Lukas 14
14
Yexus Kho Tus Txivneej Uas Muaj Mob
1Muaj ib hnub uas yog hnub Xanpataus, Yexus mus noj mov hauv cov Falixais ib tug thawj lub tsev; mas muaj neeg ntsiantsoov Yexus. 2Muaj ib tug txivneej tes taw phob-phob vog los cuag Yexus, 3Yexus txawm nug cov xibhwb uas qhia Kevcai thiab cov Falixais hais tias, “Peb txoj Kevcai tsocai rau peb kho mob rau hnub Xanpataus thiab los tsis tso?”
4Tiamsis lawv tsis teb li. Yogli ntawd, Yexus thiaj tuav nkaus tus txivneej ntawd, kho nws zoo mob, thiab kom nws mus tsev. 5Ces Yexus txawm hais rau lawv tias, “Hnub Xanpataus, yog nej leejtwg muaj ib tug menyuam lossis ib tug nyuj mus poob rau hauv qhovdej lawm, nej yuav mus muab nws rub tawm tamsim ntawd thiab los tsis rub?” #Math 12:11
6Lawv yeej teb tsis taus Yexus ib los txog qhov no li.
Kev Txo Hwjchim Thiab Kev Tostxais Qhua
7Yexus pom tias ibtxhia neeg uas raug caw tuaj noj mov ntawd muaj qeeleej xaiv zaum cov chaw samxeeb xwb, Yexus thiaj hais ib zaj lus pivtxwv rau lawv hais tias, 8“Thaum muaj neeg caw koj mus noj tshoob, koj tsis txhob xub mus zaum ntawm lub chaw samxeeb, nyobtsam tus tswvtsev ho caw ib tug uas tseemceeb dua koj tuaj thiab, #Paj 25:6-7 9ces tus tswvtsev uas caw neb ob leeg tuaj ntawd, yuav los hais rau koj tias, ‘Cia tus no zaum koj lub chaw ko.’ Thaum ntawd koj yuav poob ntsejmuag heev, thiab koj yuav tau mus zaum lub rooj uas qis kawg nkaus.
10“Tiamsis thaum twg yog muaj neeg caw koj, ciali xub mus zaum ntawm lub rooj uas qis kawg nkaus, kom thaum tus tswvtsev los, nws thiaj yuav hais rau koj tias, ‘Phoojywg, koj ciali txav zog mus zaum rau ntawm lub chaw samxeeb.’ Qhov no yuav ua rau koj tau ntsejmuag tabmeeg txhua tus uas nrog koj tuaj noj mov uake ntawd. 11Rauqhov txhua tus uas tsa nws lub hwjchim, yuav raug muab txo kom qis, thiab tus uas txo nws lub hwjchim, yuav raug muab tsa kom siab.” #Math 23:12; Lukas 18:14
12Yexus hais rau tus tswvtsev ntawd hais tias, “Thaum koj ua ib pluag su lossis ib pluag hmo noj, koj tsis txhob caw koj tej phoojywg, koj tej kwvtij neejtsa, thiab tej neeg zejzog uas npluanuj tuaj xwb, rauqhov lawv yeej yuav ua ib rooj thiab caw koj rov mus nrog lawv noj uas yog lawv ua pauj rau koj. 13Thaum koj npaj ib rooj noj rooj haus, koj ciali caw tej neeg pluag, tej qhuavtes qhuavtaw, tej cegtawv, thiab tej digmuag tuaj noj; 14koj thiaj yuav tau txais koobhmoov, rauqhov lawv cov ntawd yuav tsis muaj peevxwm pauj taus koj tej txiajntsig. Tiamsis thaum cov neeg ncajncees sawv hauv qhovtuag rovqab los, Vajtswv yuav pauj rov rau koj.”
Zaj Lus Pivtxwv Hais Txog Rooj Mov Loj
(Mathais 22:1-10)
15Muaj ib tug txivneej uas zaum ntawm rooj mov hnov Yexus hais li ntawd, nws txawm hais rau Yexus tias, “Tus uas tau mus noj rooj mov hauv Vajtswv lub Tebchaws mas ntshe yuav zoosiab kawg li lau!”
16Yexus hais rau nws tias, “Muaj ib tug txivneej ua ib rooj mov loj thiab nws caw ntau leej tuaj noj. 17Thaum txog lub sijhawm noj lawm, nws txib ib tug tubqhe mus hais rau cov neeg uas nws twb caw lawm hais tias, ‘Nej ciali mus, tamsim no txhua yam twb txhij lawm!’
