MATTHEW 24
24
Kin bii' sohodizin ádooldįįłígíí t'áá bítséedi baa hojoolne'
(Mk. 13:1,2; Lk. 21:5,6)
1Áko sohodizin bił haz'ą́ą́dóó Jesus ch'ízhníyáago joogááł, nít'éé' hódahooł'aahii, Díí sohodizin bił haz'ą́ągi kin naaznilígíí níníł'į́, dahałníigo haa yíkai. 2Nidi Jesus éí áhodííniid, Da' díísh t'áá ałtso doo daah'į́į da? T'áá aaníí ánihidishní, Kwe'é tsé doo ła' t'áá ałk'i dah si'ą́ą da dooleeł, nidi t'áá ałtso naa'ahidoolkał.
Ach'į' nahwii'náa dooleełígíí baa hojoolne'
(Mk. 13:3-13; Lk. 21:7-19)
3Nít'éé' Dził Álivz binániidi jineezdáago, hódahooł'aahii kódaaníigo t'áá sáhí haa yíkai, Baa ch'íhwííní'ánígíishą' hahgo ádahodoonííł, bee nihił hólne', áádóó náádíídáłígíí, índa nihoolzhíshígíishą' ha'át'íí bee bééhózin doo? 4Áko Jesus hach'į' haadzíi'go áhodííniid, Ádaa ádahołyą́, áko diné doo ła' yóó'adanihidínóo'ah da. 5Háálá lą'í, Shí Christ ásht'į́, daaníigo shízhi' yee ádadójíigo nidahidookah, áko lą'í yóó'adeidínóo'ah. 6Áádóó anaa' dahazlį́į'go índa anaa' dahaleeh ha'níigo baa dahane'go dadoohts'a' doo; ííshją́ą́ éí t'áadoo bik'ee nitsidaahkaaí, háálá díidí ts'ídá ádahodoonííł, nidi t'ah doo nihoogháah da doo. 7Háálá ał'ąą dine'é ałch'į' nídahidiibáah doo, áádóó łahgo nihokáá' bee bóhólníihgo bił haz'áanii índa nááná ła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł, índa łahgóó dahodichin doo, [áádóó ach'į' nidahwii'náa doo,] áádóó ni' nídahidi'náah doo. 8Díidíígíí t'áá ałtso ti'hoo'nííh bee dadeezt'i'ii ádaat'é.
9Ákohgo até'él'į́ yaa danihidii'aah dooleeł, áádóó nidanihidoołtsił, índa shízhi' biniinaa ał'ąą dine'é t'áá ałtso nihik'ee dadiniih doo.#Mt. 10:22. 10Áko índa lą'í shits'ánáhidoojah, índa nináda'ahidiit'aah, áádóó ałk'ee dadi'niih doo. 11Áko t'óó ádahodil'į́įgo dahalne'ii t'óó ahayóí dahodooleełgo lą'í yóó'adeidínóo'ah. 12Áko bąąhági át'éii k'ee'ąą deeshzhiizhígíí biniinaa diné lą'í bibee ayóó'ó'ó'ni' dadínóok'as. 13Nidi t'áá háiida t'áá nihoníyáajį' ha'ólnínígíí éí yisdádooltééł.#Mt. 10:22. 14Áádóó yá'ąąshii bee bóhólníihgo bił haz'áanii baa Hane' Yá'át'éehii nahasdzáán nidahonees'ą́ą́góó, ał'ąą dine'é t'áá ałtso bee hwéédahodoozįįł biniyé bee hoł dahodoonih, áko áadi índa nihodoogááł.
