Јован 19

Исусовите страдања

1 # Мт 20,19; 1 Кор 1,23 Тогаш Пилат Го зеде Исус и Го предаде да го камшикуваат. 2#Мт 27,29; Лк 23,11Војниците сплетоа венец од трње, Му го кладоа на главата и Му облекоа багреница, 3#18,22; Ис 50,6и велеа: „Те поздравуваме, Царе Јудејски!“ – и Го удираа по образите. 4#18,38; Лк 23,4Пилат пак излезе надвор и им рече: „Еве, ви Го изведувам надвор, за да разберете дека не наоѓам во Него никаква вина.“ 5#1,29.36Тогаш излезе Исус надвор, со трнов венец, и багреница. И им рече Пилат: „Еве Го Човекот!“ 6#18,31; 1 Кор 1,23А кога Го видоа првосвештениците и слугите, завикаа и рекоа: „Распни Го, распни!“ Пилат им рече: „Земете Го вие и распнете Го, зашто јас не наоѓам во Него вина.“ 7#5,18; 3 Мојс 24,16Јудејците му одговорија: „Ние имаме Закон и според нашиот Закон Тој треба да умре, зашто Сам се направи Син Божји.“ 8Кога го чу Пилат овој збор, уште повеќе се исплаши. 9#9,29-30; Мт 26,62-63; 27,12.14; Мк 14,61; Лк 23,9И пак влезе во преторијата и Му рече на Исус: „Од каде си Ти?“ Но Исус не му даде одговор. 10Пилат Му рече: „Мене ли не ми одговараш? Не знаеш ли дека имам власт да Те распнам, и власт имам да Те пуштам!?“ 11#3,27; 10,18; 18,30.35; Рим 13,1Исус одговори: „Ти не би имал никаква власт над Мене ако не ти беше дадено одозгора; затоа поголем грев има оној што Ме предаде на тебе.“ 12#Лк 23,2; Дела 17,7Оттогаш Пилат гледаше да Го пушти. Но Јудејците пак викаа, зборувајќи: „Ако Го пуштиш Него, не си му пријател на цезарот. Секој што се прави цар, противник му е на цезарот.“ 13Штом го чу овој збор, Пилат Го изведе Исус надвор и седна на судскиот стол, на местото што се вика Литостротон, а по еврејски Гавата. 14#18,33-37; 19,31.42; 1 Кор 5,7Тогаш беше петок пред Пасха, околу шестиот час#19,14 Околу 12 часот.. И им рече Пилат на Јудејците: „Еве Го вашиот Цар!“ 15#Суд 8,23; 1 Сам 8,7Но тие викаа: „Земи, земи, распни Го!“ Пилат им рече: „Царот ваш ли да Го распнам?“ Првосвештениците одговорија: „Ние немаме цар, освен цезарот.“ 16И тогаш им Го предаде за да биде распнат. И Го зедоа Исус, и Го поведоа.

Исусовото распнување

(Мт 27,32-44; Мк 15,21-32; Лк 23,26-43)