18“Tiamsis lawv txhua tus yig hais tias tsis khoom mus. Thawjtug hais rau tus tubqhe ntawd hais tias, ‘Kuv yuav tau ib thaj liaj thiab kuv tseem yuav mus saib; thovtxim ntau, kuv yuav mus tsis tau.’
19“Muaj dua ib tug hais tias, ‘Kuv yuav tau tsib nkawm nyuj, kuv tseem yuav mus muab cov nyuj ntawd sim laijliag; thovtxim ntau, kuv yuav mus tsis tau.’
20“Muaj dua ib tug hais tias, ‘Kuv nyuamqhuav yuav pojniam, yogli ntawd kuv yuav mus tsis tau.’
21“Tus tubqhe rov mus qhia tej no rau nws tus tswv. Tus tswv chim heev, nws thiaj hais rau tus tubqhe hais tias, ‘Koj ciali majnroos mus rau tom tej kev loj thiab kev me hauv nroog, coj tej neeg pluag, tej qhuavtes qhuavtaw, tej digmuag, thiab tej cegtawv tuaj noj.’ 22Tibpliag xwb, ces tus tubqhe rov los hais rau nws tus tswv tias, ‘Tus tswv, kuv twb mus ua rawsli tej uas koj hais lawm, tiamsis tseem tshuav chaw seem thiab.’ 23Tus tswv thiaj hais rau tus tubqhe ntawd tias, ‘Koj ciali mus rau tom tej kev loj thiab kev me, thiab nquahu kom neeg ciali tuaj, kom kuv lub tsev thiaj yuav puv. 24Kuv qhia rau nej hais tias, cov neeg uas tau raug caw lawm, yeej tsis muaj ib tug uas yuav tau saj kuv rooj mov hlo li!’ ”
Tus Nqi Uas Ua Yexus Li Thwjtim
(Mathais 10:37-38)
25Muaj neeg coob-coob nrog Yexus uake mus, Nws txawm tig los hais rau lawv tias, 26“Tus uas los cuag Kuv, yog nws tsis ntxub nws niam nws txiv, nws pojniam menyuam, nws kwv nws tij, nws nkauj nws muam, thiab ntxub nws tuskheej, mas nws ua tsis tau Kuv li thwjtim. #Math 10:37 27Thiab tus uas tsis kwv nws tus ntoo khaublig thiab nrog Kuv mus, tus ntawd ua tsis tau Kuv li thwjtim. #Math 10:38; 16:24; Malak 8:34; Lukas 9:23
28“Yog nej ib tug twg npaj yuav ua ib lub chaw tsomfaj, nws yeej xub los zaum ua tibzoo xav seb yuav siv nyiaj npaum licas, thiab seb nws puas yuav muaj nyiaj txaus ua kom qhov ntawd tiav. 29Yog nws tsis xub ua li ntawd, ces txawm yog nws twb ua tau lub quatsev tas lawm los nws yuav ua lub chaw tsomfaj ntawd tsis tiav. Thaum tej neeg pom li ntawd, lawv yuav thuam nws 30hais tias, ‘Tus neeg no pib ua lawm ntag, tiamsis nws tsis muaj peevxwm ua kom tiav!’
31“Lossis pivxam hais tias ib tug vajntxwv uas muaj tubrog 10,000 leej; thaum nws yuav mus uarog rau ib tug vajntxwv uas muaj tubrog 20,000 leej, nws yeej yuav xub los zaum ua tibzoo xav seb nws puas yuav muajzog txaus uas mus ntaus yeej tus vajntxwv tom ub. 32Yog nws xav tias nws yuav tua tsis yeej, thaum nws tseem nyob deb, nws yeej yuav xub txib neeg mus thov tus vajntxwv tod, kom ob tog sib raugzoo.” 33Yexus xaus lus hais tias, “Ib yam nkaus li ntawd, tus uas tsis kam tso txhua yam uas nws muaj tseg, tus ntawd yuav ua tsis tau Kuv li thwjtim.
Cov Ntsev Uas Tsis Muajnqis
(Mathais 5:13; Malakaus 9:50)
34“Ntsev yeej zoo, tiamsis yog ntsev tsuag lawm, yuav ua licas thiaj rov daw tau? 35Cov ntsev ntawd txawm yuav muab tso rau hauv av thiab muab xyaw chiv los yeej tsis zoo, kawg muab povtseg lawm xwb. Yog leejtwg muaj pobntseg, ciali mloog!”
Селектирано:
Lukas 14: MWW2022
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022 United Bible Societies. All rights reserved.
