Jẹnẹsis 4
4
Ken kugbe Ebẹl
1Vwẹ ọke nana Adam da rhe riẹn aye rọye Ivi, ọ da mrevun o de vwiẹ Ken, tanẹ, Mi vwiẹ ohwo vwẹ ọchuko rẹ Ọrovwohwo. 2Obọ rivẹ o de vwiẹ oniọvo rọye Ebẹl. Ebẹl na kẹ igodẹ ochurẹ, Ken otọ kọye o voro. 3Rẹ ọke rhi vwo tere Ken da reyọ izobo rẹ emamọ rẹ otọ na vwo rhe Ọrovwohwo. 4Ebẹl da je vwẹ izobo rẹ upene rẹ uchuru rọye rọ pha sọkọ sọkọ vwo rhe Ọrovwohwo. Ọrovwohwo de mu ọghọ kẹ izobo rẹ Ebẹl, 5ẹkẹvuọvo ọ ri Ken o de no saka. Ivun de miovwi Ken gangan o de mu opharo phihọ. 6Ọrovwohwo da ta kẹ Ken, Die ivun vwo miovwo uwe, rẹ opharo wẹn vwọ dia tughẹ? 7Wọ riẹn ru nọ, ọ gbe rha jẹn wẹ reyọ? Wọ rha riẹn ru-u na, umwemwu fiọko vwọ anurhoro wẹn, wẹwẹ ọ guọnọ reyọ ẹkẹvuọvo pharhe wo phio kparobọ.
8Ken da ta kẹ Ebẹl rẹ oniọvo rọye nẹ, Gbe jẹ avwanre kpo obo aghwa. Rẹ ayen vwọ obo aghwa re, Ken da vwọ so oniọvo rọye Ebẹl o de hwe ghwu. 9Etiyin Ọrovwohwo da ta kẹ Ken, Tivọ Ebẹl rẹ oniọvo wẹn epha? Ọ da ta, Me riẹnre-e, mẹvwẹ re sẹro rẹ oniọvo mẹ? 10Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe. 11Vwẹ enẹna a harhe owẹ eka nẹ otọ na rhe, ọto rhie unu rọye vwọ da ọbara rẹ oniọvo wẹn mie we. 12Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na. 13Ken da ta kẹ Ọrovwohwo, Oja mẹ ọ rhonọ obo ri mi se chiri. 14Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe. 15Ọrovwohwo da ta kẹ nẹ, Ọ dia eriyi-in, ọ da dianẹ ohwo hwe Ken, ka re ihri akueghwrẹ vwẹ obọ rọye Ọrovwohwo da ka oka vwọi Ken, rere ohwo rọ mrẹrẹ vwo je hwe. 16Ken da yan nẹ obaro rẹ Ọrovwohwo, ọ da ra dia otọ ri Nọd, vwẹ obọrhe rẹ Idẹn
Uvwiẹ rẹ Ken
17Ken da riẹn aye rọye, ọ da mrevun o de vwiẹ Inọk, ọ da fan orere, o de mu odẹ rẹ ọmọ rọye se, Inọk. 18Inọk de vwiẹ Irad, Irad kọye ọsẹ ri Mẹhujael, Mẹhujael kọye ọsẹ ri Mẹtushẹl, Mẹtushẹl kọye ọsẹ ri Lamẹk 19Lamẹk da reyọ eya ivẹ, odẹ rẹ ọvo kẹ Ada, odẹ rẹ ọrivẹ ki Zila 20Ada de vwiẹ Jabal, ọye ọsẹ rẹ ihwo re dia utughẹ ri ji churu uchuru. 21Odẹ rẹ oniọvo rọye ki Jubal, kọye rha ọsẹ rẹ ihwo ri hworo isorogu vẹ owanre. 22Zila de vwiẹ Tubal-Ken; kọye ogun ro duvwu erọvwo kugbe utehru Oniọvo ri Tubal-Ken rẹ ọmọtẹ ki Naama. 23Lamẹk da ta kẹ eya rọye:
Ada vi Zila nyo urhuru mẹ,
ovwan eya ri Lamẹk kerhọ rẹ obo re Me ta.
Mi hwe ohwo rọ wan vwẹ oma,
emeghene rọ ghwiẹ vwẹ.
24A da re ihri ri Ken akueghwrẹ,
uyota ọ ri Lamẹk kẹ ujorha gbe ihwe akueghwrẹ.
Uvwiẹ ri Sẹt
25Adam da rhoma riẹn aye rọye, o de vwiẹ ọmọshare o de se odẹ rọye Sẹt, kidie ọ tare nẹ, Ọghẹnẹ kẹ vwẹ ohwo ọfa vwẹ ẹdia rẹ Ebẹl ri Ken hweri. 26Sẹt de rhe vwiẹ ọshare re se odẹ rọye Inọsh. Vwẹ ọke yena yẹ ihwo ghwe mu odẹ rẹ Ọghẹnẹ ese obọ.
Селектирано:
Jẹnẹsis 4: UBV77
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible in Urhobo © United Bible Societies, 1977.
