Luki Sɛbɛ 14
14
A DABA A WƲLƖ̃-MƆRAA NA TƐRƐ
1Bibi-ciiraa dayen, a *Jeeju kpɛ na a *Farɩsɩ nɩbɛ nɩ-kpɛ̃ɛ kãw yir dɩb dɩfʋ jie, a ba jʋʋrɔ ʋ. 2A be, daba kãw wʋlɩ̃-mɔraa na nyɔw ɩraa na a ʋ nii-sɔw, 3a Jeeju soor a *ƴɛr-kpɛn-bɔɔnbɔ nɩ a Farɩsɩ nɩbɛ:
“Sɔr be na be a nɩrɛ na kpɛmɛ a wʋlɩ̃ sʋbɔ a *bibi-ciiraa dayen mɩɩ, sɔr ma be be wa?” 4Ɩ̃-cɛ baa haa ʋ nʋɔr wa. A lɛ, a Jeeju nyɔw a wʋlɩ̃ sʋbɔ kpaar a ʋ wʋlɩ̃, ɩ̃ ɩ ʋ yi cere. 5Ɩ̃ ʋ yel ba:
“A ala ɩ nɩrɛ a nyɩ sɔ̃w tɛrɛ na bi-daba mɩɩ naab ʋ lo a bule pʋɔ a bibi-ciiraa dayen, ʋ na bar ʋ na a be mɩɩ? Má ʋ na ir ʋ na fɔfɔw.” 6A baa tʋɔ haa nʋɔr ƴɛr ƴɛrɩ̃ wa.
A NII-SƆW JAAJIIR BƆFƲ
7A *Jeeju nyɛ na a mɩnɛ a nɩbɛ bala ba na bʋɔl a dɩb ɩnɛ na tuure a nii-sɔw jaajiir ɩ̃ lɔb a sʋkpa na kʋ ba jaa:
8“A ala ɩ a nɩrɛ bʋɔl fʋ na a kul-taa fɛtɩ jie, taa de nĩe cen na jɛ a nii-sɔw jaajie wa. Nɩrɛ kãw na gãw fʋ ba na mɩ bʋɔl na tʋɔ na ta, 9ɩ̃ a ʋlɔ na bʋɔl nyɩ wa wa yel fʋ á fʋ ir ɩ̃ cɛ a jaajie kʋ ʋ, a lɛ, vĩ na kpɛ fʋ na, a mɩnɛ fʋ na ire cere a jaaji-baaraa pʋɔ. 10Ɩ̃-cɛ a ala ɩ ba bʋɔl fʋ na, ɛ̃ɛ cen na jɛ a jaaji-baaraa pʋɔ. A lɛ a ʋlɔ na bʋɔl fʋ nɔɔ kpɛɛrɛ ʋ na yel fʋ na: ‘Ɩ̃ baraa wee! Ir do ka iin a nii-sɔw jaajie pʋɔ.’ Be a fʋ yuor na time a nɩbɛ ba jaa nii-sɔw fʋ na jɛ dɩrɛ nɩ a dɩb. 11A-na-ɩ a ʋlɔ na bʋɔrɔ ʋ bɛrmɛ a juu, a Naaŋmɩn na wur ʋ na suu nɩ, ɩ̃ a ʋlɔ na sɔw wur a ʋ mɩ̃ɛ, a Naaŋmɩn na jɛw ʋ na irʼɩ̃.”
12A ala ɩ̃ baar a Jeeju yelʼã a ʋlɔ na bʋɔl ʋ a fɛtɩ ɩnɛ:
“A ala ɩ fʋ bʋɔlɔ na nɩbɛ a dɩb ɩnɛ, taa bʋɔlɔ a fʋ badɛɛ, mɩɩ a fʋ yɛɛr, mɩɩ a fʋ bal nɩbɛ, mɩɩ a fʋ tɔ deme na ɩ a naabsɩ wa, a-na-ɩ ba na mɩ tʋɔ na maal fʋ a ala fʋ na maal ba, na ba ya fʋ. 13Ɩ̃-cɛ a ala ɩ fʋ bʋɔlɔ na a nɩbɛ a fɛtɩ ɩnɛ, bʋɔl a nãw deme, nɩ a nɩ-kɔɔr, nɩ a gbɛɛ, nɩ a jɔn. 14A lɛ, nũɔ na be na a fʋ jie a-na-ɩ baa tʋɔrɔ yara fʋ wa, ɩ̃ a Naaŋmɩn ɩ̃ na ya fʋ a daar ʋlɔ a nɩ-torisɩ na ire a kũu pʋɔ.”
