Популарни Библиски стихови од ଯୋହନ୍ 15

Сподели

ମୁଇ ଅଙ୍ଗୁର୍ ଗ୍‌ଚ୍, ତୁମିମ୍‍ନ୍ କ୍‌ନ୍ଦା, ଯେ ମର୍‍ଲ୍‌ଗେ ଆଚେ ଆର୍ ମୁଇ ଜାର୍‍ଲ୍‌ଗେ ଆଚି ସେ ବେସି ହ୍‍ଡ୍ ହ୍‌ଡେଦ୍, କାଇତାକ୍ ମର୍ ଚାଡି ଦିଲେକ୍ ତୁମିମ୍‍ନ୍ କାଇରି କ୍‌ରୁ ନାହାରାସ୍।

ମର୍‌ସ୍‍ଙ୍ଗ୍‌ ଗଟେକ୍ ଅଇକ୍‍ରି ରିଆ, ତ୍‍ବେ ମୁଇ ହେଁ ତୁମାର୍ ସ୍‍ଙ୍ଗ୍‍ ଗଟେକ୍ ଅଇକ୍‍ରି ରେଇନ୍। କ୍‌ନ୍ଦା ଯଦି ଗ୍‌ଚେ ଲାଗିକ୍‍ରି ନ୍‌ରେଇ ତ୍‍ବେ ନିଜେ ହ୍‍ଡ୍ ହ୍‌ଳୁ ନାହାରେ, ସେନ୍‍କ୍‌ରି ତୁମିମ୍‍ନ୍ ମର୍‌ସ୍‍ଙ୍ଗ୍‌ ଗଟେକ୍ ଅଇ ନ୍‌ରିଲେକ୍ ହ୍‍ଡ୍ ହ୍‌ଳୁ ନାହାରାସ୍।

ତୁମିମ୍‍ନ୍ ଯଦି ମର୍‍ଲ୍‌ଗେ ରିଆସ୍‌ ଆର୍ ମର୍ ବାକ୍ୟ ତୁମାର୍ ହୁର୍‍ଦୟ୍ ଲ୍‌ଗେ ରେଇଦ୍, ତ୍‍ବେ ତୁମିମ୍‍ନ୍ ଜୁଇରି ମ୍‍ନ୍‍କ୍‍ରି ମାଗାସ୍, ସେରି ସେ ତୁମୁକ୍‌ମ୍‌ନ୍ ଦେଇଦ୍।

ତୁମିମ୍‍ନ୍ ମକେ ନ୍‍ବାଚାସ୍ ମ୍‍ତର୍ ମୁଇ ତୁମୁକ୍‌ମ୍‌ନ୍ ବାଚିଆଚି, ତୁମିମ୍‍ନ୍ ଜ୍‌ନ୍‌କ୍‌ରି ବେସି ହ୍‍ଡ୍ ହ୍‍ଡା ଆର୍ ସେରି ସ୍‌ବୁଦିନ୍ ରେଇଦ୍, ସେତାର୍‍ଗିନେ ମୁଇ ତୁମୁକ୍‍ମ୍‌ନ୍‍କେ ବାଚିଆଚି, ସେତାର୍‍ଗିନେ ତୁମିମ୍‍ନ୍ ମର୍ ନାଉଁଏ ଜୁଇସ୍‌ବୁ ମାଗାସ୍ ସେରି ସେ ତୁମୁକ୍‌ମ୍‌ନ୍ ଦେଇଦ୍।

ନିଜାର୍ ସାଙ୍ଗ୍‍ମ୍‍ନ୍‍କାର୍ ଗିନେ ନିଜାର୍ ଜୀବନ୍ ଦାନ୍ ଦିଲେକ୍ ସେରି ହ୍‌କା ସ୍‌ତ୍ ଲାଡ୍ ବ୍‍ଲି ଜାଣା ହ୍‌ଡେଦ୍।

ଜୁଇ କ୍‌ନ୍ଦା ହ୍‍ଡ୍ ନ୍‍ଦେରେ ସେତାକ୍ ସେ କାଟି ହ୍‌କାଇଦ୍। ଆର୍ ଜୁଇ କ୍‌ନ୍ଦା ହ୍‍ଡ୍ ଦ୍‍ରେଦ୍ ସେ ତାକେ ସେ ଅଦିକ୍ ହ୍‍ଡ୍ ଦ୍‌ରୁକେ ସାଇଜ କ୍‍ରେଦ୍।

