Mberaand 11
11
Taax-took ne Babel
1We no lanq ke fop lak fa leng kut a layoogu, a njiriiñooraa xa ƭelem xa leng kut axe. 2Ye da inoorna no batand, a mbadiida na yulanq kam saax laa Sine’aar#11:2 Sine’aar refu ref saax laa Babilon., soo a ngen maaga. 3A layra a ndeer den ee: «Fat i muul, soo ndox a den.» A njiriiñoora a muul ake nen a kac, soo ƭok ke nen sooñ. 4A layrahina yee: «Fat i max teeru, taax-took naa o jul ole a bugko duqaa asamaan fee. Maaga, xan i njeg gon, too i pasarooxkee took lanq ke fop.»
5O Yaal oxe a fudooxiida ndax ta ga teeru fee fo taax-took ne wiin we a maxoogna. 6O Yaal oxe a laya yee: «Nga’yo xeet fa leng koŋ! Kaa layaa lak fa leng kut, too keene refu ke da ngebooxna o mbi. Ndiiki koy, dara waagkatee o finq ke da mbosooxna o mbi. 7Fat i ndet njaxas lak fee den boo leng we nanirkatee fo lakas we.» 8O Yaal oxe a pasara a den maa goƭna maaga kam adna fee fop. Maaga, maq ne na teeru faa a dayu. 9Ten taxu ta ne’el Babel, yaam o Yaal oxe kaa jaxasrand’u#11:9 jaxasrand na hebre kaa nand fo o ɗelem ole «Babel». lak ke no wiin we fop, too no kaa xotitna maaga a sogu o pictoor took lanq ke fop.
Daan maak we nqotitna na Seem boo na Abram
10Keeke ndefu a kon ake na xa taan axe Seem: Seem a jeg’a xa kiid teemeed, soo a rim a Arpaksad, xa kiid xa ƭaq cinj o jaɓ o maak ole. 11Cinj o rimel ole Arpaksad, Seem a ñoowa xa kiid teemeed ƥetik, a jeg’a xa ƥiy xa koor fo xa ƥiy xa tew.
12Arpaksad a jeg’a xa kiid qarɓeen tadik fo xa kiid xa ƥetaq, soo a rim a Seelax. 13Cinj o rimel ole Seelax, Arpaksad a ñoowa xa kiid teemeed nahik fo xa kiid xa tadaq, a jeg’a xa ƥiy xa koor fo xa ƥiy xa tew.
14Seelax a jeg’a xa kiid qarɓeen tadik, soo a rim a Ebeer. 15Cinj o rimel ole Ebeer, Seelax a ñoowa xa kiid teemeed nahik fo xa kiid xa tadaq, a jeg’a xa ƥiy xa koor fo xa ƥiy xa tew.
16Ebeer a jeg’a xa kiid qarɓeen tadik fo xa kiid xa nahaq, soo a rim a Peleg. 17Cinj o rimel ole Peleg, Ebeer a ñoowa xa kiid teemeed nahik fo xa kiid qarɓeen tadik, a jeg’a xa ƥiy xa koor fo xa ƥiy xa tew.
18Peleg a jeg’a xa kiid qarɓeen tadik, soo a rim a Rexu. 19Cinj o rimel ole Rexu, Peleg a ñoowa xa kiid teemeed ƭik fo xa kiid ɓetaa nahaq, a jeg’a xa ƥiy xa koor fo xa ƥiy xa tew.
20Rexu a jeg’a xa kiid qarɓeen tadik fo xa kiid xa ƭaq, soo a rim a Serug. 21Cinj o rimel ole Serug, Rexu a ñoowa xa kiid teemeed ƭik fo xa kiid ɓetaa ƭaq, a jeg’a xa ƥiy xa koor fo xa ƥiy xa tew.
22Serug a jeg’a xa kiid qarɓeen tadik, soo a rim a Nakoor. 23Cinj o rimel ole Nakoor, Serug a ñoowa xa kiid teemeed ƭik, a jeg’a xa ƥiy xa koor fo xa ƥiy xa tew.
24Nakoor a jeg’a xa kiid qarɓeen ƭik fo xa kiid ɓetaa nahaq, soo a rim a Teerax. 25Cinj o rimel ole Teerax, Nakoor a ñoowa xa kiid teemeed fo xa kiid xarɓaxay fo xa kiid ɓetaa nahaq, a jeg’a xa ƥiy xa koor fo xa ƥiy xa tew.
26Teerax a jeg’a xa kiid qarɓeen ɓetuu ƭik, soo a rim a Abram, a doon a Nakoor fa Haran.
27Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot. 28Haran a xonta na kid Teerax fee faap um no saax le no Kaakalde we ta rimeena na teeru fee Uur. 29Abram fa Nakoor a ngilga. O tew oxe Abram Saarayi a ne’’e, oxe Nakoor a ne’el Milka fee refna o ƥiy o ndew Haran fee rim’ina a Milka fa Yiska. 30Saarayi kaa reeƭu o tew o timar, jeg’ee o ƥiy.
