JOHN 9
9
Jesus éí diné t'áá bi'dizhchį́į́dę́ę́' doo oo'íinii néidiisá
1Jesus joogááł nít'éé' diné ła' t'áá bi'dizhchį́į́dę́ę́' doo oo'į́į da léi' jiiłtsą́. 2Áko hódahooł'aahii nidahódééłkid, Na'nitiní, háishą' bąąhági ádzaa, díí diné daats'í, hashchíinii daats'í bąąhági ádzaago biniinaa doo ajoo'į́į́góó ho'dizhchį́? 3Jesus áhodííniid, Díí diné bąąhági ádzaii, doodaii' bishchíinii bąąhági ádzaii doo biniinaa da, nidi Diyin God bibee adziilii yee ááníiłii bee bééhodoozįįł biniyé ádzaa. 4T'ah hool'inídą́ą́' shiníł'a'ii binaanish ts'ídá baa naasháa doo; jó, tł'éé' haleehgo diné doo ła' naalnish da. 5Nahasdzáán bikáá' naasháago, nihokáá' dine'é bá adinídíín nishłį́.#Mt. 5:14; Jn. 8:12. 6Ákót'éego haadzíi'go, łeezh yik'ídeezhée'go bizhéé' yee hashtł'ish áyiilaago diné doo oo'ínígíí binák'eegi yííztłéé', 7áádóó áyidííniid, Nílááh, Sailóom tó sikánígíí biyi' tá'ádígis (Sailóom jiníigo éí Eel'a' jiníigo óolyé). Ákǫ́ǫ́ jiníyáago tá'ázdeesgiz, áko áádę́ę́' ajoo'į́įgo nídzídzá. 8Bił kéédahojit'ínígíí índa doo ajoo'į́į́góó dahoo'į́į́ nít'é'ígíí ádadííniid, Díí sidáago adókeed yę́ę át'į́į ya'? 9Ła' ádaaní, T'áá éí át'į́; náádaała' ádaaní, Dooda, ts'ídá t'áá ákónóolnin léi' át'į́. T'áá hó ájíní, Shí lá éí ásht'į́ ni. 10Áko ádahodííniid, Ákoshą' haa yit'éego ííní'į́ nísínídlį́į́'? 11Hadzoodzíi'go ánáázhdoo'niid, Diné léi' Jesus wolyéhígíí éí hashtł'ish áyiilaago shináá' yííztłée'go áshidííniid, Nílááh, Sailóom tó sikánígóó dínááh, áadi tá'ádígis, áko ákǫ́ǫ́ niséyáago tá'ádésgiz, nít'éé' eesh'į́ sélį́į́'. 12Ádahodííniid, Ákoshą' éí háadi naaghá? Éí ábizhdííniid, Doo shił bééhózin da.
Férisii danilíinii diné náábi'diilzáii nidayídíłkid
13Diné doo oo'į́į da nít'é'ígíí Férisii danilíinii yich'į' yił daaskai. 14Jó'áko nít'éé' háá'áyį́į́h jį́į́ góne' Jesus hashtł'ish áyiilaago ajoo'į́ áhoolaa lá. 15Férisii danilíinii nináádahódééłkidgo ádaaní, Hait'éegoshą' ííní'į́ sínílį́į́'? Áko ábizhdííniid, Jesus éí hashtł'ish shináá' yííztłée'go tá'ádésgiz, áko eesh'į́ sélį́į́'. 16Díí biniinaa Férisii danilíinii ła' ádadííniid, Díí diné doo Diyin God biníł'a' da, háálá háá'áyį́į́h jį́ doo bił nilį́į da. Náádaała' éí ádadííniid, Ákoshą' haa yit'éego diné bąąhági ááníiłii nilį́įgo kót'éego Diyin God bibee adziilii bee béédahózinii yaa naagháa dooleeł? Áko haniinaa ałts'á'áldah. 17Diné doo oo'į́į da nít'é'ígíí ánáádeidoo'niid, Nishą' ííní'į́ ániilaaígíí ha'át'íí bidiní? Áko ázhdííniid, Diyin God yá halne'ii nilį́, bidishní.
