Популарни Библиски стихови од Ин 2

Сподели

Тенге Иисус Галилейӹштӹшӹ Кана халашты пӓлӹквлӓжӹлӓн тӹнгӓлтӹшӹм пиштен. Тидӹн доно Тӹдӹ ӹшке лӹмлештӓрӓлтмӹжӹм анжыктен. Тыменьшӹвлӓжӹ Тӹдӹлӓн ӹняненӹт.

Иисус Тӹдӹлӓн келесен: «Ӹдӹрӓмӓш, Мӹлӓнемжӹ дӓ Тӹлӓнетшӹ ма вара? Мӹньӹн жепем эче толын шоде».

Иисус тӓрзӹвлӓлӓн келесен: «Ӓтӹвлӓшкӹ вӹдӹм темӹдӓ». Нӹнӹ циц теменӹт. «А ӹнде кашталда дӓ сӱӓнвуйлан нӓнгедӓ», – манын Иисус. Нӹнӹ нӓнгенӹт.

Иисус келесен: «Йымын ти пӧртӹм шӓлӓтӹдӓ, Мӹнь тӹдӹм кым кечӹштӹ угӹц лӱктен шӹндем».

Керем гӹц лыпшым ӹштенӓт, Иисус нӹнӹм цилӓштӹм Йымын пӧрт гӹц шарыкыштыге, ӱшкӱжӹштӹге поктен лыктын, окса вашталтышывлӓн оксаштым кӹшкен, стӧлӹштӹм сӓрӓл шуэн. Кӓдӹ выжалышывлӓлӓн Тӹдӹ келесен: «Кеквлӓм тишец нӓнгедӓ! Ӓтямӹн пӧртшӹм выжалымы пӧртӹшкӹ идӓ сӓрӹ».