Ayóó át'éego ach'į' nahwii'náa doo
(Mk. 13:14-23; Lk. 21:20-24)
15Éí bąą (díí t'áá jółta' shį́į́ háni' bik'izh'diitįįh) doo yildingóó ni'iiłchxǫǫhii, Daniel éí Diyin God yá halne'ii nilį́įgo yaa ch'íhoní'áanii hodiyinígi sizį́įgo deidoołtsééł.#Dan. 9:27; 11:31; 12:11. 16Áko índa Judíyagi kéédahat'ínígíí dziłjį' choda'iidooł'įįł; 17ła'da bikin bighą́ą'di naagháago,#24:17 Hooghan bikáa'gi hóteel nít'éé' áádóó tł'óó'dóó bikáa'jį' há'áldah nít'éé'. Áadi diné hádaalyį́į́h. wóne'dę́ę́' t'áadoo le' é ch'íidoojih biniyé doo yah anídoolwoł da, 18áádóó ła'da dá'ák'ehgi naagháago bi'éétsoh t'ááká t'ą́ą́' yaa náolyeed lágo.#Lk. 17:31. 19Áko éí beiníłką́ągo dadzooltsánígíí índa awéé' dahałt'o'ígíí doo hasht'e'ígóó yínííł biishdínóodah! 20Haigo, éí doodaii' háá'áyį́į́h jį́ aleeh góne' doo dadínóohchéłígíí bíká sodadołzin. 21Háálá ákohgo ayóó át'éego ach'į' nahwii'náa doo, nahasdzáán hazlį́į́'dóó wóshdę́ę́' díí jį́įjį' ach'į' nahwii'ná ákót'éii t'ah doo yiiltséeh da nít'éé',#Dan. 12:1; Rev. 7:14. áádóó ts'ídá doo ákónááhodoo'níił da. 22Índa éí yoołkáłígíí doo áłts'ísí ánályaagóogo, nihokáá' dine'é doo ła' doodzih da, nidi bitah haasdláa'ii biniinaa éí yoołkáłígíí áłts'ísí áńdoolnííł. 23Ákohgo diné ła'da, Shoo, kǫ́ǫ́ Christ naaghá, éí doodaléi', Níláhjí naaghá, danihiłníigo t'áadoo deinohdlání. 24Háálá Christ ádadil'íinii índa t'óó ádahodil'į́įgo dahalne'ii dahodooleełgo, álílee k'ehgo bee éédahózinii índa bik'ee t'óó ił ahayóigo ádahooníiłii ádeił'į́į doo, áko yídaneel'ą́ą́ ládą́ą́' Diyin God atah yiyiizlá'ígíí nidi yóó'adeidínóo'ah. 25Jó'akon, díí t'ah doo ánééhdą́ą́' bee nihił hashne'. 26Éí bąą, Shoo níléí honoojíidi naaghá, danihiłníigo, ákǫ́ǫ́ dadohkááh yíila', doodaii', Shoo ná'áne'ídi sidá, danihiłníigo, t'áadoo deinohdlání. 27Jó, ha'a'aahjí jiilgishgo e'e'aahjį' nidi tsé'naa bee i'didla'ígi át'éego, Diné Silį́į'ii doogááł.#Lk. 17:23,24. 28T'áá ha'át'íhída daaztsą́ągo sitį́įgi ákwe'é jeeshóó' áłah nilį́į doo.#Lk. 17:37.
Diné Silį́į'ii nídoodáłígíí
(Mk. 13:24-27; Lk. 21:25-28)
29Éí ach'į' nahwii'ná bił yoołkáłígíí bighá yooską́ą́dóó bik'ijį', t'áá áko jį́honaa'éí bił chahodoołhi ł,#Is. 13:10; Joel 2:10,31; 3:15; Rev. 6:12. áádóó ooljéé' doo adiníłdíin da doo,#Is. 13:10; Ezek. 32:7; Joel 2:10; 3:15. índa yádiłhił biyi'dę́ę́' sǫ' nidahindéeh doo,#Is. 34:4; Rev. 6:13. áádóó yá'ąąshdi bee dahółdzilii dadoogał,#Joel 2:10. 30áko índa Diné Silį́į'ii bee bééhózinii yádiłhił biyi'di yidooltsééł, áadi índa nahasdzáán bikáa'gi ał'ąą dine'é t'áá ałtso dadoocha, índa yádiłhił biyi'dę́ę́' Diné Silį́į'ii k'os bił yildohgo áádóó bee adziil índa ayóó át'é ats'ádi'nílííd yił yigáałgo deizdoołtsééł.#Dan. 7:13; Zech. 12:10-14; Rev. 1:7. 31Áádóó dilní ayóó íits'a'go diists'ą́ą'go bidiyingo nidaal'a'í iidiyooł'aał, áko t'áá dį́į́'góó yádiłhił nidanees'ą́ą́dę́ę́' atah yiyiizláa'ii áłah ádeidoolííł.
