MARK 3
3
Diné bíla' bąąh dah haz'áanii
(Mt. 12:9-14; Lk. 6:6-11)
1Kin bii' áłah ná'ádleeh góne' Jesus yah anáádzoodzáago ákwe'é diné bíla' t'ááłáhájígo bąąh dah haz'ą́ą́ léi' sidáá lá. 2Áko t'áá ałtso hadahasíidgo ádeinízin, háá'áyį́į́h jį́į́ góne' daats'í náábizhdidoołááł, díí yee hak'i dahodidoo'ááł biniyé. 3Áko diné bíla' bąąh dah haz'áanii hágo yidííniid. 4Áádóó Férisii danilíinii nayídééłkid, Háá'áyį́į́h jį́į́ góne' daats'í yá'át'éehgo ázhdoonííł, doodaii' atízh'doolíiłgo daats'í bee haz'ą́; hináanii yisdázhdoołtééł, doodaii' azhdiyoołhéełgo daats'í bee haz'ą́? Nidi t'áadoo hadaasdzíi' da. 5Áádóó doo binídahaz'áágóó bąąh háni'go doo hoł hózhǫ́ǫ́góó bitah dzideezghalgo diné bíla' bąąh dah haz'ánígíí ábijiní, K'ídílchííd. Áko k'ídeeshchidgo bíla' hadaałt'é násdlį́į́'. 6Áádóó Férisii danilíinii ch'ékaigo ha'át'éegoda dahodiyoołhéłígíí yee hondahaz'ą́ągo Hérad yich'ijí danilínígíí t'áá áko yił haa nídaast'įįd.
Be'ek'id bąąhgi diné yíl'á
7Áko Jesus bídahooł'aahii be'ek'idgóó yił dah diikai, áko t'óó ahojíyóí Gáliliidę́ę́' bikéé' nidziiskaii áádóó Judíyadę́ę́' 8áádóó Jerúsalem kin haal'áhídę́ę́' áádóó kéyah Idumíya hoolyéédę́ę́' áádóó Jórdan tooh wónaanídę́ę́' áádóó Táir índa Sáídan kin haal'áhídę́ę́' t'óó ahojíyóí Jesus yaa naagháhígíí t'áá ałtso dajíínii'go baa dziiskai. 9Áádóó t'óó ahojíyóigo bąą doo dahozhdoołjish da biniyé, hódahooł'aahii ábizhdííniid, Tsinaa'eeł yázhí ła' kojį' shá ninoł'eeł, 10háálá lą'í náádabizhdiiłjée'go, ka nidaakaígíí t'áá ałtso hodadidiilchił danízingo hak'ijį' da'ahiljizh.#Mk. 4:1; Lk. 5:1-3. 11Áádóó níłch'i danchxǫ́'ígíí nídahoołtséehgo hayaajį' anída'diilghą́ąhgo éí yéego háádadilwoshgo ádaaní, Diyin God biYe' nílíinii ánít'į́.
12Áádóó bich'į' hadzoodzíi'go ábijiní, T'ááká shaa ch'ídahooh'ááł lágo.
Jesus éí naakits'áadahígíí náyiizláá'
(Mt. 10:1-4; Lk. 6:12-16)
13Áádóó Jesus dayílk'idgóó ajííyáago t'áá hóznízinígíí hágo bizhdííniid, áko éí haa haaskai. 14Áádóó diné naakits'áadah bił nijikai dooleełgo éí Diyin God bizaad yaa dahodoolnihgóó ahizhdooł'aał biniyé bits'ázhnínil, 15áádóó bee óhólníihii bee dahólǫ́ǫgo [bąąh dah nahaz'áanii hadaałt'é anídeidle', áádóó] níłch'i bida'iiníziinii bii' dahólóonii yii'dę́ę́' hadeiniiłkaad doo ałdó' biniyé bits'ázhnínil. 16Sáíman wolyéhígíí Peter ałdó' bee jíízhi'; 17Zébedii biye'ké James índa yił háá'áázh John, éí Bowanérjiiz ałdó' bizhdííniid, éí ii'ni' biye'ké jiníigo óolyé; 18Andrew, áádóó Philip, áádóó Barthálemew, áádóó Matthew, áádóó Thomas, áádóó James éí Alfíyas biye', áádóó Thádiyas, áádóó Sáíman éí Kéínan dine'é jílínígíí, 19índa Júdas Iskáriyat, éí nináhodidoo'áłígíí, díí t'áá ałtso bits'ázhnínil. Ákohgo kin góne' Jesus bił yah ajookai.
