NAANAA 5

Adamu burinɔ

1Adamu burinɔ yãn dí. Gɔrɔ kũ Luda bisãsirinɔ kɛ̀, à ń kɛ́ lán a bàmɛ. 2À ń kɛ́ gɔ̃gbɛ̃ kũ nɔgbɛ̃o, akũ à arubarikaa dàńnɛ. À tɔ́ kpàńnɛ bisãsiri.

3Adamu wɛ̃̀ basuddo akuride gũn à nɛ́ ì a taka ũ à bòkɔ̃a kãao, akũ à tɔ́ kpànɛ Sɛti. 4Sɛti inaa gbɛra à kɛ̀ wɛ̃̀ wàa siikɔ̃ à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 5Kũ à kà wɛ̃̀ wàa siikɔ̃ kpɛ́ basuddo akuri, akũ à gà.

6Sɛti wɛ̃̀ basɔɔro awɛɛsɔɔrode gũn à Ɛnɔsu ì. 7A gbɛra à kɛ̀ wɛ̃̀ wàa siikɔ̃ awɛɛsuppla à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 8Kũ à kà wɛ̃̀ wàa siikɔ̃ kpɛ́ basɔɔro akuri awɛɛpla, akũ à gà.

9Ɛnɔsu wɛ̃̀ basiikɔ̃ akuride gũn à Kenana ì. 10A gbɛra à kɛ̀ wɛ̃̀ wàa siikɔ̃ kũ gɛ̃roo à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 11Kũ à kà wɛ̃̀ wàa siikɔ̃ kpɛ́ basɔɔro awɛɛsɔɔro, akũ à gà.

12Kenana wɛ̃̀ baaakɔ̃ akuride gũn à Malalɛli ì. 13A gbɛra à kɛ̀ wɛ̃̀ wàa siikɔ̃ kpɛ́ bupla à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 14Kũ à kà wɛ̃̀ wàa siikɔ̃ kpɛ́ basɔɔro akuri, akũ à gà.

15Malalɛli wɛ̃̀ baaakɔ̃ awɛɛsɔɔrode gũn à Yarɛdi ì. 16A gbɛra à kɛ̀ wɛ̃̀ wàa siikɔ̃ kũ mɛ̀n baraakuri à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 17Kũ à kà wɛ̃̀ wàa siikɔ̃ kpɛ́ basɔɔro sɔɔrosari, akũ à gà.

18Yarɛdi wɛ̃̀ basɔraakɔ̃ awɛɛplade gũn à Ɛnɔku ì. 19A gbɛra à kɛ̀ wɛ̃̀ wàa siikɔ̃ à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 20Kũ à kà wɛ̃̀ wàa siikɔ̃ kpɛ́ basɔraakɔ̃ awɛɛpla, akũ à gà.

21Ɛnɔku wɛ̃̀ baaakɔ̃ awɛɛsɔɔrode gũn à Mɛtusela ì. 22A gbɛra à táa ò kũ Ludao ari wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 23À kà wɛ̃̀ wàa do kpɛ́ basɔraakɔ̃ awɛɛsɔɔro. 24À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.

25Mɛtusela wɛ̃̀ bakɛ̃ndo awɛɛsupplade gũn à Lamɛki ì. 26A gbɛra à kɛ̀ wɛ̃̀ wàa aakɔ̃ kpɛ́ bakɛ̃ndo awɛɛpla à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 27Kũ à kà wɛ̃̀ wàa siikɔ̃ kpɛ́ basɔraakɔ̃ akuri donsari, akũ à gà.

28Lamɛki kɛ̀ wɛ̃̀ bakɛ̃ndo awɛɛpla, akũ à nɛ́gɔ̃gbɛ̃ ì. 29À tɔ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ. 30Nuhu inaa gbɛra Lamɛki kɛ̀ wɛ̃̀ wàa aakɔ̃ sɔɔrosari à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo. 31Kũ à kà wɛ̃̀ wàa aakɔ̃ kpɛ́ basɔraakɔ̃ akuri awɛɛsuppla, akũ à gà.

32Kũ Nuhu kà wɛ̃̀ wàa pla kpɛ́ basɔɔro, à Sɛmu kũ Hamuo kũ Yafɛtio ì.

Селектирано:

NAANAA 5: BB2005

Нагласи

Сподели

Копирај

Дали сакаш да ги зачуваш Нагласувањата на сите твои уреди? Пријави се или најави се

Bisã Bible © SIM International, 2005.

Дознај повеќе за Bisã Bible 2005