Jẹnẹsis 4
4
Ken kugbe Ebẹl
1Vwẹ ọke nana Adam da rhe riẹn aye rọye Ivi, ọ da mrevun o de vwiẹ Ken, tanẹ, Mi vwiẹ ohwo vwẹ ọchuko rẹ Ọrovwohwo. 2Obọ rivẹ o de vwiẹ oniọvo rọye Ebẹl. Ebẹl na kẹ igodẹ ochurẹ, Ken otọ kọye o voro. 3Rẹ ọke rhi vwo tere Ken da reyọ izobo rẹ emamọ rẹ otọ na vwo rhe Ọrovwohwo. 4Ebẹl da je vwẹ izobo rẹ upene rẹ uchuru rọye rọ pha sọkọ sọkọ vwo rhe Ọrovwohwo. Ọrovwohwo de mu ọghọ kẹ izobo rẹ Ebẹl, 5ẹkẹvuọvo ọ ri Ken o de no saka. Ivun de miovwi Ken gangan o de mu opharo phihọ. 6Ọrovwohwo da ta kẹ Ken, Die ivun vwo miovwo uwe, rẹ opharo wẹn vwọ dia tughẹ? 7Wọ riẹn ru nọ, ọ gbe rha jẹn wẹ reyọ? Wọ rha riẹn ru-u na, umwemwu fiọko vwọ anurhoro wẹn, wẹwẹ ọ guọnọ reyọ ẹkẹvuọvo pharhe wo phio kparobọ.
8Ken da ta kẹ Ebẹl rẹ oniọvo rọye nẹ, Gbe jẹ avwanre kpo obo aghwa. Rẹ ayen vwọ obo aghwa re, Ken da vwọ so oniọvo rọye Ebẹl o de hwe ghwu. 9Etiyin Ọrovwohwo da ta kẹ Ken, Tivọ Ebẹl rẹ oniọvo wẹn epha? Ọ da ta, Me riẹnre-e, mẹvwẹ re sẹro rẹ oniọvo mẹ? 10Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe. 11Vwẹ enẹna a harhe owẹ eka nẹ otọ na rhe, ọto rhie unu rọye vwọ da ọbara rẹ oniọvo wẹn mie we. 12Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na. 13Ken da ta kẹ Ọrovwohwo, Oja mẹ ọ rhonọ obo ri mi se chiri. 14Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe. 15Ọrovwohwo da ta kẹ nẹ, Ọ dia eriyi-in, ọ da dianẹ ohwo hwe Ken, ka re ihri akueghwrẹ vwẹ obọ rọye Ọrovwohwo da ka oka vwọi Ken, rere ohwo rọ mrẹrẹ vwo je hwe. 16Ken da yan nẹ obaro rẹ Ọrovwohwo, ọ da ra dia otọ ri Nọd, vwẹ obọrhe rẹ Idẹn
Uvwiẹ rẹ Ken
17Ken da riẹn aye rọye, ọ da mrevun o de vwiẹ Inọk, ọ da fan orere, o de mu odẹ rẹ ọmọ rọye se, Inọk. 18Inọk de vwiẹ Irad, Irad kọye ọsẹ ri Mẹhujael, Mẹhujael kọye ọsẹ ri Mẹtushẹl, Mẹtushẹl kọye ọsẹ ri Lamẹk 19Lamẹk da reyọ eya ivẹ, odẹ rẹ ọvo kẹ Ada, odẹ rẹ ọrivẹ ki Zila 20Ada de vwiẹ Jabal, ọye ọsẹ rẹ ihwo re dia utughẹ ri ji churu uchuru. 21Odẹ rẹ oniọvo rọye ki Jubal, kọye rha ọsẹ rẹ ihwo ri hworo isorogu vẹ owanre. 22Zila de vwiẹ Tubal-Ken; kọye ogun ro duvwu erọvwo kugbe utehru Oniọvo ri Tubal-Ken rẹ ọmọtẹ ki Naama. 23Lamẹk da ta kẹ eya rọye:
Ada vi Zila nyo urhuru mẹ,
ovwan eya ri Lamẹk kerhọ rẹ obo re Me ta.
Mi hwe ohwo rọ wan vwẹ oma,
emeghene rọ ghwiẹ vwẹ.
24A da re ihri ri Ken akueghwrẹ,
uyota ọ ri Lamẹk kẹ ujorha gbe ihwe akueghwrẹ.
Uvwiẹ ri Sẹt
25Adam da rhoma riẹn aye rọye, o de vwiẹ ọmọshare o de se odẹ rọye Sẹt, kidie ọ tare nẹ, Ọghẹnẹ kẹ vwẹ ohwo ọfa vwẹ ẹdia rẹ Ebẹl ri Ken hweri. 26Sẹt de rhe vwiẹ ọshare re se odẹ rọye Inọsh. Vwẹ ọke yena yẹ ihwo ghwe mu odẹ rẹ Ọghẹnẹ ese obọ.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible in Urhobo © United Bible Societies, 1977.