LUKE 19
19
Jesus áádóó Zakíyas
1Jérikodi Jesus níyáago kintahgóó hadiiyá. 2Nít'éé' diné ła' Zakíyas joolyéé léi', éí aląąjį' tax nahalyéhígíí yiniyé sidáii jílį́, áádóó ajit'į́į́ lá. 3Diné chilí jílį́įgo Jesus éí diné bił nooyéłígíí biniinaa Jesus yideestsééł ch'ééh jinízin. 4Áko alą́ąjį' dashdiilwodgo, tsin síkamor sikaadii bąąh hadzis'na', háálá Jesus ákǫ́ǫ́ ch'ídoogááł. 5Áko Jesus ákwii yigáałgo dego honééł'į́į'go áhodííniid, Zakíyas, tsxį́įłgo hadaninááh, háálá díí jį́ nighandi sédáa dooleeł. 6Áko tsxį́įłgo hadajííyá, áádóó baazhníyáago bąą hoł hóózhǫǫd. 7Diné t'áá ałtso éidíígíí dayiiłtsą́ągo doo bił adaaníígóó Jesus yaa nídaast'įįdgo ádadííniid, Diné bąąhági ááníiłii ba'ałk'ee hwiidoołkáałgo bił yah ajííyá. 8Nít'éé' Zakíyas yiizį'go Bóhólníihii áyidííniid, Jó'akon, Bóhólníihii, shinaalye'é ałníí'dóó badahojoobá'íígíí bitaa deeshnih, áádóó diné ła' t'áá ádzaagóó t'áadoo le'é bee bida'délo'ii, éí dį́įdi ahą́ą́h nániiláago baa náhideesh'nił. 9Nít'éé' Jesus áhodííniid, Díí jį́ bee yisdá'iildéehii díí hooghanígi hazlį́į́', jó, éí ałdó' Éíbraham bits'ą́ą́dóó oochíiłii ła' jílį́. 10Háálá Diné Silį́į'ii éí yóó'adahaaskaígíí haidínóotaałgo áádóó yisdánéidiyoo'niłgo yiniyé níyá.#Mt. 18:11.
Béeso máína yolyéhígíí neeznáá binahjį' hane' bee ak'idi'dootį́įłii
(Mt. 25:14-30)
11Díidíígíí deidiizts'ą́ą'go, Jerúsalemjį' t'áá áyídídę́ę́' joogáłígíí índa Diyin God bee bóhólníihgo bił haz'áanii t'áá áko yidooltsééł danízinígíí biniinaa, hane' bee ak'idi'dootį́įłii bee bił ahozh'niilne'. 12Áko ázhdííniid, Diné ayóó át'éii ła' nízaadi kéyah léi'góó deesháałgo áadi bee óhólníihgo bił haz'áanii ádá shóideesht'eeł, áádóó índa nídeeshdááł niizį́į́'. 13Áko t'ah doo dah diighááhgóó bá nidaal'a'í neeznált'éego hágo yidííniidgo, béeso lą'í bą́ą́h ílíinii máína#19:13 Béeso máína yolyéhígíí k'asdą́ą́' naadiin béeso bíighahgo óolyé. T'áá éí ałdó' pound yolyé. yolyéhígíí neeznáá yitaiznii', áko áyidííniid, Nánísdzáajį' díí bee naanish ádadoohłííł. 14Nidi hadine'é dahojoołá, áko diné ła' biniyé nii'nilgo hakéé' dayííł'aadgo ádaaní, Díí diné nihá hoo'áał dooleełígíí doo daniidzin da. 15Áko nít'éé' bee óhólníihgo bił haz'áanii baa deet'ą́ągo nádzáago nida'dziisnii'góó bíńdaniidee'ígíí bił bééhodoozįįł biniyé, Shá nidaal'a'í béeso bitaa sínii'ígíí hágo dabidohní, dííniid. 16Áko áłtséhígíí bich'į' niníyáago ábíłní, Bóhólníihii, nibéeso éí neeznáá bínániidee'. 17Áko áyidííniid, Yá'át'éehgo naal'a'í nílíinii, yá'át'éhígi íinidzaa! T'įįhdígo bee na'ahoosdlí'ígíí yá'át'éehgo ninaanish silį́į́', éí bąą neeznáago kin hadaas'á bee nóhólníih doo. 18Áádóó naaki góne'ígíí ałdó' níyáago ání, Bóhólníihii, nibéeso éí ashdla' bínániidee'. 