LUKE 14
14
Jesus éí diné bitah nahonichaadii néidiisá
1Áko Jesus łah háá'áyį́į́h jį́į́ góne' Férisii naat'áanii nilíinii ła' bikin góne' azhdooyį́į́ł biniyé yah ajííyá, nít'éé' t'áá íiyisí hadahasííd. 2Nít'éé' jó'akon, diné ła' bitah nahonichaad léi' jiiłtsą́. 3Áko Jesus hadzoodzíi'go bee haz'áanii yínda'niłtinii índa Férisii danilíinii ábizhdííniid, Háá'áyį́į́h jį́į́ góne'ésh nááhodi'doodláałgo bee haz'ą́, dooda daats'í? 4Nidi t'áadoo ha'át'íhída dadííniid da. Áko diné jiiłtsoodgo náábizdiisá, áádóó béézh'níłnii'. 5Áko diné danilíinii ábizhdííniid, Háishą' háá'áyį́į́h jį́į́ góne' nidi nihitélii, doodaii' nihibéégashii tó hahadleeh góyaa íítłizhgo, da' doósh t'áá áko háidoołtéel da?#Mt. 12:11. 6Áko díí bich'į' doo t'ą́ą́' háádadzódziih át'ée da.
Iigehgo áda'azįįdgi nidahaaskaii bee na'nitin
7Áádóó bida'asnii'ígíí aląąjį' naazíinii dah nídandaahgóó nídahozhdii'ánígíí Jesus yiyiiłtsą́ągo hane' bee ak'idi'dootį́įłii yaa ch'íhoní'ą́ągo áháłní, 8Diné ła' iigehdę́ę́' hágo nidííniidgo, t'ááká aląąjį' naazíinii dah nídandaahgóó bich'į' ch'í'ídiyííltééł yíila', háálá diné t'ah niláhígo át'éii ił nilíinii hágo yididooniiłgoda át'é, 9áko nihi'níłnii'ígíí níyáago ándidooniił, Bik'i dah sínídáhígíí díí diné baa ní'aah, áko t'óó baa yádíníízįįłgo t'áá a'ohgo ádaat'éii dah nídinibįįhgi dah díníídaał. 10Nidi ni'ílnii'go, ákǫ́ǫ́ díínáałgo t'áá a'ohgo ádaat'éii dah nídinibįįhgi dah díníídaał, áko ni'níłnii'ígíí ándidooniił, Shik'is, aláahgo ádaat'éii dah nídinibįįhgi dah nídaah, áko nił da'ayánígíí t'áá ałtso bił nílį́į doo.#Prov. 25:6,7. 11Háálá t'ááłá'í jinítínígo ayóó ájít'é ízh'dólzinígíí éí a'ohgo ájít'é áhodi'doolnííł, nidi t'áá háiida a'ohgo ádaa nitsídzíkeesígíí éí ayóó át'éii jílį́įgo áhodi'doolnííł.#Mt. 23:12; Lk. 18:14.
12Diné ho'níłnii'ígíí ałdó' ábizhdííniid, Ałní'ní'ą́ągo adánígíí áníléehgo, doodaii' i'íí'ą́ągo áda'íínísįįdgo t'ááká nik'is danilíinii, doodaii' bił háíníjéé', doodaii' nik'éí danilíinii, doodaii' bił kéédahót'íinii da'at'ínígíí bida'óółnííh yíila', háálá ákónít'į́įgo k'éédandidoodlííł, índa ná nináda'doodlééł. 13Nidi áda'íínísįįdgo, badahojoobá'íígíí áádóó bąąh dah nidahaz'ánígíí áádóó nida'niłhodígíí índa doo da'oo'íinii bida'dííłnih, 14áko nik'ihojidlíi dooleeł, háálá éí t'áadoo yee k'éédadó'ne'í da. Ts'ídá t'áá ákogi ádaaníiłii náábi'diiljée'di índa k'ééndi'doolnííł.