18Nidi Jew dine'é t'áá aaníí doo ajoo'į́į da nít'ée'go ajoo'į́ dzizlį́'ígíí doo dayoodlą́ą da, diné ajoo'į́ dzizlį́'ígíí hashchíinii yíká nida'as'a'go índa, 19éí nidayídééłkidgo ádaaní, Da' díísh nihiyázhí át'į́, t'áá doo oo'į́į́góó yizhchį́ dohnínígíí? Ákoshą' k'ad haa yit'éego oo'į́? 20Hazhé'é áádóó hamá ádííniid, Díí nihiyázhí át'į́, áádóó doo oo'į́į́góó shiilchį́įgo nihił bééhózin, 21nidi haa yit'éego shį́į́ ajoo'į́ dzizlį́į́' éí doo nihił bééhózin da, háí shį́į́ ajoo'į́ áhoolaa, éí ałdó' doo nihił bééhózin da. Jó, nizninísą́, t'áá hó nidahódółkid; t'áá hó haash yit'éego ádá hazdoodzih. 22Hashchíinii éí Jew dine'é yináldzidgo ákódííniid, háálá diné ła'da, T'áá aaníí Christ át'į́, jiníigo hadzoodzí'ígíí éí Jew dine'é áłah nádleehii bitahdóó ats'áhodi'doolt'eełgo t'áá íídą́ą́' Jew dine'é yee łá'í daazlį́į'go hondahaz'ą́. 23Éí biniinaa hashchíinii ádííniid, Jó, nizninísą́, t'áá hó nidahódółkid.
24Áko doo oo'į́į da nít'é'ígíí hágo náádeidoo'niidgo ádeidííniid, Diyin Godjígo baa hóniih; díí diné éí bąąhági ááníiłii nilį́įgo nihił béédahózin. 25Áko ánáádoo'niid, Bąąhági ááníiłii daats'í nilį́, éí doo shił bééhózin da; t'ááłá'í t'éiyá shił bééhózin, doo eesh'į́į da nít'éé', nidi k'ad eesh'į́. 26Áko ánáádahodoo'niid, Haashą' niilaa? Hait'éegoshą' ííní'į́ ániilaa? 27Áko ánáábizhdoo'niid, T'áá íídą́ą́' bee nihił hweeshne', nidi t'áadoo dasidoots'ą́ą' da. Ha'át'íishą' biniyé náádadidoohts'į́į́ł? Da' nihíísh ałdó' bídahooł'aahii daniidlį́į doo danohsin? 28Áko dahwéédzíi'go ádahałní, Ni éí bóhooł'aahii nílį́, nidi nihí éí Mózes yídahooł'aahii daniidlį́. 29Diyin God éí Mózes yich'į' haadzíi'go nihił béédahózin, nidi díí diné naagháádę́ę́' doo nihił béédahózin da. 30Éí diné ánááhodoo'niid, Yáa t'áadoo le'égi át'éé lá! Naagháádę́ę́' doo nihił béédahózin da, nidi eesh'į́ áshiilaa. 31Jó, nihił béédahózingo bąąhági ádaaníiłii éí Diyin God doo bíists'ą́ą' da, nidi t'áá háiida Diyin God yich'į' nahałáii áádóó t'áá éí yíni' yi'ósinii, éí t'éí Diyin God bíists'ą́ą́'. 32Nahasdzáán hazlį́į́'dóó wóshdę́ę́' t'áá doo oo'į́į́góó bi'dizhchíinii oo'į́ ályaa t'ah doo ha'niihígi da. 33Áko éí diné doo Diyin God biníł'a' dago, ha'át'íhída doo ła' yił'į́į dadooleeł nít'éé'. 34Áko ánáádahodoo'niid, T'áá bąąhági ánít'éego ni'dizhchį́, da' ákoósh nanihinítin? Áko Jew dine'é áłah nádleehdóó yits'ádahast'e'.
Níłch'i k'ehgo doo oo'į́į da
35Áts'ádadzist'e'ígíí Jesus yiyíínii', áko hak'íníyáago áhodííniid, Da' Diyin God biYe'ésh yinídlą́ągo baa dzíínílí? 36Áko ázhdííniid, Bóhólníihii, háishą' éí ájít'į́, áko hooshdlą́ągo haa dzííníshłíi dooleeł? 37Nít'éé' Jesus áhodííniid, Jó, níníł'į́, nich'į' yáłti'ígíí éí át'į́. 38Áko ázhdííniid, Bóhólníihii, k'ad lą́ą ooshdlą́, áko bich'į' nitsizhdinígo'go nahodzisá. 39Jesus ánáádoo'niid, Diné baa násht'į́į doo biniyé díí nahasdzáán bikáa'jį' níyá, éí doo da'oo'ínígíí da'oo'į́į dooleeł biniyé, da'oo'ínígíí doo da'oo'į́į da doo ałdó' biniyé. 40Férisii danilíinii ła' hwíighahgi naazínígíí dahodiizts'ą́ą'go ádahodííniid, Da' nihíísh ałdó' doo da'iit'į́į da? 41Jesus áhodííniid, Doo da'oh'į́į́góó la' t'áadoo bee nihik'ídahót'ahí da doo nít'éé', nidi k'ad éí, Da'iit'į́, dadohní, áko t'áá ádił da'ílzíihii danohłį́.