19Áko áhodííniid, Ni ałdó' ashdla'go kin hadaas'á bee nóhólníih doo. 20Ła'ígíí ałdó' náánádzáago ánáádoo'niid, Bóhólníihii, kǫ́ǫ́ nibéeso si'ą́, bee ádít'oodí bił yishjashgo séł'ą́ą́ nít'éé'; 21ninásdzidgo bąą, háálá diné hashkéii nílį́, áádóó t'áá jíík'e sha'doolyééł t'éí nínízin índa t'áadoo k'idííníláii nánígish. 22Nít'éé' áháłní, T'áá ni nizaadígíí bee naa nídéesht'įįł, bąąhági ááníiłgo naal'a'í nílíinii! Jó, diné hashkéii nishłį́, t'áá jíík'e sha'doolyééł t'éí nisin, índa t'áadoo k'idííláii náshgishgo nił bééhózin lá. 23Ákoshą' ha'át'éego shibéeso doo béeso bá hooghan góne' nííní'ą́ą da, áko nánísdzáago ínáóltą'í bił shaa náninídee' doo nít'éé'? 24Áko ákǫ́ǫ́ naazínígíí áyidííniid, Béeso ba'ít'ánígíí bits'ą́ą́' nídooh'aahgo neeznáá máína neijaahígíí baa noh'aah. 25(Nít'éé' ádahodííniid, Bóhólníihii, éíyee' máína neeznáá bee hólǫ́!) 26Ánihidishní, T'ááłá'í jinítínígo ha'át'íhída hwee hólónígíí, biláahgo ła' haa náádoolyééł, nidi ha'át'íhída hwee ádinígíí, éí t'įįhdígo hwee hólónígíí nidi haghadoolyééł.#Mt. 13:12; Mk. 4:25; Lk. 8:18. 27Nidi díí dashijoołáhígíí, bá hweesh'áał dooleełgo doo deinízin daígíí, kwe'é nidahoh'éeshgo shinááł nidaałtseed.#Mt. 25:14-30.
Jesus ak'eh deesdlį́į'ii k'ehgo Jerúsalem góne' ííyá
(Mt. 21:1-11; Mk. 11:1-11; Jn. 12:12-19)
28Ákót'éego Jesus haadzíi'go, Jerúsalem góde alą́ąjį' dah diiyá. 29Dził Álivz hoolyéegi, Béthfajii áádóó Béthanii bich'į' t'áá áyídídę́ę́' joogáałgo, hódahooł'aahii naakigo dashdiił'a', 30kójíníigo, Nihílááh, náyónaanídi nihidááhjí kin sinilíjį' doh'aash, ákwii t'áá noo'áázhgóó télii yázhí t'ah doo adiyeehígíí dahaastł'ǫ́ǫgo bik'ídooh'ash, éí k'e'dooh'ałgo nídoohłóós. 31Ła'da nanihídééłkidgo, Ha'át'íishą' biniyé k'e'oh'ad? nihiłníigo, Jó, Bóhólníihii choidooł'įįł, bididoohniił. 32Áko bi'dool'aadígíí íí'áazhgo t'áá ábizhdííniidígi át'éego yik'íní'áázh. 33Nít'éé' télii yázhí k'e'ji'adgo bee bídahólníhígíí ádahałní, Ha'át'íí biniyé télii yázhí k'e'oh'ad? 34Áko ájíní, Jó, Bóhólníihii choidooł'įįł. 35Áko Jesus baazhnílóozgo, habeeldléí éí télii yázhí bikáa'jį' adadziiznilgo Jesus yik'i dah neezdá. 36Áádóó booyéełgo dabibeeldléí atiingóó yá dayíłkaad. 37Áko Dził Álivz adah góyaa k'adę́ę dashdiigháahgo, t'óó ahayóí bikéé' nidaakaígíí éí ádahooníiłii ayóó ádaat'éii t'áá ałtso dayiiłtsánígíí bąą bił dahózhǫ́ǫgo dadilwoshgo Diyin God yaa dahaniihgo yaa nídiikai, 38áko ádaaní,
Aláahgo Naat'áanii, Bóhólníihii bízhi' bee bi'dójíigo yigáłígíí bik'ihojidlíi doo!#Ps. 118:26.
Yá'ąąshdi hózhǫ́ǫ doo,
índa aghánáhóó'áadi ni'deezlíid doo!
39Áko diné yíl'áhígíí bitahdę́ę́' Férisii danilíinii ła' ádahodííniid, Na'nitiní, nikéé' nidaakaígíí t'áadoo ádadohníní, bidiní. 40Áko haadzíi'go ání, Ánihidishní, Azhą́ díí dadiiłheel nidi, tsé nidi hadadidoolwosh.