A NƖBƐ BALA BA NA BƲƆL A DƖB ƖNƐ SƲKPA
(Mat 22.1-10)
15A bala na lãa be nɩ a *Jeeju a dɩb dɩfʋ jie, bõ-ƴen wõ na a ƴɛrɩ̃ ʋlɔ ɩ̃ yel a Jeeju:
“A nʋmɔ a ʋlɔ nɔɔ dɩrɛ a dɩb a Naaŋmɩn tẽw!” 16A Jeeju yel ʋ:
“Daba kãw maalʼã fɛtɩ dɩb ɩ̃ bʋɔl nɩ-yayaw. 17A lɛ a dɩb dɩfʋ daar na ta, ʋ tʋ na a ʋ tʋ̃tʋnɔ ʋ cen na yel a bala ʋ na bʋɔl a fɛtɩ jie, á ba wa a-na-ɩ ba gbɛɛrɩ̃ na a yele a jaa baar. 18Ɩ̃-cɛ a ba jaa bõ-ƴene-ƴene nyɔw na a yele ɩ̃ sɔrɔ. A dãdãw sʋbɔ yelʼã a tʋtʋnɔ: ‘Ɩ̃ da na po-paalaa a sɛw ɩ̃ cen na ꞌwuor kãa. Gaafɩra, maa tʋɔrɔ wɩɛrɛ wa.’ 19A kãw yel ʋ: ‘Ɩ̃ da na nadɛɛ pie ɩ̃ bʋɔrɔ ɩ̃ tʋ nɩ ba tʋn ꞌwuor je kãa. Gaafɩra, maa tʋɔrɔ wɩɛrɛ wa.’ 20A bõ-ƴen lɛ yel ʋ: ‘Ɩ̃ de na pɔw paalʋ̃ʋ na. Ala-ɩ̃-sɔ maa tʋɔrɔ wɩɛrɛ be wa.’ 21A tʋ̃tʋnɔ lɩɛb kul a ʋ nɩ-kpɛ̃ɛ sɛ na man ʋ a lɛ, a suur nyɔw a yir sʋbɔ ʋ yel a ʋ tʋtʋnɔ: ‘Lɩɛb cen fɔfɔw a daa pʋɔ nɩ a sɔɛ pʋɔ bɔ a nãw deme, nɩ a nɩ-kɔɔr, nɩ a jɔn, nɩ a gbɛɛ wa nɩ a ka.’ 22A ɩ na fɩ̃ɩ a tʋ̃tʋnɔ lɩɛb wa yel: ‘Nɩ-kpɛ̃ɛ, ɩ̃ maalʼã a mɩnɛ fʋ na yel ɩ̃-cɛ jaajiir cãa na cɛ.’ 23A be jie, a nɩ-kpɛ̃ɛ yel ʋ: ‘Lɩɛb cen a sɔr-bil pʋɔ nɩ a sɛɛr pʋɔ na fʋ fɛr a nɩbɛ a ba wa kpɛ, a ɩ̃ yir na sɛw. 24Ɩ̃ yele nyɩ na, a bala ɩ̃ na dãa bʋɔl, nɩrɛ kãw a ba sɔ̃w ma be na ꞌlɛm a ɩ̃ dɩb wa.’ ”
A MƖNƐ FƲ NA TUURE A JEEJU
(Mat 10.37-38)
25A nɩ-yaw dãa na tuure a *Jeeju ʋ lɩɛb yel ba:
26“A ala ɩ a nɩrɛ waara na a ɩ̃ sɛ̃ ɩ̃ ma ꞌlaar a ʋ sãa, mɩɩ a ʋ mã, mɩɩ a ʋ pɔw, mɩɩ a ʋ bibiir, mɩɩ a ʋ yɛɛr, mɩɩ a ʋ yɛ-pɔɔbɔ, nɩ a ʋlɔ mɩ̃ɛ jaa wa, ꞌwaa tʋɔrɔ ɩrɛ a ɩ̃ *par-tuure wa. 27A ʋlɔ na ma de a ʋ nɩ-kʋ-daa tuo tuure nɩ ma wa, ꞌwaa tʋɔrɔ ɩrɛ a ɩ̃ par-tuure wa. 28A ala ɩ a nɩrɛ a nyɩ sɔ̃w bʋɔrɔ na ʋ mɛ yir woor, má ʋ na jɛ na sɛr ɩ̃ sɔr a yele je kãa