Jesus índa Béíyalzííbab
(Mt. 12:22-32; Lk. 11:14-23; 12:10)
20Diné yíl'áhígíí haa áłah náánásdlį́į'go doo da'jóyą́ą́' ádzaa da. 21Áko hak'isóó danilínígíí dayíínii'go dahwiidoołtsoł yiniyé haa yíkai, háálá ła' ádaaní, Tsizh'deeyáá lá. 22Áádóó bee haz'áanii yínda'niłtinii Jerúsalemdę́ę́' yíkaígíí ádaaní, Béíyalzííbab hwii' hólǫ́ǫ́ lá, áko níłch'i bida'iiníziinii binanit'a'í bee níłch'i bida'iiníziinii ayi'dę́ę́' hahizhniłkaad lá.#2Kgs. 1:2,3; Mt. 9:34; 10:25. 23Áko bee haz'áanii yínda'niłtinii hágo bizhdííniidgo hane' bee ak'idi'dootį́įłii binahjį' ábijiní, Haash yit'éego Séítan t'áá bí ha'ídínóolchééł? 24Jó, ła' dine'é t'áá bił dah nahaz'ą́ą́góó t'áá bí ałk'i néijahgo éí doo didoonaał da. 25Áádóó łahgo hooghandóó t'áá bí ałk'i néijahgo doo bee hodidoonaał da. 26Áko Séítan t'áá bí ách'į' nídiibaa'go áádóó ák'inéilwodgo ałdó' doo didoonaał da, nidi bá nihodoot'ih. 27Diné bidziilii bighan góne' diné ła' doo yah adoogáałgo binaalye'é yighaidiyoo'nił da, t'áá hazhó'ó diné bidziilii átsé yi'dootł'óół, áádóó índa bighandę́ę́' binaalye'é yits'ą́ą́' ch'íidiyoojih.
28T'áá aaníígóó ánihidishní, Diné yee bąąhági ádaat'íinii ts'ídá t'áá ałtso, áádóó Diyin God baa'ihgo bá yáti' t'áá ałtso éí bá yóó'anídahidit'aah dooleeł, 29nidi t'áá háiida Níłch'i Diyinii baa'ihgo yá hahadziihígíí, éí ts'ídá doo bá yóó'anídidoot'áał da,#Lk. 12:10. nidi éí hool'áágóó bąąhági át'éii bee ádąąh dah hodzist'ą́, 30háálá bee haz'áanii yínda'niłtinii, Níłch'i nichxǫ́'ígíí hwii' hólǫ́ǫ́ lá, daaní.
Jesus bimá índa bitsilíké
(Mt. 12:46-50; Lk. 8:19-21)
31Áádóó hamá índa hatsilíké ákwe'é yíkai, áko tł'óo'di naazį́įgo hágo dahałníigo hach'į' yah ada'as'a'. 32Áádóó diné t'óó ahayóí hanaagóó naháaztą́ągo ádahodííniid, Tł'óo'di nimá áádóó nitsilíké níkadantá. 33Áko ábijiní, Háishą' shimá índa shitsilíké danilį́? 34Áko hanaagi naháaztánígíí bitah dzideezghalgo ázhdííniid, Jó, kǫ́ǫ́ shimá áádóó shitsilíké! 35T'áá háiida Diyin God íinízinii bida'jił'ínígíí éí shitsilí índa shideezhí índa shimá jílį́.