Ayóó át'é áda'azįįdii binahjį' hane' bee ak'idi'dootį́įłii
(Mt. 22:1-10)
15Bił da'jiyánígíí ła' díí yidiizts'ą́ą'go áháłní, Diyin God bee bóhólníihgo bił haz'ą́ądi bááh jidooyį́łígíí házhánee'! 16Nidi ábizhdííniid, Diné léi' ła', łah ayóó át'éego áda'íísįįdgo lą'í yida'asnii'. 17Áko baa hoolzhiizhgo bá naal'a'í ayííł'a'go, bida'asnii'ígíí áyidííniid, Hágo, háálá t'áá ałtsoní k'ad bee hasht'ehodiidzaa. 18Nít'éé' t'áá ałtso t'áadoo ła' doodaí ak'í'áhodi'ááh yaa nídiikai. Átséhígíí áhodííniid, Shí dá'ák'eh naháłnii', áko t'áá ákónéehee ákǫ́ǫ́ deesháałgo dínéesh'įįł; baa nánooshkąąh, sha'di'ní'aah. 19Náánáła' ánáádoo'niid, Shí éí béégashii ashdla' oołbąs bíighahgo naháłnii', áko bídadínéeshtahgóó deeshááł; baa nánooshkąąh, sha'di'ní'aah. 20Áádóó náánáła' ánáádoo'niid, Shí éí asdzání bił ahaa nisht'áázh, éí bąą doo ákǫ́ǫ́ dósha' át'ée da. 21Naal'a'í nádzáago binanit'a'í yił hoolne'. Kin bee bóhólníihii báhóóchįįdgo bá naal'a'ígíí áyidííniid, Tsxį́įłgo kin haal'á bitah da'nítiingóó índa áłts'óózígo hadahodiyiit'i'góó dínááh, áko badahojoobá'íígíí áádóó bąąh dah nidahaz'ánígíí áádóó nida'niłhodii índa doo da'oo'íinii nihidíí'ish. 22Naal'a'í ádííniid, Shinanit'a'í, bee háínídzí'ígíí ła'yidzaa, ákondi t'ah haz'ą́. 23Naat'áanii éí naal'a'í ánéidoo'niid, Nílááh, da'nítiingóó índa dahonághangóó dínáahgo, áádę́ę́' diné naastee'ígíí nidi yah ahí'éésh, áko shikin bii' hadi'doobį́į́ł. 24Diné átséédą́ą́' hoda'asnii'ii áda'íísįįdígíí doo ła' dazhdoolįh da, nihidishníigo ádíshní.
Ídahooł'aahgo bą́ą́h adooleełii
(Mt. 10:37,38)
25Áko jideeyáágóó diné t'óó ahayóí hoł dah diikai, áádóó Jesus nídzízyizgo diné ábizhdííniid, 26Diné t'áá háiida shaazhníyáago hazhé'é, hamáda, hwe'asdzą́ąda, ha'áłchínída, bił hajííjée'da, hak'isóó áádóó halahkéida, índa t'áá hó jiinánígíí nidi doo jijoołáágóogo,#14:26 Jesus, Shí aláahgo ayóó'áshííní'ní, níigo ání. Mt. 10:37. éí doo shíhooł'aahii jóle' át'ée da. 27T'áá háiida doo hatsin ałnáoszid jootį́į́łgóó, áádóó doo shikéé' joogááłgóó, éí doo shíhooł'aahii jóle' át'ée da.#Mt. 10:38; 16:24; Mk. 8:34; Lk. 9:23. 28Háálá háishą' nihitahdóó dego nízaadgóó astł'ingo ya'ii'áago ádeeshłííł niizį́'ígíí, da' doósh áłtsé dínóodaałgo bą́ą́h adooleełígíí yíídóołtah da, ałtso ályaajį' daats'í bíighah nízingo? 29Éí doodago, kin biyaadę́ę́' haastł'inígíí hajíítł'ingo ch'ééh ájííł'įįdgo, dahoníł'ínígíí t'áá ałtso há nidahałt'i'go 30ádaaníi doo, Díí diné i'niitł'in nít'éé' ałtso íidoolíiłjį' doo yínéés'ąąd da. 31Doodaii' háí aláahgo naat'áanii shį́įshą', náánáła' aláahgo naat'áanii yich'į' anaa' ííléehgo, da' doósh áłtsé dínóodaał da, áádóó yaa nitsídookos da, naadiindi mííl siláo yee shich'į' hideeskaígíí neeznáadi mííl bee bidááh deeshbahgo daats'í bíighah nízingo? 32Doodago, t'ah nízaadę́ę́' yinéełgo, diné dzisnilii k'é náhodoodleeł jiníigo bich'į' jidooł'aał. 33Áko t'áá háiida nihitahdóó t'áá ha'át'íhída bee hólóonii doo yóó'iidi'aahígíí, éí shíhooł'aahii doo jóle' át'ée da.
Áshįįh doo halniih da silį́'ígíí
(Mt. 5:13; Mk. 9:50)
34Áshįįh éí yá'át'ééh, nidi áshįįh doo halniih da silį́į'goshą', ha'át'éego halniih áńdoolnííł? 35Ákót'įįhgo dá'ák'eh biniyé da'alį́į́' bichaan deesk'idii bitah doojih nidi, t'áadoo yee choo'íní da, áko éí diné t'óó yóó'iiłka'. T'áá hajaa' hólǫ́ǫgo azdiits'a'ígíí, háni' ajíists'ą́ą́'.
