Yaɓooda 6
6
Majal lo de i ngãi
1Lon deg mban girr bɨla dɔningt kɨdɔtdɔt, na oojɨn ngan kɨdẽg, 2ngan Luwah oon ngan kɨdẽg lo deg mandɨn takumdt kɨdum. Taan ĩngɨn nelɨnd nẽdt. 3Bɨraɓe el an: Ndilɨm a ɔrr nõ de mbãkɨnõt al, kɨtɔ ɗa majg loa: de i dãrota, na ndɔag a ĩn ɓal ɓukɨɗa kɨ dɔjoo al. 4Kaglot'n non sikɨm deg ĩn dɔningt, lon ngan Luwah awɨn ro ngan kɨdẽgt lo deg, na oojɨn sed ngang. Ĩgɨn non la ĩn gõɗɔɔg kɨ tɔd ko kaglot kɨmaɗi.
5Bɨraɓe oo majal lo de i ngãi kɨ tɔi dɔningt, na kɔjta kɨɗen lo tagahg kɨ kamat i kɨmajal kɨndɔgndɔg. 6Na Bɨraɓe ndɨnga ron dɔ ndaht'n ndah de dɔningt, ad ta õ kama. 7Bɨraɓe el an: M'a n'nuj de'n m'ndaa dɔningt kɔ, mbagɨra dɔ det mbã tee dɔ dãgt kɨ nyag kɨ kɔrr kɔd'd ber kɨ yelg kɨ dõ, kɨtɔ m'ndɨnga rom dɔ ndaht'n n'ndahd. 8Na Noe ngah maj takum Bɨraɓet.
Noe ɗa too kɨbo
9Ĩgɨn ten la ĩn ngaka Noe ye. Noe i de kɨdenesew kɨ kɨkasɨnatap ku degt kɨ kaglot loa. Noe ndulo go ɗobg lo Luwah. 10Noe ooj ngan kɨdɨngã mɨta: Sem kɨ Kam kɨ Japet. 11Luwah oo dɔning, na dɔning tuj kɨtɔ dãro kɨɗen mbel go pa ndian dɔningt. 12Luwah nɔl dɔning, na oo i kɨtuj kɨtɔ deg tube tujɨn ɗob lod dɔningt.
13Luwah el Noe an: Deg tube dɔboid asɨ nomt, kɨtɔ dɔning ɗoosɨ kɨ nyaɗa kɨ lo ngetɔgt kɨtɔkul deg, na m'a m'nujd kɔ nat kɨ dɔning. 14I ɗa too kɨbo kɨ kag goper kɨngang, i gang kama dang dang, na i tĩya kama kɨ gida kɨ nyatĩya nya. 15Titbe la a i ɗan too kɨbo ye, ngala a i metɨr ɓu kɨ dɔmi, tata i metɨr dɔjoo gida i mi, na ngala kɨ dõ i metɨr kɨlah gida i mi. 16A i ɗa burrolo kad too kɨbot dõ asɨ nusɨ metɨr kɨɗa. A i ɗa tabita borkadat. A i ɗa kam too kɨbo dɔnat mɨta, kɨdasa kɨ kɨkõjoo kɨ kɨkõmɨta. 17Oo maj, mĩ m'a mad mankõ kɨbobe ɗe dɔ dɔningt kad nuj nyag tube kɨgir dɔrãt kɔ, nyag'n kò kumkajir i kamdt. Nya kɨɗen kɨ dɔningt a oi kɔ. 18M'a m'un kɔm m'adi, mad to kɨɗubagt: And kam too kɨbot, ĩ kɨ ngani kɨdɨngã kɨ nẽi kɨ nẽ ngani kɨdɨngã nat sei. 19A ad nya kɨ kumkajir kɨɗen kɨ dã kɨɗen andɨn joo joo kam too kɨbot kɨgo kĩdt, kad ngomɨnd kumkajir nat sei, bɔw kɨ kõ. 20Yelg kɨgo girrdt dang dang kɨ nyakulg kɨgo kĩdt, kɨ nya kɨ kɔrr kɔd ber kɨɗen, girrd kɨɗen a ɗen roit joo joo kad ngomɨnd kumkajir. 21Na i kaw nyasa kɨɗen kɨnat i ngomd kad telɨn nyasai kɨ nyasad. 22Noe ɗa titbe, ɗa nya tube njarrɨr tit'n Luwah ndaan mber kad ɗa.
Селектирано:
Yaɓooda 6: MlL
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Mbai Bible Revision © Bible Society of Chad, 2015.