Селектирано:
JOHN 9: NVJOB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
JOHN 9
9
Jesus éí diné t'áá bi'dizhchį́į́dę́ę́' doo oo'íinii néidiisá
1Jesus joogááł nít'éé' diné ła' t'áá bi'dizhchį́į́dę́ę́' doo oo'į́į da léi' jiiłtsą́. 2Áko hódahooł'aahii nidahódééłkid, Na'nitiní, háishą' bąąhági ádzaa, díí diné daats'í, hashchíinii daats'í bąąhági ádzaago biniinaa doo ajoo'į́į́góó ho'dizhchį́? 3Jesus áhodííniid, Díí diné bąąhági ádzaii, doodaii' bishchíinii bąąhági ádzaii doo biniinaa da, nidi Diyin God bibee adziilii yee ááníiłii bee bééhodoozįįł biniyé ádzaa. 4T'ah hool'inídą́ą́' shiníł'a'ii binaanish ts'ídá baa naasháa doo; jó, tł'éé' haleehgo diné doo ła' naalnish da. 5Nahasdzáán bikáá' naasháago, nihokáá' dine'é bá adinídíín nishłį́.#Mt. 5:14; Jn. 8:12. 6Ákót'éego haadzíi'go, łeezh yik'ídeezhée'go bizhéé' yee hashtł'ish áyiilaago diné doo oo'ínígíí binák'eegi yííztłéé', 7áádóó áyidííniid, Nílááh, Sailóom tó sikánígíí biyi' tá'ádígis (Sailóom jiníigo éí Eel'a' jiníigo óolyé). Ákǫ́ǫ́ jiníyáago tá'ázdeesgiz, áko áádę́ę́' ajoo'į́įgo nídzídzá. 8Bił kéédahojit'ínígíí índa doo ajoo'į́į́góó dahoo'į́į́ nít'é'ígíí ádadííniid, Díí sidáago adókeed yę́ę át'į́į ya'? 9Ła' ádaaní, T'áá éí át'į́; náádaała' ádaaní, Dooda, ts'ídá t'áá ákónóolnin léi' át'į́. T'áá hó ájíní, Shí lá éí ásht'į́ ni. 10Áko ádahodííniid, Ákoshą' haa yit'éego ííní'į́ nísínídlį́į́'? 11Hadzoodzíi'go ánáázhdoo'niid, Diné léi' Jesus wolyéhígíí éí hashtł'ish áyiilaago shináá' yííztłée'go áshidííniid, Nílááh, Sailóom tó sikánígóó dínááh, áadi tá'ádígis, áko ákǫ́ǫ́ niséyáago tá'ádésgiz, nít'éé' eesh'į́ sélį́į́'. 12Ádahodííniid, Ákoshą' éí háadi naaghá? Éí ábizhdííniid, Doo shił bééhózin da.
Férisii danilíinii diné náábi'diilzáii nidayídíłkid
13Diné doo oo'į́į da nít'é'ígíí Férisii danilíinii yich'į' yił daaskai. 14Jó'áko nít'éé' háá'áyį́į́h jį́į́ góne' Jesus hashtł'ish áyiilaago ajoo'į́ áhoolaa lá. 15Férisii danilíinii nináádahódééłkidgo ádaaní, Hait'éegoshą' ííní'į́ sínílį́į́'? Áko ábizhdííniid, Jesus éí hashtł'ish shináá' yííztłée'go tá'ádésgiz, áko eesh'į́ sélį́į́'. 16Díí biniinaa Férisii danilíinii ła' ádadííniid, Díí diné doo Diyin God biníł'a' da, háálá háá'áyį́į́h jį́ doo bił nilį́į da. Náádaała' éí ádadííniid, Ákoshą' haa yit'éego diné bąąhági ááníiłii nilį́įgo kót'éego Diyin God bibee adziilii bee béédahózinii yaa naagháa dooleeł? Áko haniinaa ałts'á'áldah. 17Diné doo oo'į́į da nít'é'ígíí ánáádeidoo'niid, Nishą' ííní'į́ ániilaaígíí ha'át'íí bidiní? Áko ázhdííniid, Diyin God yá halne'ii nilį́, bidishní.
