Svun Mateo 6:16-18

»C'alal chavicta avotique, mu me xavaq'uic ta ilel ti chavat avo'onic chac c'u cha'al tspasic li jlo'lovanejetique, yu'un li stuquique chaq'uic ta ilel ti chat yo'onique xchi'uc ti yictaoj yotique. Ta melel chacalbeic, ti much'utic yech tspasique, ja' xa smotonic ic'ot. Ti c'alal chavicta avotic li vo'oxuque, poco lec asatic, ts'acubtaso lec abaic, yo' mu xilic o li crixchanoetique ti avictaoj avotique. Ja' no'ox yiloj ti jtotic Riox ti mu xquiltique. Ti Jtotic Riox ti yiloj ti c'usi mu xil li crixchanoetique, chayac'be la motonique.