Jesus éí Jerúsalem yaa yícha
41Kin haal'áhígíí t'áá áyídídę́ę́' yich'į' yigáałgo yiyiiłtsą́ągo yaa yícha, 42kóníigo, Dooládó' ts'ídá t'áá díí jį́ bee ach'į' hózhóonii nił bééhózin le' laanaa nósh'níi da! Nidi k'ad éí nits'ąą nídees'į́į́'. 43Háálá bich'į' hoolzhish, éí nida'ana'í łeezh ninídeidootsih índa ninídoot'ihgo doo ch'óoya' át'éégóó ándoolííł, 44áádóó niyi'di kéédahat'ínígíí t'áá bił ni'jį' andi'yoolghą́ą́ł, índa tsé t'ááłá'í nidi doo ałk'i dah si'ą́ą́góó ádeidoolíłígíí éí bił neidoołkááł, háálá Diyin God naa níyáhígíí t'áadoo baa ákoninizį́į' da.
Kin bii' sohodizin nidayiiłchxǫǫhii ch'íneelkaad
(Mt. 21:12-17; Mk. 11:15-19; Jn. 2:13-22)
45Áádóó kin bii' sohodizin bił haz'ą́ą́ góne' yah ajííyáago nida'iiłniihígíí ch'ízhneełkaadgo baa nízdiidzá, 46kójíníigo, Jó, bee ak'e'ashchį́, Shikin éí kin bii' sohodizin át'é.#Is. 56:7. Nidi aghada'ii'níiłii be'a'áán ádaahłaa lá.#Jer. 7:11.
47Áádóó t'áá ákwíí jį́ kin bii' sohodizin bił haz'ą́ą́ góne' Jesus nazh'nitin nít'éé'.#Lk. 21:37. Nidi aláahgo nááda'iiłniihii áádóó bee haz'áanii yínda'niłtinii índa diné alááh dahideezínígíí dahodiyiilyééł ch'ééh daniizį́į́', 48nidi ákódadooníiłgi doo bá ashja da'aléeh da, háálá diné t'áá ałtso t'áá íiyisí dahwíists'ą́ą́'.
Селектирано:
LUKE 19: NVJOB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
LUKE 19
19
Jesus áádóó Zakíyas
1Jérikodi Jesus níyáago kintahgóó hadiiyá. 2Nít'éé' diné ła' Zakíyas joolyéé léi', éí aląąjį' tax nahalyéhígíí yiniyé sidáii jílį́, áádóó ajit'į́į́ lá. 3Diné chilí jílį́įgo Jesus éí diné bił nooyéłígíí biniinaa Jesus yideestsééł ch'ééh jinízin. 4Áko alą́ąjį' dashdiilwodgo, tsin síkamor sikaadii bąąh hadzis'na', háálá Jesus ákǫ́ǫ́ ch'ídoogááł. 5Áko Jesus ákwii yigáałgo dego honééł'į́į'go áhodííniid, Zakíyas, tsxį́įłgo hadaninááh, háálá díí jį́ nighandi sédáa dooleeł. 6Áko tsxį́įłgo hadajííyá, áádóó baazhníyáago bąą hoł hóózhǫǫd. 7Diné t'áá ałtso éidíígíí dayiiłtsą́ągo doo bił adaaníígóó Jesus yaa nídaast'įįdgo ádadííniid, Diné bąąhági ááníiłii ba'ałk'ee hwiidoołkáałgo bił yah ajííyá. 8Nít'éé' Zakíyas yiizį'go Bóhólníihii áyidííniid, Jó'akon, Bóhólníihii, shinaalye'é ałníí'dóó badahojoobá'íígíí bitaa deeshnih, áádóó diné ła' t'áá ádzaagóó t'áadoo le'é bee bida'délo'ii, éí dį́įdi ahą́ą́h nániiláago baa náhideesh'nił. 9Nít'éé' Jesus áhodííniid, Díí jį́ bee yisdá'iildéehii díí hooghanígi hazlį́į́', jó, éí ałdó' Éíbraham bits'ą́ą́dóó oochíiłii ła' jílį́. 10Háálá Diné Silį́į'ii éí yóó'adahaaskaígíí haidínóotaałgo áádóó yisdánéidiyoo'niłgo yiniyé níyá.#Mt. 18:11.