Селектирано:
LUKE 14: NVJOB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
LUKE 14
14
Jesus éí diné bitah nahonichaadii néidiisá
1Áko Jesus łah háá'áyį́į́h jį́į́ góne' Férisii naat'áanii nilíinii ła' bikin góne' azhdooyį́į́ł biniyé yah ajííyá, nít'éé' t'áá íiyisí hadahasííd. 2Nít'éé' jó'akon, diné ła' bitah nahonichaad léi' jiiłtsą́. 3Áko Jesus hadzoodzíi'go bee haz'áanii yínda'niłtinii índa Férisii danilíinii ábizhdííniid, Háá'áyį́į́h jį́į́ góne'ésh nááhodi'doodláałgo bee haz'ą́, dooda daats'í? 4Nidi t'áadoo ha'át'íhída dadííniid da. Áko diné jiiłtsoodgo náábizdiisá, áádóó béézh'níłnii'. 5Áko diné danilíinii ábizhdííniid, Háishą' háá'áyį́į́h jį́į́ góne' nidi nihitélii, doodaii' nihibéégashii tó hahadleeh góyaa íítłizhgo, da' doósh t'áá áko háidoołtéel da?#Mt. 12:11. 6Áko díí bich'į' doo t'ą́ą́' háádadzódziih át'ée da.
Iigehgo áda'azįįdgi nidahaaskaii bee na'nitin
7Áádóó bida'asnii'ígíí aląąjį' naazíinii dah nídandaahgóó nídahozhdii'ánígíí Jesus yiyiiłtsą́ągo hane' bee ak'idi'dootį́įłii yaa ch'íhoní'ą́ągo áháłní, 8Diné ła' iigehdę́ę́' hágo nidííniidgo, t'ááká aląąjį' naazíinii dah nídandaahgóó bich'į' ch'í'ídiyííltééł yíila', háálá diné t'ah niláhígo át'éii ił nilíinii hágo yididooniiłgoda át'é, 9áko nihi'níłnii'ígíí níyáago ándidooniił, Bik'i dah sínídáhígíí díí diné baa ní'aah, áko t'óó baa yádíníízįįłgo t'áá a'ohgo ádaat'éii dah nídinibįįhgi dah díníídaał. 10Nidi ni'ílnii'go, ákǫ́ǫ́ díínáałgo t'áá a'ohgo ádaat'éii dah nídinibįįhgi dah díníídaał, áko ni'níłnii'ígíí ándidooniił, Shik'is, aláahgo ádaat'éii dah nídinibįįhgi dah nídaah, áko nił da'ayánígíí t'áá ałtso bił nílį́į doo.#Prov. 25:6,7. 11Háálá t'ááłá'í jinítínígo ayóó ájít'é ízh'dólzinígíí éí a'ohgo ájít'é áhodi'doolnííł, nidi t'áá háiida a'ohgo ádaa nitsídzíkeesígíí éí ayóó át'éii jílį́įgo áhodi'doolnííł.#Mt. 23:12; Lk. 18:14.
12Diné ho'níłnii'ígíí ałdó' ábizhdííniid, Ałní'ní'ą́ągo adánígíí áníléehgo, doodaii' i'íí'ą́ągo áda'íínísįįdgo t'ááká nik'is danilíinii, doodaii' bił háíníjéé', doodaii' nik'éí danilíinii, doodaii' bił kéédahót'íinii da'at'ínígíí bida'óółnííh yíila', háálá ákónít'į́įgo k'éédandidoodlííł, índa ná nináda'doodlééł. 13Nidi áda'íínísįįdgo, badahojoobá'íígíí áádóó bąąh dah nidahaz'ánígíí áádóó nida'niłhodígíí índa doo da'oo'íinii bida'dííłnih, 14áko nik'ihojidlíi dooleeł, háálá éí t'áadoo yee k'éédadó'ne'í da. Ts'ídá t'áá ákogi ádaaníiłii náábi'diiljée'di índa k'ééndi'doolnííł.