Fig sikaadgo néitsóhígíí binahjį' na'nitin
(Mk. 13:28-31; Lk. 21:29-33)
32Fig sikaadii binahjį' hane' bee ak'idi'dootį́įłii nihił béédahoozįįh: jó, éí bits'áoz'a' dit'ódí yileeh áádóó índa bit'ąą' néitsohgo k'adę́ę ch'ínáshį́įgo nihił béédahózin łeh. 33Nihí ałdó' díidíígíí bidahoolníiłgo danół'į́įgo, Diné Silį́į'ii k'ad t'áá áyídídę́ę́' nihich'éédą́ą'jį' nidi bił ahoolzhiizh lá danohsingo nihił béédahózin doo. 34T'áá aaníígóó ánihidishní, Díí oochíłígíí doo bił yóó'ahodoogáał da, díidí t'áá ałtso ádaadzaago índa. 35Yádiłhił índa nahasdzáán bił yóó'ahodoogááł, nidi shizaad t'éiyá doo bił yóó'ahodoogáał da.
Ákwii yoołkáłígíí índa oolkiłígíí diné ła'da doo hoł bééhózin da
(Mk. 13:32-37; Lk. 17:26-30,34-36)
36Nidi ákwii yoołkáłígíí índa oolkiłígíí diné ła'da doo hoł bééhózin da, yá'ąąshdi diyingo nidaal'a'í nidi dooda, aYe' nidi dooda, nidi shiTaa' t'éiyá bił bééhózin. 37Áko Diné Silį́į'ii yígháahgo, Nóah bíyoołkááł yę́ędą́ą́' áhoot'éhígi áhoot'ée doo.#Gen. 6:5-8. 38Háálá éí yoołkááł yę́ędą́ą́' t'ah doo tó yiląąhgóó Nóah tsinaa'eeł yiih yíyáajį' diné da'ayą́ áádóó da'adlą́ áádóó nida'ayeh índa ahaa daha'nííł nít'éé', 39áko tó dooląąłígíí doo bił béédahózingóó tó yíląąd áádóó ábi'niiłdįįdgo índa bił béédahoozin,#Gen. 7:6-24. áko Diné Silį́į'ii yígháahgo ts'ídá ákóhoot'ée doo. 40Ákohgo dá'ák'ehgi diné naaki naa'aash doo; ła' nídidooltééł, ła'ígíí éí t'áá ákǫ́ǫ doo. 41Asdzání naaki ak'áa doo; ła' nídidooltééł, ła'ígíí éí t'áá ákǫ́ǫ doo. 42Éí bąą hada'ísídół'į́į́', háálá nihiBóhólníihii nídoodááł bijínígíí doo nihił béédahózin da. 43Nidi díí nihił béédahózin, kin bee bóhólníihii ts'ídá ákohgo ani'įįhii doogáłígíí bił bééhózingo, ha'asíid doo, áko bighan doo bits'ą́ą́' wótsid át'éégóó íidoolííł. 44Éí bąą nihí ałdó' hasht'e' áda'díínółzin, háálá Diné Silį́į'ii oolkiłígi doo nidayínóhłíi da yę́ę góne' doogááł.#Lk. 12:39,40.
Naal'a'í ba'ahódlíii, doodaii' naal'a'í doo ba'ahódlíii
(Lk. 12:41-48)
45Ákoshą' háí ba'ahódlíigo índa hóyą́ągo naal'a'í nilį́, éí binanit'a'í bighan haz'ą́ągi nidaakaígíí t'áá ałtso t'áá áajį' anáhwiilzhíishgo yaná'áltso' doo biniyé nibiníłtį́? 46Naal'a'í jílíinii ákójít'į́įgo hananit'a'í níyáago éí hak'ihojidlí. 47T'áá aaníígóó ánihidishní, Hananit'a'í bee hólóonii t'áá ałtso bee hóhólníihgo nihodoołtééł. 48Nidi naal'a'í doo yá'áshóonii t'áá bijéí biyi'ídi, Shinanit'a'í la' doo hah nádáah da, didooniił, 49áádóó yił nidaal'a'ígíí yitaa'ałhaałgo, índa da'adláanii yił da'ayą́ągo áádóó da'adlą́ągo yaa nídidoodááł. 50Éí naal'a'í nilíinii binanit'a'í yoołkáałii doo nayólíí góne' índa hoolzhish doo bił bééhózin góne' nídoodáałgo, 51atíbidoolííł,#24:51 Éí doodago kót'é, nibidiyoołgish. índa diné t'óó ádahodil'íinii yitah hodoołt'eeł; áadi diné daachxa áádóó biwoo' ahídeidiłk'ash doo.
