Yaɓooda 14
14
Abram taa Lot ji madngétagt
1Kaglot lo Amrapel ngar kɨ Sinẽar, kɨ Arjok ngar kɨ Elajar, kɨ Kedorlaomer ngar kɨ Elam, kɨ Tideal ngar kɨ Goim, 2ngarg'n non ɗɔɔn na kɨ Bera ngar kɨ Sodom, kɨ Birsa ngar kɨ Gomor, kɨ Sinẽab ngar kɨ Adma, kɨ Semeber ngar kɨ Seboim, kɨ ngar kɨ Bela ad i Soar. 3Ĩgɨn non tube ndan rod nat kam hollot kɨ Sidim ad i Bahbokat. 4Asɨ ɓal kɨlah gidaijoo ndɨn girr tɔgt lo ngar Kedorlaomer, na kam ɓalt kɨkõkɨlah gidaimɨta ye, taana ɗɔɔ. 5Na kam ɓalt kɨkõkɨlah gidaisɔɔ, Kedorlaomer kɨ ngarg'n ndan rod nat sia aw ɗɔɔn kɨ Repaiag kam Astarot Karnaimt kɨ Jujiag kam Hamt, kɨ Emiag kam hollot kɨ Sabe Kirjataimt na tetɨnd ɗɔɔ, 6kɨ Horiag dɔ mbalbot lod kɨ Seir, mbã El Parã nderbe kɨ lot kɨ todɨla. 7Kamla tel ɗen En Mispat ad i Kades, na ɗɔɔn kɨ Amalekag kɨ Amoriag ngéndɨ Hasanson Tamart. 8Taa ne, ngar kɨ Sodom, kɨ ngar kɨ Gomor, kɨ ngar kɨ Adma kɨ ngar kɨ Seboim, kɨ ngar kɨ Bela ad i Soar, tee awɨn na adɨn deg lod ɗan kɨ ɓuta ɓuta kad ɗɔɔn sed kam hollot kɨ Sidim, ɗɔɔn 9kɨ Kedorlaomer ngar kɨ Elam, kɨ Tideal ngar kɨ Goim, kɨ Amrapel ngar kɨ Sinẽar, kɨ Arjok ngar kɨ Elajar, ngarg kɨsɔɔ ɗɔɔn kɨ ngarg kɨmi. 10Bulo bitumg ĩn ngãi kam hollot kɨ Sidim. Ngar kɨ Sodom kɨ ngar kɨ Gomor tuson kamt lo kãindt, na ndegag ãin kɨdɔ mbalbot. 11Ngétetɗɔɔg ɔin nyag kɨ ɓebo Sodom kɨ ɓebo Gomor tube kɨ nyasa lod tube na awɨn. 12Hɔn Lot ngon ngonkõ Abram, ĩn hɔlondɨ Sodom, nat kɨ nyag loa, na awɨn. 13De mad tee jidt ãi, na aw ɔrr hoia Abram kɨ girr Hebre'n hɔlondɨ kad kag dilgt lo Mamre kɨ Amoria ngonkõ Eskol kɨ Aner. Ĩgɨn non lan kɔd nat kɨ Abram. 14Lon Abram oo hoi hɔ ngon ngonkõn ye, ad nyaɗɔɔg ji ngéɗɔɔgt lon ɓumɨta kɨkɨlah gidaijijoo, ĩgɨn oojɨnd kam ndogt loa, na tuɓa go ngarg'n non mbã tee Dan. 15Abraham keg ngéɗɔɔg lon dang dang kɨtɔkad ɗɔɔn madngétag ndɔ, ĩ kɨ ɓerg lon, na ɗɔɔ sed, tuɓand mbã teen Hoba kɨ ko gel ɓebo Damasɨt. 16Taa nyag tube telɨn gog. Tel kɨ ngon ngonkõn Lot kɨ nyag loa kɨ dekɨdẽg noojg.
Melkisedek njang dɔ Abram
17Lon Abram tel lo tetɗɔɔ Kedorlaomert, kɨ ngarg'n ĩn nat kɨ ngarg'n ndan rod nat sia ye, ngar kɨ ɓebo kɨ Sodomt tee ndɔda kam hollot kɨ Sabe ad i hollo lo ngar. 18Melkisedek, ngar kɨ ɓebo Salem, ɗe kɨ nyasa kɨ kasɨnduu. I ngejanyamosɨkadkari lo Luwah kɨ Ngetɔitɔi. 19Njang dɔ Abram, el an: Kɨ Abram i kɨ njang dɔ ko ro Luwaht Ngetɔitɔi, Ngedɔrã kɨ dɔning 20Kɔsɨgon kɨ dɔ Luwaht Ngetɔitɔi kɨtɔ la madngétai jiit. Nõbe, Abram ada gaj kɨɗa ku kɨkɨlaht kam nyagt tube. 21Ngar kɨ ɓebo Sodom el Abram an: Adɨm deg, na i hɔ nyag kɨ loit 22Abram tur ngar kɨ ɓebot kɨ Sodom an: M'un jim kɨ dõ kɨ ro Bɨraɓet, Luwah kɨ Ngetɔitɔi, Ngedɔrã kɨ dɔning, 23m'a m'un nya mad kɨɗa ku nyagt loi al, kɨla kurnya ke kɨla dɔɔ sanja al, na ɓeta el an: Ĩ la i nda Abram ngemajt ye. 24M'ge nya mad al, na nyasa basag lom wa tã, gaj nya lo deg'n awɨn sem nat, ad i Aner kɨ Eskol kɨ Mamre, kɨtɔ ĩn kɨɓeg a taan gaj lod.
Селектирано:
Yaɓooda 14: MlL
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Mbai Bible Revision © Bible Society of Chad, 2015.