a ala ɩ a libie ala ʋ na tɛrɛ na ta na a yir tʋmɔ a jaa. 29A ala ma ɩ lɛ ʋ wa, ʋ kpar a yir baar ɩ̃ ma lɛ tʋɔrɔ a yir mɩɛrɛ baara wa, a bala ba jaa na nyɛrɛ a lɛ, ba na laara ʋ na yele nɩ: 30‘A daba na mɛ na a ʋ yir ta nɩ sɔ̃w ɩ̃ ma tʋɔ baar wa.’ 31Mɩɩ a ala ɩ a jamana kãw bʋɔrɔ na ʋ cen na jɛbʼɩ̃ a ʋ jaman-tɔ sʋbɔ kãw, má ʋ na jɛ na pɛ je kãa a ala ɩ ʋ na tʋɔ na de dabsɩ ture pie tuoro nɩ a ʋlɔ na tɛrɛ dabsɩ ture lɩjɛr waara nɩ a ʋ jie. 32A ala ɩ ꞌwaa tʋɔrɔ wa, a lɛ a jamana ʋlɔ na cãa be a nɩdaa waara, ʋ na tʋ na nɩbɛ a ʋ jie a ba ɓaalɩ̃ ʋ. 33A lɛ ʋ mɩ, nɩrɛ ma be a nyɩ sɔ̃w na tʋɔrɔ ɩrɛ a ɩ̃ par-tuure ɩ̃ a ala ma ɩ ʋ jaarʼã a ʋ yele a jaa ʋ na sɔ bar wa.
A NASÕ ƳƐRƖ̃
(Mat 5.13, Mar 9.50)
34“A nasõ ɩ na bõ-son ɩ̃-cɛ a ala ɩ a ʋ nʋ̃ɔ yi na, mɩnɛ ba na ɩ ɩ̃ maal ʋ ʋ lɛ nʋmɔ? 35Aa tʋɔrɔ saala a tene nãw wa, aa mɩ tʋɔrɔ ɩrɛ pʋɔrʋ̃ wa. Yẽw ba ma lɔb ʋ bar. A ʋlɔ na tɛrɛ tobo cɛlɛ nɩ, ú wonaa!”
Селектирано:
Luki Sɛbɛ 14: BNT93
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Le Nouveau Testament en langue birifor © Alliance Biblique au Burkina Faso, 1993.
Luki Sɛbɛ 14
14
A DABA A WƲLƖ̃-MƆRAA NA TƐRƐ
1Bibi-ciiraa dayen, a *Jeeju kpɛ na a *Farɩsɩ nɩbɛ nɩ-kpɛ̃ɛ kãw yir dɩb dɩfʋ jie, a ba jʋʋrɔ ʋ. 2A be, daba kãw wʋlɩ̃-mɔraa na nyɔw ɩraa na a ʋ nii-sɔw, 3a Jeeju soor a *ƴɛr-kpɛn-bɔɔnbɔ nɩ a Farɩsɩ nɩbɛ:
“Sɔr be na be a nɩrɛ na kpɛmɛ a wʋlɩ̃ sʋbɔ a *bibi-ciiraa dayen mɩɩ, sɔr ma be be wa?” 4Ɩ̃-cɛ baa haa ʋ nʋɔr wa. A lɛ, a Jeeju nyɔw a wʋlɩ̃ sʋbɔ kpaar a ʋ wʋlɩ̃, ɩ̃ ɩ ʋ yi cere. 5Ɩ̃ ʋ yel ba:
“A ala ɩ nɩrɛ a nyɩ sɔ̃w tɛrɛ na bi-daba mɩɩ naab ʋ lo a bule pʋɔ a bibi-ciiraa dayen, ʋ na bar ʋ na a be mɩɩ? Má ʋ na ir ʋ na fɔfɔw.” 6A baa tʋɔ haa nʋɔr ƴɛr ƴɛrɩ̃ wa.