Селектирано:
MATTHEW 24: NVJOB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
MATTHEW 24
24
Kin bii' sohodizin ádooldįįłígíí t'áá bítséedi baa hojoolne'
(Mk. 13:1,2; Lk. 21:5,6)
1Áko sohodizin bił haz'ą́ą́dóó Jesus ch'ízhníyáago joogááł, nít'éé' hódahooł'aahii, Díí sohodizin bił haz'ą́ągi kin naaznilígíí níníł'į́, dahałníigo haa yíkai. 2Nidi Jesus éí áhodííniid, Da' díísh t'áá ałtso doo daah'į́į da? T'áá aaníí ánihidishní, Kwe'é tsé doo ła' t'áá ałk'i dah si'ą́ą da dooleeł, nidi t'áá ałtso naa'ahidoolkał.
Ach'į' nahwii'náa dooleełígíí baa hojoolne'
(Mk. 13:3-13; Lk. 21:7-19)
3Nít'éé' Dził Álivz binániidi jineezdáago, hódahooł'aahii kódaaníigo t'áá sáhí haa yíkai, Baa ch'íhwííní'ánígíishą' hahgo ádahodoonííł, bee nihił hólne', áádóó náádíídáłígíí, índa nihoolzhíshígíishą' ha'át'íí bee bééhózin doo? 4Áko Jesus hach'į' haadzíi'go áhodííniid, Ádaa ádahołyą́, áko diné doo ła' yóó'adanihidínóo'ah da. 5Háálá lą'í, Shí Christ ásht'į́, daaníigo shízhi' yee ádadójíigo nidahidookah, áko lą'í yóó'adeidínóo'ah. 6Áádóó anaa' dahazlį́į'go índa anaa' dahaleeh ha'níigo baa dahane'go dadoohts'a' doo; ííshją́ą́ éí t'áadoo bik'ee nitsidaahkaaí, háálá díidí ts'ídá ádahodoonííł, nidi t'ah doo nihoogháah da doo. 7Háálá ał'ąą dine'é ałch'į' nídahidiibáah doo, áádóó łahgo nihokáá' bee bóhólníihgo bił haz'áanii índa nááná ła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł, índa łahgóó dahodichin doo, [áádóó ach'į' nidahwii'náa doo,] áádóó ni' nídahidi'náah doo. 8Díidíígíí t'áá ałtso ti'hoo'nííh bee dadeezt'i'ii ádaat'é.
9Ákohgo até'él'į́ yaa danihidii'aah dooleeł, áádóó nidanihidoołtsił, índa shízhi' biniinaa ał'ąą dine'é t'áá ałtso nihik'ee dadiniih doo.#Mt. 10:22. 10Áko índa lą'í shits'ánáhidoojah, índa nináda'ahidiit'aah, áádóó ałk'ee dadi'niih doo. 11Áko t'óó ádahodil'į́įgo dahalne'ii t'óó ahayóí dahodooleełgo lą'í yóó'adeidínóo'ah. 12Áko bąąhági át'éii k'ee'ąą deeshzhiizhígíí biniinaa diné lą'í bibee ayóó'ó'ó'ni' dadínóok'as. 13Nidi t'áá háiida t'áá nihoníyáajį' ha'ólnínígíí éí yisdádooltééł.#Mt. 10:22. 14Áádóó yá'ąąshii bee bóhólníihgo bił haz'áanii baa Hane' Yá'át'éehii nahasdzáán nidahonees'ą́ą́góó, ał'ąą dine'é t'áá ałtso bee hwéédahodoozįįł biniyé bee hoł dahodoonih, áko áadi índa nihodoogááł.