17 # 1 Мојс 22,6 И носејќи го Својот крст, Тој излезе на местото наречено Черепница, а по еврејски Голгота; 18#Ис 53,12таму Го распнаа, а со Него и други двајца, од едната и од другата страна, а насреде – Исус. 19#18,33; Мт 2,23Пилат, пак, напиша и натпис, и го кладе на крстот. А беше напишано: „Исус од Назарет, цар Јудејски.“ 20#Евр 13,12-13Овој натпис го читаа мнозина од Јудејците, бидејќи местото, каде што беше распнат Исус беше близу до градот; а беше напишано на еврејски, грчки и латински. 21Првосвештениците, пак, јудејски му рекоа на Пилат: „Не пишувај: Цар Јудејски, туку дека Тој рече: Јас сум Цар Јудејски.“ 22Пилат одговори: „Што напишав, напишав.“ 23#2 Мојс 28,32А војниците, кога Го распнаа Исус, ги зедоа алиштата Негови и ги разделија на четири дела, по еден дел на секого и хитонот. Хитонот, пак, не беше шиен, туку исткаен одозгора па додолу. 24#Пс 22,19Тогаш си рекоа: „Да не го расипуваме, но да фрлиме за него ждрепка, чиј ќе биде“ – за да се збидне кажаното во Писмото: „Ги разделија алиштата Мои меѓу себе и за облеката Моја фрлија ждрепка.“ Така и направија војниците. 25#2,3; 20,1.18; Мк 15,40-41; Лк 2,5Покрај крстот Исусов стоеја мајка Му Негова и сестрата на мајка Му, Марија Клеопова, и Марија Магдалена. 26#2,4; 13,23; 20,2; 21,20А Исус, штом ја виде мајка Си, и ученикот кого посебно го љубеше, како стои, ѝ рече на мајка Си: „Жено, ете ти син!“ 27Потоа му рече на ученикот: „Ете ти мајка!“ И од тој час ученикот ја зеде кај себе.

Исусовата смрт

(Мт 27,45-56; Мк 15,33-41; Лк 23,44-49)

28 # 5,39; Пс 22,15 По ова, знаејќи Исус дека сѐ е свршено, за да се исполни Писмото, рече: „Жеден сум.“ 29#2 Мојс 12,22; 3 Мојс 14,4; Пс 51,8; 69,22Таму стоеше сад, полн со оцет. Тие наквасија сунѓер во оцетот, го закачија на трска и Му принесоа до устата Негова. 30#1,33; 17,1.4; Јов 19,26-27; Мт 20,22; Лк 12,50; 2 Тим 4,7; Откр 15,1А кога вкуси Исус оцет, рече: „Се сврши!“ И кога ја наведна главата, го предаде духот.

Крв и вода

31 # 19,14; 2 Мојс 12,16; 5 Мојс 21,22-23; Гал 3,13 Бидејќи беше петок, Јудејците, за да не останат телата на крст во сабота, зашто во таа сабота беше голем ден, го замолија Пилат да им ги прекршат колената и да ги симнат. 32Тогаш дојдоа војниците и им ги прекршија колената на првиот, како и на вториот, што беа распнати со Него. 33А кога дојдоа до Исус и го видоа дека беше веќе умрен, не Му ги прекршија колената; 34#3,5; 7,37-39; 1 Мојс 4,10; 1 Јн 5,6-8но еден од војниците со копје Му ги прободе ребрата, и наеднаш истече крв и вода. 35#15,26-27; 21,24И тој што виде – посведочи, и сведоштвото му е вистинско; и знае дека ја кажува вистината, за да поверувате вие. 36#2 Мојс 12,46; 4 Мојс 9,12; Пс 34,21Бидејќи ова стана за да се исполни Писмото: „Коска Негова нема да се прекрши.“ 37#Зах 12,10; Откр 1,7И друго Писмо пак вели: „Ќе погледнат на Оној Кого Го прободоа.“

Положувањето во гроб

(Мт 27,57-61; Мк 15,42-47; Лк 23,50-56)

38 # 7,13 Потоа Јосиф од Ариматеја, таен Исусов ученик, поради страв од Јудејците, го замоли Пилат да го симне телото и Пилат му дозволи. Тој дојде и го симна телото Исусово. 39#3,1; 7,50; Пс 45,8; Изреки 7,17; Мт 2,11А дојде и Никодим, кој порано беше отишол ноќе кај Исус, и донесе околу сто литри смеса од смирна и алој. 40#Мк 14,8Го зедоа телото Исусово и го завиткаа во платно со мирисите, како што е обичај кај Јудејците да погребуваат. 41На она место, каде што беше распнат, имаше градина и во градината – нов гроб, во кој уште никој не беше полаган. 42Таму Го положија Исус поради петокот јудејски, зашто гробот беше близу.

Селектирано:

Јован 19: MK2006

Нагласи

Сподели

Копирај