ମୁଇ ତୁମୁକ୍‌ମ୍‌ନ୍ ଜ୍‌ନ୍‌କ୍‌ରି ଲାଡ୍ କ୍‌ରୁଲେ, ତୁମିମ୍‍ନ୍ ହେଁ ତୁମାର୍ ତୁମାର୍ ବିତ୍‌ରେ ସେନ୍‍କ୍‌ରି ଲାଡ୍ କ୍‌ରାକ୍‌ରି ଅଉଆ ଇରି ତୁମୁକ୍ ମର୍ ଆଦେଶ୍।

ତୁମିମ୍‍ନ୍ ବେସି ହ୍‍ଡ୍ ହ୍‍ଡ୍‍ଲେକ୍ ମର୍ ଉବା ମଇମା ହାଇଦ୍, ଆର୍ ତୁମିମ୍‍ନ୍ ମର୍ ସ୍‌ତ୍ ଚେଲାମ୍‌ନ୍ ଅମ୍‌ହାରାସ୍।

“ମୁଇ ସ୍‌ତ୍‌କ୍‌ରି ଗଟେକ୍ ଅଙ୍ଗୁର୍ ଗ୍‌ଚ୍ ଆର୍ ମର୍ ଉବା ଗଟେକ୍ ଚାଷି।

ଯେ ମର୍‍ଲ୍‌ଗେ ନ୍‌ରେଇ, ତାକେ କାଟିରିଲା କ୍‌ନ୍ଦା ହର୍ କ୍‍ରି ହ୍‍ଦାଇ ହିଙ୍ଗ୍‌ତି, ଆର୍ ସେରି ଶୁକି ଜାଇଦ୍, ତ୍‍ବେ ଅନ୍‌କ୍‌ରି କ୍‌ନ୍ଦାମ୍‍ନ୍‍କେ ଲକ୍‍ମ୍‍ନ୍ ରୁଣ୍ଡାଇ କ୍‍ରି ଜୟେ ହ୍‍ଡାଉତି।

ମୁଇ ଜ୍‌ନ୍‌କ୍‌ରି ସ୍‍ର୍‍ଦା ଅମ୍‌ଲେ ତୁମିମ୍‍ନ୍ ହେଁ ସେନ୍‍କ୍‌ରି ସ୍‍ର୍‍ଦା ଅଉଆ ବ୍‍ଲି ମୁଇ ଇ ସ୍‌ବୁ କଇଲେଆଚି।

ମୁଇ ମର୍ ଉବା ଇଶ୍ଵରାର୍ ଆଦେଶ୍ ମାନିକ୍‌ରି ମୁଇ ତାର୍ ଲାଡେ ଆଚି, ସେନ୍‍କ୍‌ରି ତୁମିମ୍‍ନ୍ ହେଁ ମର୍ ଆଦେଶ୍‌କେ ମାନିକ୍‌ରି ମର୍ ଲାଡେ ରିଆ।

ସେତାର୍‍ଗିନେ ତୁମୁକ୍‌ମ୍‌ନ୍ ଇରି ମର୍ ବ୍‍ଡ୍ ଆଦେଶ୍ ତୁମାର୍ ବିତ୍‌ରେ ଲାଡ୍ କ୍‌ରାକ୍‌ରି ଅଉଆ।”

ତୁମିମ୍‍ନ୍ ଯଦି ଜ୍‍ଗତାର୍ ଲକ୍ ଅଇଲାସ୍ ହ୍‍ଣି, ତ୍‍ବେ ସେ ତୁମୁକ୍‌ମ୍‌ନ୍ ତାର୍ ନିଜାର୍ ଲକ୍ ହର୍ ଲାଡ୍ କ୍‍ଲିହ୍‍ଣି, ମ୍‍ତର୍ ମୁଇ ତୁମୁକ୍‌ମ୍‌ନ୍ ବାଚିକ୍‌ରି ଜ୍‍ଗତେ ହ୍‍ଣି ଅଲ୍‍ଗା କ୍‌ଲେଆଚି, ସେତାର୍‍ଗିନେ ଜ୍‍ଗତ୍‍ ତୁମୁକ୍‌ମ୍‌ନ୍ ଗିଣ୍ କ୍‍ରେଦ୍।