Ayóó át'éego ach'į' nahwii'náa doo
(Mk. 13:14-23; Lk. 21:20-24)
15Éí bąą (díí t'áá jółta' shį́į́ háni' bik'izh'diitįįh) doo yildingóó ni'iiłchxǫǫhii, Daniel éí Diyin God yá halne'ii nilį́įgo yaa ch'íhoní'áanii hodiyinígi sizį́įgo deidoołtsééł.#Dan. 9:27; 11:31; 12:11. 16Áko índa Judíyagi kéédahat'ínígíí dziłjį' choda'iidooł'įįł; 17ła'da bikin bighą́ą'di naagháago,#24:17 Hooghan bikáa'gi hóteel nít'éé' áádóó tł'óó'dóó bikáa'jį' há'áldah nít'éé'. Áadi diné hádaalyį́į́h. wóne'dę́ę́' t'áadoo le' é ch'íidoojih biniyé doo yah anídoolwoł da, 18áádóó ła'da dá'ák'ehgi naagháago bi'éétsoh t'ááká t'ą́ą́' yaa náolyeed lágo.#Lk. 17:31. 19Áko éí beiníłką́ągo dadzooltsánígíí índa awéé' dahałt'o'ígíí doo hasht'e'ígóó yínííł biishdínóodah! 20Haigo, éí doodaii' háá'áyį́į́h jį́ aleeh góne' doo dadínóohchéłígíí bíká sodadołzin. 21Háálá ákohgo ayóó át'éego ach'į' nahwii'náa doo, nahasdzáán hazlį́į́'dóó wóshdę́ę́' díí jį́įjį' ach'į' nahwii'ná ákót'éii t'ah doo yiiltséeh da nít'éé',#Dan. 12:1; Rev. 7:14. áádóó ts'ídá doo ákónááhodoo'níił da. 22Índa éí yoołkáłígíí doo áłts'ísí ánályaagóogo, nihokáá' dine'é doo ła' doodzih da, nidi bitah haasdláa'ii biniinaa éí yoołkáłígíí áłts'ísí áńdoolnííł. 23Ákohgo diné ła'da, Shoo, kǫ́ǫ́ Christ naaghá, éí doodaléi', Níláhjí naaghá, danihiłníigo t'áadoo deinohdlání. 24Háálá Christ ádadil'íinii índa t'óó ádahodil'į́įgo dahalne'ii dahodooleełgo, álílee k'ehgo bee éédahózinii índa bik'ee t'óó ił ahayóigo ádahooníiłii ádeił'į́į doo, áko yídaneel'ą́ą́ ládą́ą́' Diyin God atah yiyiizlá'ígíí nidi yóó'adeidínóo'ah. 25Jó'akon, díí t'ah doo ánééhdą́ą́' bee nihił hashne'. 26Éí bąą, Shoo níléí honoojíidi naaghá, danihiłníigo, ákǫ́ǫ́ dadohkááh yíila', doodaii', Shoo ná'áne'ídi sidá, danihiłníigo, t'áadoo deinohdlání. 27Jó, ha'a'aahjí jiilgishgo e'e'aahjį' nidi tsé'naa bee i'didla'ígi át'éego, Diné Silį́į'ii doogááł.#Lk. 17:23,24. 28T'áá ha'át'íhída daaztsą́ągo sitį́įgi ákwe'é jeeshóó' áłah nilį́į doo.#Lk. 17:37.
Diné Silį́į'ii nídoodáłígíí
(Mk. 13:24-27; Lk. 21:25-28)
29Éí ach'į' nahwii'ná bił yoołkáłígíí bighá yooską́ą́dóó bik'ijį', t'áá áko jį́honaa'éí bił chahodoołhi ł,#Is. 13:10; Joel 2:10,31; 3:15; Rev. 6:12. áádóó ooljéé' doo adiníłdíin da doo,#Is. 13:10; Ezek. 32:7; Joel 2:10; 3:15. índa yádiłhił biyi'dę́ę́' sǫ' nidahindéeh doo,#Is. 34:4; Rev. 6:13. áádóó yá'ąąshdi bee dahółdzilii dadoogał,#Joel 2:10. 30áko índa Diné Silį́į'ii bee bééhózinii yádiłhił biyi'di yidooltsééł, áadi índa nahasdzáán bikáa'gi ał'ąą dine'é t'áá ałtso dadoocha, índa yádiłhił biyi'dę́ę́' Diné Silį́į'ii k'os bił yildohgo áádóó bee adziil índa ayóó át'é ats'ádi'nílííd yił yigáałgo deizdoołtsééł.#Dan. 7:13; Zech. 12:10-14; Rev. 1:7. 31Áádóó dilní ayóó íits'a'go diists'ą́ą'go bidiyingo nidaal'a'í iidiyooł'aał, áko t'áá dį́į́'góó yádiłhił nidanees'ą́ą́dę́ę́' atah yiyiizláa'ii áłah ádeidoolííł.
