Популарни Библиски стихови од Kejadian 3

Сподели

Tau sawai nan yagita luk bua puin nan nyaman yakakan, balong yagita, ke yasate benar ampo apaling beang pangeto. Teris yaete mo bua puin nan, yakakan ke yabeang lako salakiʼ ampo ade basaiʼ ke nya, karing yakakan mo ling salakiʼ.

Ada si bele yanansi binatang ade paling licik kalis sarea binatang gamang ade ka yasanadi ling ALATALA Tuhan. Bele nan beling lako tau sawai nan, "Tutu-tutu si ke Alatala bafirman, 'Sarea puin ade ada pang taman ta naʼ nene kakan buaʼ.'?"

Ya Kupina kau saling musu ke tau sawai nan, antara rowe beka kau ke rowe beka nya. Rowe beka nya ya saremuk otakmu ke kau ya saremuk tumat rowe beka nya."

Bafirman Alatala lako tau sawai nan, "Kupinamu dadi kasakit benar muntumu batian, ngering ke susa ier muntumu baranak. Ke kau barasate lako salakiʼmu, konang salakiʼmu ya bakawasa lako kau."

Kewa ompa loya ke lis sio dakimu, nan po bauʼ mumangan jangka muramalik lako tana, ling kalis tana kau ka yaete. Ka pina kau kalis au tana ke ya muramalik dadi au tana si kabali."

Bafirman Alatala lako tau salaki nan, "Ka muturit pangkeling sawaiʼmu, ke ka mukakan bua kalis puin ade ka Kupelang kau kakan nan. Kalangan rea kaboat kau nan, Kuhukum tana, yanansi no Kubeang tana selis hasil ade balong, ke tana ya satumung tua duri ke rebu duri ade no bauʼ mukakan. Ya mukakan kalis apa ade tumung pang lenang, konang kewa kasakit ya mubuya me aiʼ kalis tana sale-le mutelas.

Bafirman Diri, "Sai ka bada kau luk mubasangkaro? Ba ka mukakan ke bua kalis puin ade ka Kupelang kau kakan nan?"

Alatala yasua tau salaki nan, teris ola ano siup taman Eden yaolo pida-pida kerub, yanansi mahluk kalis surga, ke sopo pedang ade ngamir rena kaputar lako sarea padu, mabau entok ola lalo lako puin ade beang katelas.

Tau salaki nan yasasingin sawaiʼ nya Hawa apaling nya dadi inaʼ sarea ade telas.