A NII-SƆW JAAJIIR BƆFƲ
7A *Jeeju nyɛ na a mɩnɛ a nɩbɛ bala ba na bʋɔl a dɩb ɩnɛ na tuure a nii-sɔw jaajiir ɩ̃ lɔb a sʋkpa na kʋ ba jaa:
8“A ala ɩ a nɩrɛ bʋɔl fʋ na a kul-taa fɛtɩ jie, taa de nĩe cen na jɛ a nii-sɔw jaajie wa. Nɩrɛ kãw na gãw fʋ ba na mɩ bʋɔl na tʋɔ na ta, 9ɩ̃ a ʋlɔ na bʋɔl nyɩ wa wa yel fʋ á fʋ ir ɩ̃ cɛ a jaajie kʋ ʋ, a lɛ, vĩ na kpɛ fʋ na, a mɩnɛ fʋ na ire cere a jaaji-baaraa pʋɔ. 10Ɩ̃-cɛ a ala ɩ ba bʋɔl fʋ na, ɛ̃ɛ cen na jɛ a jaaji-baaraa pʋɔ. A lɛ a ʋlɔ na bʋɔl fʋ nɔɔ kpɛɛrɛ ʋ na yel fʋ na: ‘Ɩ̃ baraa wee! Ir do ka iin a nii-sɔw jaajie pʋɔ.’ Be a fʋ yuor na time a nɩbɛ ba jaa nii-sɔw fʋ na jɛ dɩrɛ nɩ a dɩb. 11A-na-ɩ a ʋlɔ na bʋɔrɔ ʋ bɛrmɛ a juu, a Naaŋmɩn na wur ʋ na suu nɩ, ɩ̃ a ʋlɔ na sɔw wur a ʋ mɩ̃ɛ, a Naaŋmɩn na jɛw ʋ na irʼɩ̃.”
12A ala ɩ̃ baar a Jeeju yelʼã a ʋlɔ na bʋɔl ʋ a fɛtɩ ɩnɛ:
“A ala ɩ fʋ bʋɔlɔ na nɩbɛ a dɩb ɩnɛ, taa bʋɔlɔ a fʋ badɛɛ, mɩɩ a fʋ yɛɛr, mɩɩ a fʋ bal nɩbɛ, mɩɩ a fʋ tɔ deme na ɩ a naabsɩ wa, a-na-ɩ ba na mɩ tʋɔ na maal fʋ a ala fʋ na maal ba, na ba ya fʋ. 13Ɩ̃-cɛ a ala ɩ fʋ bʋɔlɔ na a nɩbɛ a fɛtɩ ɩnɛ, bʋɔl a nãw deme, nɩ a nɩ-kɔɔr, nɩ a gbɛɛ, nɩ a jɔn. 14A lɛ, nũɔ na be na a fʋ jie a-na-ɩ baa tʋɔrɔ yara fʋ wa, ɩ̃ a Naaŋmɩn ɩ̃ na ya fʋ a daar ʋlɔ a nɩ-torisɩ na ire a kũu pʋɔ.”
A NƖBƐ BALA BA NA BƲƆL A DƖB ƖNƐ SƲKPA
(Mat 22.1-10)
15A bala na lãa be nɩ a *Jeeju a dɩb dɩfʋ jie, bõ-ƴen wõ na a ƴɛrɩ̃ ʋlɔ ɩ̃ yel a Jeeju:
“A nʋmɔ a ʋlɔ nɔɔ dɩrɛ a dɩb a Naaŋmɩn tẽw!” 16A Jeeju yel ʋ:
“Daba kãw maalʼã fɛtɩ dɩb ɩ̃ bʋɔl nɩ-yayaw. 17A lɛ a dɩb dɩfʋ daar na ta, ʋ tʋ na a ʋ tʋ̃tʋnɔ ʋ cen na yel a bala ʋ na bʋɔl a fɛtɩ jie, á ba wa a-na-ɩ ba gbɛɛrɩ̃ na a yele a jaa baar. 18Ɩ̃-cɛ a ba jaa bõ-ƴene-ƴene nyɔw na a yele ɩ̃ sɔrɔ. A dãdãw sʋbɔ yelʼã a tʋtʋnɔ: ‘Ɩ̃ da na po-paalaa a sɛw ɩ̃ cen na ꞌwuor kãa. Gaafɩra, maa tʋɔrɔ wɩɛrɛ wa.’ 19A kãw yel ʋ: ‘Ɩ̃ da na nadɛɛ pie ɩ̃ bʋɔrɔ ɩ̃ tʋ nɩ ba tʋn ꞌwuor je kãa. Gaafɩra, maa tʋɔrɔ wɩɛrɛ wa.’ 20A bõ-ƴen lɛ yel ʋ: ‘Ɩ̃ de na pɔw paalʋ̃ʋ na. Ala-ɩ̃-sɔ maa tʋɔrɔ wɩɛrɛ be wa.’ 21A tʋ̃tʋnɔ lɩɛb kul a ʋ nɩ-kpɛ̃ɛ sɛ na man ʋ a lɛ, a suur nyɔw a yir sʋbɔ ʋ yel a ʋ tʋtʋnɔ: ‘Lɩɛb cen fɔfɔw a daa pʋɔ nɩ a sɔɛ pʋɔ bɔ a nãw deme, nɩ a nɩ-kɔɔr, nɩ a jɔn, nɩ a gbɛɛ wa nɩ a ka.’ 22A ɩ na fɩ̃ɩ a tʋ̃tʋnɔ lɩɛb wa yel: ‘Nɩ-kpɛ̃ɛ, ɩ̃ maalʼã a mɩnɛ fʋ na yel ɩ̃-cɛ jaajiir cãa na cɛ.’ 23A be jie, a nɩ-kpɛ̃ɛ yel ʋ: ‘Lɩɛb cen a sɔr-bil pʋɔ nɩ a sɛɛr pʋɔ na fʋ fɛr a nɩbɛ a ba wa kpɛ, a ɩ̃ yir na sɛw. 24Ɩ̃ yele nyɩ na, a bala ɩ̃ na dãa bʋɔl, nɩrɛ kãw a ba sɔ̃w ma be na ꞌlɛm a ɩ̃ dɩb wa.’ ”
A MƖNƐ FƲ NA TUURE A JEEJU
(Mat 10.37-38)
25A nɩ-yaw dãa na tuure a *Jeeju ʋ lɩɛb yel ba:
26“A ala ɩ a nɩrɛ waara na a ɩ̃ sɛ̃ ɩ̃ ma ꞌlaar a ʋ sãa, mɩɩ a ʋ mã, mɩɩ a ʋ pɔw, mɩɩ a ʋ bibiir, mɩɩ a ʋ yɛɛr, mɩɩ a ʋ yɛ-pɔɔbɔ, nɩ a ʋlɔ mɩ̃ɛ jaa wa, ꞌwaa tʋɔrɔ ɩrɛ a ɩ̃ *par-tuure wa. 27A ʋlɔ na ma de a ʋ nɩ-kʋ-daa tuo tuure nɩ ma wa, ꞌwaa tʋɔrɔ ɩrɛ a ɩ̃ par-tuure wa. 28A ala ɩ a nɩrɛ a nyɩ sɔ̃w bʋɔrɔ na ʋ mɛ yir woor, má ʋ na jɛ na sɛr ɩ̃ sɔr a yele je kãa a ala ɩ a libie ala ʋ na tɛrɛ na ta na a yir tʋmɔ a jaa. 29A ala ma ɩ lɛ ʋ wa, ʋ kpar a yir baar ɩ̃ ma lɛ tʋɔrɔ a yir mɩɛrɛ baara wa, a bala ba jaa na nyɛrɛ a lɛ, ba na laara ʋ na yele nɩ: 30‘A daba na mɛ na a ʋ yir ta nɩ sɔ̃w ɩ̃ ma tʋɔ baar wa.’ 31Mɩɩ a ala ɩ a jamana kãw bʋɔrɔ na ʋ cen na jɛbʼɩ̃ a ʋ jaman-tɔ sʋbɔ kãw, má ʋ na jɛ na pɛ je kãa a ala ɩ ʋ na tʋɔ na de dabsɩ ture pie tuoro nɩ a ʋlɔ na tɛrɛ dabsɩ ture lɩjɛr waara nɩ a ʋ jie. 32A ala ɩ ꞌwaa tʋɔrɔ wa, a lɛ a jamana ʋlɔ na cãa be a nɩdaa waara, ʋ na tʋ na nɩbɛ a ʋ jie a ba ɓaalɩ̃ ʋ. 33A lɛ ʋ mɩ, nɩrɛ ma be a nyɩ sɔ̃w na tʋɔrɔ ɩrɛ a ɩ̃ par-tuure ɩ̃ a ala ma ɩ ʋ jaarʼã a ʋ yele a jaa ʋ na sɔ bar wa.
A NASÕ ƳƐRƖ̃
(Mat 5.13, Mar 9.50)
34“A nasõ ɩ na bõ-son ɩ̃-cɛ a ala ɩ a ʋ nʋ̃ɔ yi na, mɩnɛ ba na ɩ ɩ̃ maal ʋ ʋ lɛ nʋmɔ? 35Aa tʋɔrɔ saala a tene nãw wa, aa mɩ tʋɔrɔ ɩrɛ pʋɔrʋ̃ wa. Yẽw ba ma lɔb ʋ bar. A ʋlɔ na tɛrɛ tobo cɛlɛ nɩ, ú wonaa!”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Le Nouveau Testament en langue birifor © Alliance Biblique au Burkina Faso, 1993.