Lukas 14
14
Yexus Kho Tus Txivneej Uas Muaj Mob
1Muaj ib hnub uas yog hnub Xanpataus, Yexus mus noj mov hauv cov Falixais ib tug thawj lub tsev; mas muaj neeg ntsiantsoov Yexus. 2Muaj ib tug txivneej tes taw phob-phob vog los cuag Yexus, 3Yexus txawm nug cov xibhwb uas qhia Kevcai thiab cov Falixais hais tias, “Peb txoj Kevcai tsocai rau peb kho mob rau hnub Xanpataus thiab los tsis tso?”
4Tiamsis lawv tsis teb li. Yogli ntawd, Yexus thiaj tuav nkaus tus txivneej ntawd, kho nws zoo mob, thiab kom nws mus tsev. 5Ces Yexus txawm hais rau lawv tias, “Hnub Xanpataus, yog nej leejtwg muaj ib tug menyuam lossis ib tug nyuj mus poob rau hauv qhovdej lawm, nej yuav mus muab nws rub tawm tamsim ntawd thiab los tsis rub?” #Math 12:11
6Lawv yeej teb tsis taus Yexus ib los txog qhov no li.
Kev Txo Hwjchim Thiab Kev Tostxais Qhua
7Yexus pom tias ibtxhia neeg uas raug caw tuaj noj mov ntawd muaj qeeleej xaiv zaum cov chaw samxeeb xwb, Yexus thiaj hais ib zaj lus pivtxwv rau lawv hais tias, 8“Thaum muaj neeg caw koj mus noj tshoob, koj tsis txhob xub mus zaum ntawm lub chaw samxeeb, nyobtsam tus tswvtsev ho caw ib tug uas tseemceeb dua koj tuaj thiab, #Paj 25:6-7 9ces tus tswvtsev uas caw neb ob leeg tuaj ntawd, yuav los hais rau koj tias, ‘Cia tus no zaum koj lub chaw ko.’ Thaum ntawd koj yuav poob ntsejmuag heev, thiab koj yuav tau mus zaum lub rooj uas qis kawg nkaus.
10“Tiamsis thaum twg yog muaj neeg caw koj, ciali xub mus zaum ntawm lub rooj uas qis kawg nkaus, kom thaum tus tswvtsev los, nws thiaj yuav hais rau koj tias, ‘Phoojywg, koj ciali txav zog mus zaum rau ntawm lub chaw samxeeb.’ Qhov no yuav ua rau koj tau ntsejmuag tabmeeg txhua tus uas nrog koj tuaj noj mov uake ntawd. 11Rauqhov txhua tus uas tsa nws lub hwjchim, yuav raug muab txo kom qis, thiab tus uas txo nws lub hwjchim, yuav raug muab tsa kom siab.” #Math 23:12; Lukas 18:14
12Yexus hais rau tus tswvtsev ntawd hais tias, “Thaum koj ua ib pluag su lossis ib pluag hmo noj, koj tsis txhob caw koj tej phoojywg, koj tej kwvtij neejtsa, thiab tej neeg zejzog uas npluanuj tuaj xwb, rauqhov lawv yeej yuav ua ib rooj thiab caw koj rov mus nrog lawv noj uas yog lawv ua pauj rau koj. 13Thaum koj npaj ib rooj noj rooj haus, koj ciali caw tej neeg pluag, tej qhuavtes qhuavtaw, tej cegtawv, thiab tej digmuag tuaj noj; 14koj thiaj yuav tau txais koobhmoov, rauqhov lawv cov ntawd yuav tsis muaj peevxwm pauj taus koj tej txiajntsig. Tiamsis thaum cov neeg ncajncees sawv hauv qhovtuag rovqab los, Vajtswv yuav pauj rov rau koj.”
Zaj Lus Pivtxwv Hais Txog Rooj Mov Loj
(Mathais 22:1-10)
15Muaj ib tug txivneej uas zaum ntawm rooj mov hnov Yexus hais li ntawd, nws txawm hais rau Yexus tias, “Tus uas tau mus noj rooj mov hauv Vajtswv lub Tebchaws mas ntshe yuav zoosiab kawg li lau!”
16Yexus hais rau nws tias, “Muaj ib tug txivneej ua ib rooj mov loj thiab nws caw ntau leej tuaj noj. 17Thaum txog lub sijhawm noj lawm, nws txib ib tug tubqhe mus hais rau cov neeg uas nws twb caw lawm hais tias, ‘Nej ciali mus, tamsim no txhua yam twb txhij lawm!’