Yaɓooda 6
6
Majal lo de i ngãi
1Lon deg mban girr bɨla dɔningt kɨdɔtdɔt, na oojɨn ngan kɨdẽg, 2ngan Luwah oon ngan kɨdẽg lo deg mandɨn takumdt kɨdum. Taan ĩngɨn nelɨnd nẽdt. 3Bɨraɓe el an: Ndilɨm a ɔrr nõ de mbãkɨnõt al, kɨtɔ ɗa majg loa: de i dãrota, na ndɔag a ĩn ɓal ɓukɨɗa kɨ dɔjoo al. 4Kaglot'n non sikɨm deg ĩn dɔningt, lon ngan Luwah awɨn ro ngan kɨdẽgt lo deg, na oojɨn sed ngang. Ĩgɨn non la ĩn gõɗɔɔg kɨ tɔd ko kaglot kɨmaɗi.
5Bɨraɓe oo majal lo de i ngãi kɨ tɔi dɔningt, na kɔjta kɨɗen lo tagahg kɨ kamat i kɨmajal kɨndɔgndɔg. 6Na Bɨraɓe ndɨnga ron dɔ ndaht'n ndah de dɔningt, ad ta õ kama. 7Bɨraɓe el an: M'a n'nuj de'n m'ndaa dɔningt kɔ, mbagɨra dɔ det mbã tee dɔ dãgt kɨ nyag kɨ kɔrr kɔd'd ber kɨ yelg kɨ dõ, kɨtɔ m'ndɨnga rom dɔ ndaht'n n'ndahd. 8Na Noe ngah maj takum Bɨraɓet.
Noe ɗa too kɨbo
9Ĩgɨn ten la ĩn ngaka Noe ye. Noe i de kɨdenesew kɨ kɨkasɨnatap ku degt kɨ kaglot loa. Noe ndulo go ɗobg lo Luwah. 10Noe ooj ngan kɨdɨngã mɨta: Sem kɨ Kam kɨ Japet. 11Luwah oo dɔning, na dɔning tuj kɨtɔ dãro kɨɗen mbel go pa ndian dɔningt. 12Luwah nɔl dɔning, na oo i kɨtuj kɨtɔ deg tube tujɨn ɗob lod dɔningt.
13Luwah el Noe an: Deg tube dɔboid asɨ nomt, kɨtɔ dɔning ɗoosɨ kɨ nyaɗa kɨ lo ngetɔgt kɨtɔkul deg, na m'a m'nujd kɔ nat kɨ dɔning. 14I ɗa too kɨbo kɨ kag goper kɨngang, i gang kama dang dang, na i tĩya kama kɨ gida kɨ nyatĩya nya. 15Titbe la a i ɗan too kɨbo ye, ngala a i metɨr ɓu kɨ dɔmi, tata i metɨr dɔjoo gida i mi, na ngala kɨ dõ i metɨr kɨlah gida i mi. 16A i ɗa burrolo kad too kɨbot dõ asɨ nusɨ metɨr kɨɗa. A i ɗa tabita borkadat. A i ɗa kam too kɨbo dɔnat mɨta, kɨdasa kɨ kɨkõjoo kɨ kɨkõmɨta. 17Oo maj, mĩ m'a mad mankõ kɨbobe ɗe dɔ dɔningt kad nuj nyag tube kɨgir dɔrãt kɔ, nyag'n kò kumkajir i kamdt. Nya kɨɗen kɨ dɔningt a oi kɔ. 18M'a m'un kɔm m'adi, mad to kɨɗubagt: And kam too kɨbot, ĩ kɨ ngani kɨdɨngã kɨ nẽi kɨ nẽ ngani kɨdɨngã nat sei. 19A ad nya kɨ kumkajir kɨɗen kɨ dã kɨɗen andɨn joo joo kam too kɨbot kɨgo kĩdt, kad ngomɨnd kumkajir nat sei, bɔw kɨ kõ. 20Yelg kɨgo girrdt dang dang kɨ nyakulg kɨgo kĩdt, kɨ nya kɨ kɔrr kɔd ber kɨɗen, girrd kɨɗen a ɗen roit joo joo kad ngomɨnd kumkajir. 21Na i kaw nyasa kɨɗen kɨnat i ngomd kad telɨn nyasai kɨ nyasad. 22Noe ɗa titbe, ɗa nya tube njarrɨr tit'n Luwah ndaan mber kad ɗa.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Mbai Bible Revision © Bible Society of Chad, 2015.