Популарни Библиски стихови од लूका 22

Сподели

“हे परम पिता, जे थारी इछा हो तो इण कटोरे नै म्हारै ऊं आगौ हटा ले, तौभी म्हारी कोनीं, बल्कि थारी इछा पूरी हो।”

बल्कि म्हैं थौरे वास्तै पराथना की है, की थौरो विसवास डगमगाए नीं, अर जद थूं पाछौ आए तो थारै विसवासी भाइयो री हीमत बढ़ै।”

पछै उणै रोटी ली अर धन्यवाद दियौ। उणै उण रोटी नै तोड़नै उणौनै देते होयौ कयौ, “आ म्हारी देह है, जिकौ थौरे वास्तै दी जावै है। म्हारी याद मे ऐड़ौ ही करणौ।”

यूं ही जद वे खाणौ खा चुकिया तो उणै कटोरो उठायौ अर कयौ, “ओ प्यालो म्हारै उण लोई रै रूप मे एक नई वाचा है, जिणनै थौरे वास्तै उंडेलियो है।

उठै यीसु घणै संकट मे व्याकुल होयनै और ही घणै मन ऊं पराथना करनै लागौ। अर उणरौ पसीनो मांनौ लोई री मोटी मोटी बूंदो रै ज्यूं धरती माथै पड़ रियौ हो।

पण थै ऐड़ा नीं होणौ। बल्कि जिकौ थौरे ऊं मोटो है, वो छोटे रै ज्यूं अर जिकौ परधान है, वो सेवक रै ज्यूं बणै।

यीसु कयौ, “हे पतरस, म्हैं थारै ऊं कैवूं हूं, की आज कुंकड़ो बांग नीं दैला जैड़ी तांई थूं तीन बार म्हारौ इन्कार करैला, की थूं म्हनै कोनीं जांणै।”