Лого на YouVersion
Икона за пребарување

Matiyò Hwèlìhvòwelì hwe e Kààtì

Hwèlìhvòwelì hwe e Kààtì
Ŋmɛ̀ndì mò gbamù ema Màtiyò à tili mò òhwa nanù ema, Yerzù ndi à hweli è Mòrzùŋgèlì. Lì akeya nà mɔ̀ ɔndi Lohwɛ̀ à òndìrzɛ̀yi hweya ema à mò òhwe nanù ema à ò gbèeyà è rze yà mɔ̀nyɛ̀ yà arzɛ. Mònò ŋmɛ̀ndì mò gbamù mò hwelì ndi ò è rze yà mɔ̀nyɛ̀ yà arzɛ.
Hwèyà ema Yerzù à mà hwɛ lì òkòlɛ̀ hwe mà kàwahwa mòŋgò mata. (1) Ɛ̀ɛ̀mɛ̀ ema hwatò ema hwa hweli ò lìkànèyà là ama Lohwɛ̀ hwa àŋgàmɛ̀nɛ̀yi lì hwɛnɛ nà hwègbèèlì hwe awu, hwèèmà ema hwe ò hwɛ̀ɛ è hwe awu nà hwèyà ema hwe ò hwa gbèyɛ̀nɛ̀ (Hwehvàrzu 5-7); (2) Èwòlò ema lìyòmɛ là hwà-òkòwèlì nà hwahwàkɛ hwa àŋgàmɛ̀nɛ̀yi lì gbèya (10 là hwehvàrzu); (3) Nɛ lìkànèyà là ama Lohwɛ̀ lì hwèlì (13 là hwehvàrzu); (4) Nɛ mòtò à àŋgàmɛ̀nɛ̀yi lì gbèèyà Lohwɛ̀ (18 la hwehvàrzu); (5) Hwèyà ema hwe hwèlì hwe gbèyɛnɛ ndeŋgànɛlɛ nɛ è ò hwɛ̀ɛyà è hvònda ema Krìrztò à ò jɛ̀ɛ̀ (24-25 là hwehvàrzu).
Hwekàhweli hwe e kààtì
Mòtende na hwèŋyààyèlì hwe ama Yerzù Krìrztò 1.1–2.23
Èwòlò yà ama Yòwanìrzɛ̀ è Mòlùhwìrzèlì 3.1-12
Lìlùhwìrzɛ̀ nà màkèkìrzɛ̀nɛ̀ mà ama Yerzù 3.13–4.11
Èwòlò yà ama Yerzù ò erzòòkà yà Gàlìlì 4.12–18.35
Èwòlò yà ama Yerzù è hvònda ema à mà anjiye ò Gàlìlì lì uka ò Jèrurzalɛ̀mù 19.1–20.34
Mèenyà mè lìrzùkù mè ama Yerzù ò Jèrurzalɛ̀mù nà ò lì kòmbɛ̀nɛ̀ Jèrurzalɛ̀mù 21-27
Hwèhvùmùwèlì ndeŋgànɛlɛ nɛ Rzàŋgò è mà àwuŋmɛ̀lɛ̀ mɔ̀ ŋmìti ò hwatò ò mburzà yà hwèhvùmùwèlì hwe eni 28.1-20

Нагласи

Сподели

Копирај

None

Дали сакаш да ги зачуваш Нагласувањата на сите твои уреди? Пријави се или најави се

YouVersion користи колачиња за да го персонализира вашето искуство. Со користење на нашата веб-страница, ја прифаќате употребата на колачиња како што е опишано во нашата Политика за приватност