Fig sikaadgo néitsóhígíí binahjį' na'nitin
(Mk. 13:28-31; Lk. 21:29-33)
32Fig sikaadii binahjį' hane' bee ak'idi'dootį́įłii nihił béédahoozįįh: jó, éí bits'áoz'a' dit'ódí yileeh áádóó índa bit'ąą' néitsohgo k'adę́ę ch'ínáshį́įgo nihił béédahózin łeh. 33Nihí ałdó' díidíígíí bidahoolníiłgo danół'į́įgo, Diné Silį́į'ii k'ad t'áá áyídídę́ę́' nihich'éédą́ą'jį' nidi bił ahoolzhiizh lá danohsingo nihił béédahózin doo. 34T'áá aaníígóó ánihidishní, Díí oochíłígíí doo bił yóó'ahodoogáał da, díidí t'áá ałtso ádaadzaago índa. 35Yádiłhił índa nahasdzáán bił yóó'ahodoogááł, nidi shizaad t'éiyá doo bił yóó'ahodoogáał da.
Ákwii yoołkáłígíí índa oolkiłígíí diné ła'da doo hoł bééhózin da
(Mk. 13:32-37; Lk. 17:26-30,34-36)
36Nidi ákwii yoołkáłígíí índa oolkiłígíí diné ła'da doo hoł bééhózin da, yá'ąąshdi diyingo nidaal'a'í nidi dooda, aYe' nidi dooda, nidi shiTaa' t'éiyá bił bééhózin. 37Áko Diné Silį́į'ii yígháahgo, Nóah bíyoołkááł yę́ędą́ą́' áhoot'éhígi áhoot'ée doo.#Gen. 6:5-8. 38Háálá éí yoołkááł yę́ędą́ą́' t'ah doo tó yiląąhgóó Nóah tsinaa'eeł yiih yíyáajį' diné da'ayą́ áádóó da'adlą́ áádóó nida'ayeh índa ahaa daha'nííł nít'éé', 39áko tó dooląąłígíí doo bił béédahózingóó tó yíląąd áádóó ábi'niiłdįįdgo índa bił béédahoozin,#Gen. 7:6-24. áko Diné Silį́į'ii yígháahgo ts'ídá ákóhoot'ée doo. 40Ákohgo dá'ák'ehgi diné naaki naa'aash doo; ła' nídidooltééł, ła'ígíí éí t'áá ákǫ́ǫ doo. 41Asdzání naaki ak'áa doo; ła' nídidooltééł, ła'ígíí éí t'áá ákǫ́ǫ doo. 42Éí bąą hada'ísídół'į́į́', háálá nihiBóhólníihii nídoodááł bijínígíí doo nihił béédahózin da. 43Nidi díí nihił béédahózin, kin bee bóhólníihii ts'ídá ákohgo ani'įįhii doogáłígíí bił bééhózingo, ha'asíid doo, áko bighan doo bits'ą́ą́' wótsid át'éégóó íidoolííł. 44Éí bąą nihí ałdó' hasht'e' áda'díínółzin, háálá Diné Silį́į'ii oolkiłígi doo nidayínóhłíi da yę́ę góne' doogááł.#Lk. 12:39,40.
Naal'a'í ba'ahódlíii, doodaii' naal'a'í doo ba'ahódlíii
(Lk. 12:41-48)
45Ákoshą' háí ba'ahódlíigo índa hóyą́ągo naal'a'í nilį́, éí binanit'a'í bighan haz'ą́ągi nidaakaígíí t'áá ałtso t'áá áajį' anáhwiilzhíishgo yaná'áltso' doo biniyé nibiníłtį́? 46Naal'a'í jílíinii ákójít'į́įgo hananit'a'í níyáago éí hak'ihojidlí. 47T'áá aaníígóó ánihidishní, Hananit'a'í bee hólóonii t'áá ałtso bee hóhólníihgo nihodoołtééł. 48Nidi naal'a'í doo yá'áshóonii t'áá bijéí biyi'ídi, Shinanit'a'í la' doo hah nádáah da, didooniił, 49áádóó yił nidaal'a'ígíí yitaa'ałhaałgo, índa da'adláanii yił da'ayą́ągo áádóó da'adlą́ągo yaa nídidoodááł. 50Éí naal'a'í nilíinii binanit'a'í yoołkáałii doo nayólíí góne' índa hoolzhish doo bił bééhózin góne' nídoodáałgo, 51atíbidoolííł,#24:51 Éí doodago kót'é, nibidiyoołgish. índa diné t'óó ádahodil'íinii yitah hodoołt'eeł; áadi diné daachxa áádóó biwoo' ahídeidiłk'ash doo.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).