Селектирано:
MARK 3: NVJOB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
MARK 3
3
Diné bíla' bąąh dah haz'áanii
(Mt. 12:9-14; Lk. 6:6-11)
1Kin bii' áłah ná'ádleeh góne' Jesus yah anáádzoodzáago ákwe'é diné bíla' t'ááłáhájígo bąąh dah haz'ą́ą́ léi' sidáá lá. 2Áko t'áá ałtso hadahasíidgo ádeinízin, háá'áyį́į́h jį́į́ góne' daats'í náábizhdidoołááł, díí yee hak'i dahodidoo'ááł biniyé. 3Áko diné bíla' bąąh dah haz'áanii hágo yidííniid. 4Áádóó Férisii danilíinii nayídééłkid, Háá'áyį́į́h jį́į́ góne' daats'í yá'át'éehgo ázhdoonííł, doodaii' atízh'doolíiłgo daats'í bee haz'ą́; hináanii yisdázhdoołtééł, doodaii' azhdiyoołhéełgo daats'í bee haz'ą́? Nidi t'áadoo hadaasdzíi' da. 5Áádóó doo binídahaz'áágóó bąąh háni'go doo hoł hózhǫ́ǫ́góó bitah dzideezghalgo diné bíla' bąąh dah haz'ánígíí ábijiní, K'ídílchííd. Áko k'ídeeshchidgo bíla' hadaałt'é násdlį́į́'. 6Áádóó Férisii danilíinii ch'ékaigo ha'át'éegoda dahodiyoołhéłígíí yee hondahaz'ą́ągo Hérad yich'ijí danilínígíí t'áá áko yił haa nídaast'įįd.
Be'ek'id bąąhgi diné yíl'á
7Áko Jesus bídahooł'aahii be'ek'idgóó yił dah diikai, áko t'óó ahojíyóí Gáliliidę́ę́' bikéé' nidziiskaii áádóó Judíyadę́ę́' 8áádóó Jerúsalem kin haal'áhídę́ę́' áádóó kéyah Idumíya hoolyéédę́ę́' áádóó Jórdan tooh wónaanídę́ę́' áádóó Táir índa Sáídan kin haal'áhídę́ę́' t'óó ahojíyóí Jesus yaa naagháhígíí t'áá ałtso dajíínii'go baa dziiskai. 9Áádóó t'óó ahojíyóigo bąą doo dahozhdoołjish da biniyé, hódahooł'aahii ábizhdííniid, Tsinaa'eeł yázhí ła' kojį' shá ninoł'eeł, 10háálá lą'í náádabizhdiiłjée'go, ka nidaakaígíí t'áá ałtso hodadidiilchił danízingo hak'ijį' da'ahiljizh.#Mk. 4:1; Lk. 5:1-3. 11Áádóó níłch'i danchxǫ́'ígíí nídahoołtséehgo hayaajį' anída'diilghą́ąhgo éí yéego háádadilwoshgo ádaaní, Diyin God biYe' nílíinii ánít'į́.
12Áádóó bich'į' hadzoodzíi'go ábijiní, T'ááká shaa ch'ídahooh'ááł lágo.
Jesus éí naakits'áadahígíí náyiizláá'
(Mt. 10:1-4; Lk. 6:12-16)
13Áádóó Jesus dayílk'idgóó ajííyáago t'áá hóznízinígíí hágo bizhdííniid, áko éí haa haaskai. 14Áádóó diné naakits'áadah bił nijikai dooleełgo éí Diyin God bizaad yaa dahodoolnihgóó ahizhdooł'aał biniyé bits'ázhnínil, 15áádóó bee óhólníihii bee dahólǫ́ǫgo [bąąh dah nahaz'áanii hadaałt'é anídeidle', áádóó] níłch'i bida'iiníziinii bii' dahólóonii yii'dę́ę́' hadeiniiłkaad doo ałdó' biniyé bits'ázhnínil. 16Sáíman wolyéhígíí Peter ałdó' bee jíízhi'; 17Zébedii biye'ké James índa yił háá'áázh John, éí Bowanérjiiz ałdó' bizhdííniid, éí ii'ni' biye'ké jiníigo óolyé; 18Andrew, áádóó Philip, áádóó Barthálemew, áádóó Matthew, áádóó Thomas, áádóó James éí Alfíyas biye', áádóó Thádiyas, áádóó Sáíman éí Kéínan dine'é jílínígíí, 19índa Júdas Iskáriyat, éí nináhodidoo'áłígíí, díí t'áá ałtso bits'ázhnínil. Ákohgo kin góne' Jesus bił yah ajookai.
