Ngoka te ku yugu iinima yoye, ino yi mu pula we.

“Omuti omwaanawa kagu wapa okwiima iiyimati iiwinayi, nomuti omwiinayi kagu wapa okwiima iiyimati iiwanawa.

Oshoka kehe omuti ohagu dhimbululwa kiiyimati yagwo. Ndishi oonkwiyu ihadhi likolwa komano nenge oomviinu komankono?