18Nidi Jew dine'é t'áá aaníí doo ajoo'į́į da nít'ée'go ajoo'į́ dzizlį́'ígíí doo dayoodlą́ą da, diné ajoo'į́ dzizlį́'ígíí hashchíinii yíká nida'as'a'go índa, 19éí nidayídééłkidgo ádaaní, Da' díísh nihiyázhí át'į́, t'áá doo oo'į́į́góó yizhchį́ dohnínígíí? Ákoshą' k'ad haa yit'éego oo'į́? 20Hazhé'é áádóó hamá ádííniid, Díí nihiyázhí át'į́, áádóó doo oo'į́į́góó shiilchį́įgo nihił bééhózin, 21nidi haa yit'éego shį́į́ ajoo'į́ dzizlį́į́' éí doo nihił bééhózin da, háí shį́į́ ajoo'į́ áhoolaa, éí ałdó' doo nihił bééhózin da. Jó, nizninísą́, t'áá hó nidahódółkid; t'áá hó haash yit'éego ádá hazdoodzih. 22Hashchíinii éí Jew dine'é yináldzidgo ákódííniid, háálá diné ła'da, T'áá aaníí Christ át'į́, jiníigo hadzoodzí'ígíí éí Jew dine'é áłah nádleehii bitahdóó ats'áhodi'doolt'eełgo t'áá íídą́ą́' Jew dine'é yee łá'í daazlį́į'go hondahaz'ą́. 23Éí biniinaa hashchíinii ádííniid, Jó, nizninísą́, t'áá hó nidahódółkid.
24Áko doo oo'į́į da nít'é'ígíí hágo náádeidoo'niidgo ádeidííniid, Diyin Godjígo baa hóniih; díí diné éí bąąhági ááníiłii nilį́įgo nihił béédahózin. 25Áko ánáádoo'niid, Bąąhági ááníiłii daats'í nilį́, éí doo shił bééhózin da; t'ááłá'í t'éiyá shił bééhózin, doo eesh'į́į da nít'éé', nidi k'ad eesh'į́. 26Áko ánáádahodoo'niid, Haashą' niilaa? Hait'éegoshą' ííní'į́ ániilaa? 27Áko ánáábizhdoo'niid, T'áá íídą́ą́' bee nihił hweeshne', nidi t'áadoo dasidoots'ą́ą' da. Ha'át'íishą' biniyé náádadidoohts'į́į́ł? Da' nihíísh ałdó' bídahooł'aahii daniidlį́į doo danohsin? 28Áko dahwéédzíi'go ádahałní, Ni éí bóhooł'aahii nílį́, nidi nihí éí Mózes yídahooł'aahii daniidlį́. 29Diyin God éí Mózes yich'į' haadzíi'go nihił béédahózin, nidi díí diné naagháádę́ę́' doo nihił béédahózin da. 30Éí diné ánááhodoo'niid, Yáa t'áadoo le'égi át'éé lá! Naagháádę́ę́' doo nihił béédahózin da, nidi eesh'į́ áshiilaa. 31Jó, nihił béédahózingo bąąhági ádaaníiłii éí Diyin God doo bíists'ą́ą' da, nidi t'áá háiida Diyin God yich'į' nahałáii áádóó t'áá éí yíni' yi'ósinii, éí t'éí Diyin God bíists'ą́ą́'. 32Nahasdzáán hazlį́į́'dóó wóshdę́ę́' t'áá doo oo'į́į́góó bi'dizhchíinii oo'į́ ályaa t'ah doo ha'niihígi da. 33Áko éí diné doo Diyin God biníł'a' dago, ha'át'íhída doo ła' yił'į́į dadooleeł nít'éé'. 34Áko ánáádahodoo'niid, T'áá bąąhági ánít'éego ni'dizhchį́, da' ákoósh nanihinítin? Áko Jew dine'é áłah nádleehdóó yits'ádahast'e'.
Níłch'i k'ehgo doo oo'į́į da
35Áts'ádadzist'e'ígíí Jesus yiyíínii', áko hak'íníyáago áhodííniid, Da' Diyin God biYe'ésh yinídlą́ągo baa dzíínílí? 36Áko ázhdííniid, Bóhólníihii, háishą' éí ájít'į́, áko hooshdlą́ągo haa dzííníshłíi dooleeł? 37Nít'éé' Jesus áhodííniid, Jó, níníł'į́, nich'į' yáłti'ígíí éí át'į́. 38Áko ázhdííniid, Bóhólníihii, k'ad lą́ą ooshdlą́, áko bich'į' nitsizhdinígo'go nahodzisá. 39Jesus ánáádoo'niid, Diné baa násht'į́į doo biniyé díí nahasdzáán bikáa'jį' níyá, éí doo da'oo'ínígíí da'oo'į́į dooleeł biniyé, da'oo'ínígíí doo da'oo'į́į da doo ałdó' biniyé. 40Férisii danilíinii ła' hwíighahgi naazínígíí dahodiizts'ą́ą'go ádahodííniid, Da' nihíísh ałdó' doo da'iit'į́į da? 41Jesus áhodííniid, Doo da'oh'į́į́góó la' t'áadoo bee nihik'ídahót'ahí da doo nít'éé', nidi k'ad éí, Da'iit'į́, dadohní, áko t'áá ádił da'ílzíihii danohłį́.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).