Ayóó át'é áda'azįįdii binahjį' hane' bee ak'idi'dootį́įłii
(Mt. 22:1-10)
15Bił da'jiyánígíí ła' díí yidiizts'ą́ą'go áháłní, Diyin God bee bóhólníihgo bił haz'ą́ądi bááh jidooyį́łígíí házhánee'! 16Nidi ábizhdííniid, Diné léi' ła', łah ayóó át'éego áda'íísįįdgo lą'í yida'asnii'. 17Áko baa hoolzhiizhgo bá naal'a'í ayííł'a'go, bida'asnii'ígíí áyidííniid, Hágo, háálá t'áá ałtsoní k'ad bee hasht'ehodiidzaa. 18Nít'éé' t'áá ałtso t'áadoo ła' doodaí ak'í'áhodi'ááh yaa nídiikai. Átséhígíí áhodííniid, Shí dá'ák'eh naháłnii', áko t'áá ákónéehee ákǫ́ǫ́ deesháałgo dínéesh'įįł; baa nánooshkąąh, sha'di'ní'aah. 19Náánáła' ánáádoo'niid, Shí éí béégashii ashdla' oołbąs bíighahgo naháłnii', áko bídadínéeshtahgóó deeshááł; baa nánooshkąąh, sha'di'ní'aah. 20Áádóó náánáła' ánáádoo'niid, Shí éí asdzání bił ahaa nisht'áázh, éí bąą doo ákǫ́ǫ́ dósha' át'ée da. 21Naal'a'í nádzáago binanit'a'í yił hoolne'. Kin bee bóhólníihii báhóóchįįdgo bá naal'a'ígíí áyidííniid, Tsxį́įłgo kin haal'á bitah da'nítiingóó índa áłts'óózígo hadahodiyiit'i'góó dínááh, áko badahojoobá'íígíí áádóó bąąh dah nidahaz'ánígíí áádóó nida'niłhodii índa doo da'oo'íinii nihidíí'ish. 22Naal'a'í ádííniid, Shinanit'a'í, bee háínídzí'ígíí ła'yidzaa, ákondi t'ah haz'ą́. 23Naat'áanii éí naal'a'í ánéidoo'niid, Nílááh, da'nítiingóó índa dahonághangóó dínáahgo, áádę́ę́' diné naastee'ígíí nidi yah ahí'éésh, áko shikin bii' hadi'doobį́į́ł. 24Diné átséédą́ą́' hoda'asnii'ii áda'íísįįdígíí doo ła' dazhdoolįh da, nihidishníigo ádíshní.
Ídahooł'aahgo bą́ą́h adooleełii
(Mt. 10:37,38)
25Áko jideeyáágóó diné t'óó ahayóí hoł dah diikai, áádóó Jesus nídzízyizgo diné ábizhdííniid, 26Diné t'áá háiida shaazhníyáago hazhé'é, hamáda, hwe'asdzą́ąda, ha'áłchínída, bił hajííjée'da, hak'isóó áádóó halahkéida, índa t'áá hó jiinánígíí nidi doo jijoołáágóogo,#14:26 Jesus, Shí aláahgo ayóó'áshííní'ní, níigo ání. Mt. 10:37. éí doo shíhooł'aahii jóle' át'ée da. 27T'áá háiida doo hatsin ałnáoszid jootį́į́łgóó, áádóó doo shikéé' joogááłgóó, éí doo shíhooł'aahii jóle' át'ée da.#Mt. 10:38; 16:24; Mk. 8:34; Lk. 9:23. 28Háálá háishą' nihitahdóó dego nízaadgóó astł'ingo ya'ii'áago ádeeshłííł niizį́'ígíí, da' doósh áłtsé dínóodaałgo bą́ą́h adooleełígíí yíídóołtah da, ałtso ályaajį' daats'í bíighah nízingo? 29Éí doodago, kin biyaadę́ę́' haastł'inígíí hajíítł'ingo ch'ééh ájííł'įįdgo, dahoníł'ínígíí t'áá ałtso há nidahałt'i'go 30ádaaníi doo, Díí diné i'niitł'in nít'éé' ałtso íidoolíiłjį' doo yínéés'ąąd da. 31Doodaii' háí aláahgo naat'áanii shį́įshą', náánáła' aláahgo naat'áanii yich'į' anaa' ííléehgo, da' doósh áłtsé dínóodaał da, áádóó yaa nitsídookos da, naadiindi mííl siláo yee shich'į' hideeskaígíí neeznáadi mííl bee bidááh deeshbahgo daats'í bíighah nízingo? 32Doodago, t'ah nízaadę́ę́' yinéełgo, diné dzisnilii k'é náhodoodleeł jiníigo bich'į' jidooł'aał. 33Áko t'áá háiida nihitahdóó t'áá ha'át'íhída bee hólóonii doo yóó'iidi'aahígíí, éí shíhooł'aahii doo jóle' át'ée da.
Áshįįh doo halniih da silį́'ígíí
(Mt. 5:13; Mk. 9:50)
34Áshįįh éí yá'át'ééh, nidi áshįįh doo halniih da silį́į'goshą', ha'át'éego halniih áńdoolnííł? 35Ákót'įįhgo dá'ák'eh biniyé da'alį́į́' bichaan deesk'idii bitah doojih nidi, t'áadoo yee choo'íní da, áko éí diné t'óó yóó'iiłka'. T'áá hajaa' hólǫ́ǫgo azdiits'a'ígíí, háni' ajíists'ą́ą́'.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).