18“Tiamsis lawv txhua tus yig hais tias tsis khoom mus. Thawjtug hais rau tus tubqhe ntawd hais tias, ‘Kuv yuav tau ib thaj liaj thiab kuv tseem yuav mus saib; thovtxim ntau, kuv yuav mus tsis tau.’
19“Muaj dua ib tug hais tias, ‘Kuv yuav tau tsib nkawm nyuj, kuv tseem yuav mus muab cov nyuj ntawd sim laijliag; thovtxim ntau, kuv yuav mus tsis tau.’
20“Muaj dua ib tug hais tias, ‘Kuv nyuamqhuav yuav pojniam, yogli ntawd kuv yuav mus tsis tau.’
21“Tus tubqhe rov mus qhia tej no rau nws tus tswv. Tus tswv chim heev, nws thiaj hais rau tus tubqhe hais tias, ‘Koj ciali majnroos mus rau tom tej kev loj thiab kev me hauv nroog, coj tej neeg pluag, tej qhuavtes qhuavtaw, tej digmuag, thiab tej cegtawv tuaj noj.’ 22Tibpliag xwb, ces tus tubqhe rov los hais rau nws tus tswv tias, ‘Tus tswv, kuv twb mus ua rawsli tej uas koj hais lawm, tiamsis tseem tshuav chaw seem thiab.’ 23Tus tswv thiaj hais rau tus tubqhe ntawd tias, ‘Koj ciali mus rau tom tej kev loj thiab kev me, thiab nquahu kom neeg ciali tuaj, kom kuv lub tsev thiaj yuav puv. 24Kuv qhia rau nej hais tias, cov neeg uas tau raug caw lawm, yeej tsis muaj ib tug uas yuav tau saj kuv rooj mov hlo li!’ ”
Tus Nqi Uas Ua Yexus Li Thwjtim
(Mathais 10:37-38)
25Muaj neeg coob-coob nrog Yexus uake mus, Nws txawm tig los hais rau lawv tias, 26“Tus uas los cuag Kuv, yog nws tsis ntxub nws niam nws txiv, nws pojniam menyuam, nws kwv nws tij, nws nkauj nws muam, thiab ntxub nws tuskheej, mas nws ua tsis tau Kuv li thwjtim. #Math 10:37 27Thiab tus uas tsis kwv nws tus ntoo khaublig thiab nrog Kuv mus, tus ntawd ua tsis tau Kuv li thwjtim. #Math 10:38; 16:24; Malak 8:34; Lukas 9:23
28“Yog nej ib tug twg npaj yuav ua ib lub chaw tsomfaj, nws yeej xub los zaum ua tibzoo xav seb yuav siv nyiaj npaum licas, thiab seb nws puas yuav muaj nyiaj txaus ua kom qhov ntawd tiav. 29Yog nws tsis xub ua li ntawd, ces txawm yog nws twb ua tau lub quatsev tas lawm los nws yuav ua lub chaw tsomfaj ntawd tsis tiav. Thaum tej neeg pom li ntawd, lawv yuav thuam nws 30hais tias, ‘Tus neeg no pib ua lawm ntag, tiamsis nws tsis muaj peevxwm ua kom tiav!’
31“Lossis pivxam hais tias ib tug vajntxwv uas muaj tubrog 10,000 leej; thaum nws yuav mus uarog rau ib tug vajntxwv uas muaj tubrog 20,000 leej, nws yeej yuav xub los zaum ua tibzoo xav seb nws puas yuav muajzog txaus uas mus ntaus yeej tus vajntxwv tom ub. 32Yog nws xav tias nws yuav tua tsis yeej, thaum nws tseem nyob deb, nws yeej yuav xub txib neeg mus thov tus vajntxwv tod, kom ob tog sib raugzoo.” 33Yexus xaus lus hais tias, “Ib yam nkaus li ntawd, tus uas tsis kam tso txhua yam uas nws muaj tseg, tus ntawd yuav ua tsis tau Kuv li thwjtim.
Cov Ntsev Uas Tsis Muajnqis
(Mathais 5:13; Malakaus 9:50)
34“Ntsev yeej zoo, tiamsis yog ntsev tsuag lawm, yuav ua licas thiaj rov daw tau? 35Cov ntsev ntawd txawm yuav muab tso rau hauv av thiab muab xyaw chiv los yeej tsis zoo, kawg muab povtseg lawm xwb. Yog leejtwg muaj pobntseg, ciali mloog!”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022 United Bible Societies. All rights reserved.