Béeso máína yolyéhígíí neeznáá binahjį' hane' bee ak'idi'dootį́įłii
(Mt. 25:14-30)
11Díidíígíí deidiizts'ą́ą'go, Jerúsalemjį' t'áá áyídídę́ę́' joogáłígíí índa Diyin God bee bóhólníihgo bił haz'áanii t'áá áko yidooltsééł danízinígíí biniinaa, hane' bee ak'idi'dootį́įłii bee bił ahozh'niilne'. 12Áko ázhdííniid, Diné ayóó át'éii ła' nízaadi kéyah léi'góó deesháałgo áadi bee óhólníihgo bił haz'áanii ádá shóideesht'eeł, áádóó índa nídeeshdááł niizį́į́'. 13Áko t'ah doo dah diighááhgóó bá nidaal'a'í neeznált'éego hágo yidííniidgo, béeso lą'í bą́ą́h ílíinii máína#19:13 Béeso máína yolyéhígíí k'asdą́ą́' naadiin béeso bíighahgo óolyé. T'áá éí ałdó' pound yolyé. yolyéhígíí neeznáá yitaiznii', áko áyidííniid, Nánísdzáajį' díí bee naanish ádadoohłííł. 14Nidi hadine'é dahojoołá, áko diné ła' biniyé nii'nilgo hakéé' dayííł'aadgo ádaaní, Díí diné nihá hoo'áał dooleełígíí doo daniidzin da. 15Áko nít'éé' bee óhólníihgo bił haz'áanii baa deet'ą́ągo nádzáago nida'dziisnii'góó bíńdaniidee'ígíí bił bééhodoozįįł biniyé, Shá nidaal'a'í béeso bitaa sínii'ígíí hágo dabidohní, dííniid. 16Áko áłtséhígíí bich'į' niníyáago ábíłní, Bóhólníihii, nibéeso éí neeznáá bínániidee'. 17Áko áyidííniid, Yá'át'éehgo naal'a'í nílíinii, yá'át'éhígi íinidzaa! T'įįhdígo bee na'ahoosdlí'ígíí yá'át'éehgo ninaanish silį́į́', éí bąą neeznáago kin hadaas'á bee nóhólníih doo. 18Áádóó naaki góne'ígíí ałdó' níyáago ání, Bóhólníihii, nibéeso éí ashdla' bínániidee'. 19Áko áhodííniid, Ni ałdó' ashdla'go kin hadaas'á bee nóhólníih doo. 20Ła'ígíí ałdó' náánádzáago ánáádoo'niid, Bóhólníihii, kǫ́ǫ́ nibéeso si'ą́, bee ádít'oodí bił yishjashgo séł'ą́ą́ nít'éé'; 21ninásdzidgo bąą, háálá diné hashkéii nílį́, áádóó t'áá jíík'e sha'doolyééł t'éí nínízin índa t'áadoo k'idííníláii nánígish. 22Nít'éé' áháłní, T'áá ni nizaadígíí bee naa nídéesht'įįł, bąąhági ááníiłgo naal'a'í nílíinii! Jó, diné hashkéii nishłį́, t'áá jíík'e sha'doolyééł t'éí nisin, índa t'áadoo k'idííláii náshgishgo nił bééhózin lá. 23Ákoshą' ha'át'éego shibéeso doo béeso bá hooghan góne' nííní'ą́ą da, áko nánísdzáago ínáóltą'í bił shaa náninídee' doo nít'éé'? 24Áko ákǫ́ǫ́ naazínígíí áyidííniid, Béeso ba'ít'ánígíí bits'ą́ą́' nídooh'aahgo neeznáá máína neijaahígíí baa noh'aah. 25(Nít'éé' ádahodííniid, Bóhólníihii, éíyee' máína neeznáá bee hólǫ́!) 26Ánihidishní, T'ááłá'í jinítínígo ha'át'íhída hwee hólónígíí, biláahgo ła' haa náádoolyééł, nidi ha'át'íhída hwee ádinígíí, éí t'įįhdígo hwee hólónígíí nidi haghadoolyééł.#Mt. 13:12; Mk. 4:25; Lk. 8:18. 27Nidi díí dashijoołáhígíí, bá hweesh'áał dooleełgo doo deinízin daígíí, kwe'é nidahoh'éeshgo shinááł nidaałtseed.#Mt. 25:14-30.