Jesus índa Béíyalzííbab
(Mt. 12:22-32; Lk. 11:14-23; 12:10)
20Diné yíl'áhígíí haa áłah náánásdlį́į'go doo da'jóyą́ą́' ádzaa da. 21Áko hak'isóó danilínígíí dayíínii'go dahwiidoołtsoł yiniyé haa yíkai, háálá ła' ádaaní, Tsizh'deeyáá lá. 22Áádóó bee haz'áanii yínda'niłtinii Jerúsalemdę́ę́' yíkaígíí ádaaní, Béíyalzííbab hwii' hólǫ́ǫ́ lá, áko níłch'i bida'iiníziinii binanit'a'í bee níłch'i bida'iiníziinii ayi'dę́ę́' hahizhniłkaad lá.#2Kgs. 1:2,3; Mt. 9:34; 10:25. 23Áko bee haz'áanii yínda'niłtinii hágo bizhdííniidgo hane' bee ak'idi'dootį́įłii binahjį' ábijiní, Haash yit'éego Séítan t'áá bí ha'ídínóolchééł? 24Jó, ła' dine'é t'áá bił dah nahaz'ą́ą́góó t'áá bí ałk'i néijahgo éí doo didoonaał da. 25Áádóó łahgo hooghandóó t'áá bí ałk'i néijahgo doo bee hodidoonaał da. 26Áko Séítan t'áá bí ách'į' nídiibaa'go áádóó ák'inéilwodgo ałdó' doo didoonaał da, nidi bá nihodoot'ih. 27Diné bidziilii bighan góne' diné ła' doo yah adoogáałgo binaalye'é yighaidiyoo'nił da, t'áá hazhó'ó diné bidziilii átsé yi'dootł'óół, áádóó índa bighandę́ę́' binaalye'é yits'ą́ą́' ch'íidiyoojih.
28T'áá aaníígóó ánihidishní, Diné yee bąąhági ádaat'íinii ts'ídá t'áá ałtso, áádóó Diyin God baa'ihgo bá yáti' t'áá ałtso éí bá yóó'anídahidit'aah dooleeł, 29nidi t'áá háiida Níłch'i Diyinii baa'ihgo yá hahadziihígíí, éí ts'ídá doo bá yóó'anídidoot'áał da,#Lk. 12:10. nidi éí hool'áágóó bąąhági át'éii bee ádąąh dah hodzist'ą́, 30háálá bee haz'áanii yínda'niłtinii, Níłch'i nichxǫ́'ígíí hwii' hólǫ́ǫ́ lá, daaní.
Jesus bimá índa bitsilíké
(Mt. 12:46-50; Lk. 8:19-21)
31Áádóó hamá índa hatsilíké ákwe'é yíkai, áko tł'óo'di naazį́įgo hágo dahałníigo hach'į' yah ada'as'a'. 32Áádóó diné t'óó ahayóí hanaagóó naháaztą́ągo ádahodííniid, Tł'óo'di nimá áádóó nitsilíké níkadantá. 33Áko ábijiní, Háishą' shimá índa shitsilíké danilį́? 34Áko hanaagi naháaztánígíí bitah dzideezghalgo ázhdííniid, Jó, kǫ́ǫ́ shimá áádóó shitsilíké! 35T'áá háiida Diyin God íinízinii bida'jił'ínígíí éí shitsilí índa shideezhí índa shimá jílį́.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).