Jesus ak'eh deesdlį́į'ii k'ehgo Jerúsalem góne' ííyá
(Mt. 21:1-11; Mk. 11:1-11; Jn. 12:12-19)
28Ákót'éego Jesus haadzíi'go, Jerúsalem góde alą́ąjį' dah diiyá. 29Dził Álivz hoolyéegi, Béthfajii áádóó Béthanii bich'į' t'áá áyídídę́ę́' joogáałgo, hódahooł'aahii naakigo dashdiił'a', 30kójíníigo, Nihílááh, náyónaanídi nihidááhjí kin sinilíjį' doh'aash, ákwii t'áá noo'áázhgóó télii yázhí t'ah doo adiyeehígíí dahaastł'ǫ́ǫgo bik'ídooh'ash, éí k'e'dooh'ałgo nídoohłóós. 31Ła'da nanihídééłkidgo, Ha'át'íishą' biniyé k'e'oh'ad? nihiłníigo, Jó, Bóhólníihii choidooł'įįł, bididoohniił. 32Áko bi'dool'aadígíí íí'áazhgo t'áá ábizhdííniidígi át'éego yik'íní'áázh. 33Nít'éé' télii yázhí k'e'ji'adgo bee bídahólníhígíí ádahałní, Ha'át'íí biniyé télii yázhí k'e'oh'ad? 34Áko ájíní, Jó, Bóhólníihii choidooł'įįł. 35Áko Jesus baazhnílóozgo, habeeldléí éí télii yázhí bikáa'jį' adadziiznilgo Jesus yik'i dah neezdá. 36Áádóó booyéełgo dabibeeldléí atiingóó yá dayíłkaad. 37Áko Dził Álivz adah góyaa k'adę́ę dashdiigháahgo, t'óó ahayóí bikéé' nidaakaígíí éí ádahooníiłii ayóó ádaat'éii t'áá ałtso dayiiłtsánígíí bąą bił dahózhǫ́ǫgo dadilwoshgo Diyin God yaa dahaniihgo yaa nídiikai, 38áko ádaaní,
Aláahgo Naat'áanii, Bóhólníihii bízhi' bee bi'dójíigo yigáłígíí bik'ihojidlíi doo!#Ps. 118:26.
Yá'ąąshdi hózhǫ́ǫ doo,
índa aghánáhóó'áadi ni'deezlíid doo!
39Áko diné yíl'áhígíí bitahdę́ę́' Férisii danilíinii ła' ádahodííniid, Na'nitiní, nikéé' nidaakaígíí t'áadoo ádadohníní, bidiní. 40Áko haadzíi'go ání, Ánihidishní, Azhą́ díí dadiiłheel nidi, tsé nidi hadadidoolwosh.
Jesus éí Jerúsalem yaa yícha
41Kin haal'áhígíí t'áá áyídídę́ę́' yich'į' yigáałgo yiyiiłtsą́ągo yaa yícha, 42kóníigo, Dooládó' ts'ídá t'áá díí jį́ bee ach'į' hózhóonii nił bééhózin le' laanaa nósh'níi da! Nidi k'ad éí nits'ąą nídees'į́į́'. 43Háálá bich'į' hoolzhish, éí nida'ana'í łeezh ninídeidootsih índa ninídoot'ihgo doo ch'óoya' át'éégóó ándoolííł, 44áádóó niyi'di kéédahat'ínígíí t'áá bił ni'jį' andi'yoolghą́ą́ł, índa tsé t'ááłá'í nidi doo ałk'i dah si'ą́ą́góó ádeidoolíłígíí éí bił neidoołkááł, háálá Diyin God naa níyáhígíí t'áadoo baa ákoninizį́į' da.
Kin bii' sohodizin nidayiiłchxǫǫhii ch'íneelkaad
(Mt. 21:12-17; Mk. 11:15-19; Jn. 2:13-22)
45Áádóó kin bii' sohodizin bił haz'ą́ą́ góne' yah ajííyáago nida'iiłniihígíí ch'ízhneełkaadgo baa nízdiidzá, 46kójíníigo, Jó, bee ak'e'ashchį́, Shikin éí kin bii' sohodizin át'é.#Is. 56:7. Nidi aghada'ii'níiłii be'a'áán ádaahłaa lá.#Jer. 7:11.
47Áádóó t'áá ákwíí jį́ kin bii' sohodizin bił haz'ą́ą́ góne' Jesus nazh'nitin nít'éé'.#Lk. 21:37. Nidi aláahgo nááda'iiłniihii áádóó bee haz'áanii yínda'niłtinii índa diné alááh dahideezínígíí dahodiyiilyééł ch'ééh daniizį́į́', 48nidi ákódadooníiłgi doo bá ashja da'aléeh da, háálá diné t'áá ałtso t'áá íiyisí dahwíists'ą́ą́'.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).