31Teerax a xota a Abram fee o ƥeem fa Lot fee o ndaan um fa Saarayi fee o seemir um refna o tew Abram. Den fop a inoora Uur fee no Kaakalde we, ndax da ndet no saax laa Kanaan. A mbadiida Xaraan, soo a ngenaa maaga. 32Teerax a ñoowa xa kiid teemeed ƭik fo xa kiid xa ƥetaq, soo a xonit Xaraan.
Селектирано:
Mberaand 11: SRR23
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal
Mberaand 11
11
Taax-took ne Babel
1We no lanq ke fop lak fa leng kut a layoogu, a njiriiñooraa xa ƭelem xa leng kut axe. 2Ye da inoorna no batand, a mbadiida na yulanq kam saax laa Sine’aar#11:2 Sine’aar refu ref saax laa Babilon., soo a ngen maaga. 3A layra a ndeer den ee: «Fat i muul, soo ndox a den.» A njiriiñoora a muul ake nen a kac, soo ƭok ke nen sooñ. 4A layrahina yee: «Fat i max teeru, taax-took naa o jul ole a bugko duqaa asamaan fee. Maaga, xan i njeg gon, too i pasarooxkee took lanq ke fop.»
5O Yaal oxe a fudooxiida ndax ta ga teeru fee fo taax-took ne wiin we a maxoogna. 6O Yaal oxe a laya yee: «Nga’yo xeet fa leng koŋ! Kaa layaa lak fa leng kut, too keene refu ke da ngebooxna o mbi. Ndiiki koy, dara waagkatee o finq ke da mbosooxna o mbi. 7Fat i ndet njaxas lak fee den boo leng we nanirkatee fo lakas we.» 8O Yaal oxe a pasara a den maa goƭna maaga kam adna fee fop. Maaga, maq ne na teeru faa a dayu. 9Ten taxu ta ne’el Babel, yaam o Yaal oxe kaa jaxasrand’u#11:9 jaxasrand na hebre kaa nand fo o ɗelem ole «Babel». lak ke no wiin we fop, too no kaa xotitna maaga a sogu o pictoor took lanq ke fop.
Daan maak we nqotitna na Seem boo na Abram
10Keeke ndefu a kon ake na xa taan axe Seem: Seem a jeg’a xa kiid teemeed, soo a rim a Arpaksad, xa kiid xa ƭaq cinj o jaɓ o maak ole. 11Cinj o rimel ole Arpaksad, Seem a ñoowa xa kiid teemeed ƥetik, a jeg’a xa ƥiy xa koor fo xa ƥiy xa tew.
12Arpaksad a jeg’a xa kiid qarɓeen tadik fo xa kiid xa ƥetaq, soo a rim a Seelax. 13Cinj o rimel ole Seelax, Arpaksad a ñoowa xa kiid teemeed nahik fo xa kiid xa tadaq, a jeg’a xa ƥiy xa koor fo xa ƥiy xa tew.
14Seelax a jeg’a xa kiid qarɓeen tadik, soo a rim a Ebeer. 15Cinj o rimel ole Ebeer, Seelax a ñoowa xa kiid teemeed nahik fo xa kiid xa tadaq, a jeg’a xa ƥiy xa koor fo xa ƥiy xa tew.
16Ebeer a jeg’a xa kiid qarɓeen tadik fo xa kiid xa nahaq, soo a rim a Peleg. 17Cinj o rimel ole Peleg, Ebeer a ñoowa xa kiid teemeed nahik fo xa kiid qarɓeen tadik, a jeg’a xa ƥiy xa koor fo xa ƥiy xa tew.
18Peleg a jeg’a xa kiid qarɓeen tadik, soo a rim a Rexu. 19Cinj o rimel ole Rexu, Peleg a ñoowa xa kiid teemeed ƭik fo xa kiid ɓetaa nahaq, a jeg’a xa ƥiy xa koor fo xa ƥiy xa tew.
20Rexu a jeg’a xa kiid qarɓeen tadik fo xa kiid xa ƭaq, soo a rim a Serug. 21Cinj o rimel ole Serug, Rexu a ñoowa xa kiid teemeed ƭik fo xa kiid ɓetaa ƭaq, a jeg’a xa ƥiy xa koor fo xa ƥiy xa tew.
22Serug a jeg’a xa kiid qarɓeen tadik, soo a rim a Nakoor. 23Cinj o rimel ole Nakoor, Serug a ñoowa xa kiid teemeed ƭik, a jeg’a xa ƥiy xa koor fo xa ƥiy xa tew.
24Nakoor a jeg’a xa kiid qarɓeen ƭik fo xa kiid ɓetaa nahaq, soo a rim a Teerax. 25Cinj o rimel ole Teerax, Nakoor a ñoowa xa kiid teemeed fo xa kiid xarɓaxay fo xa kiid ɓetaa nahaq, a jeg’a xa ƥiy xa koor fo xa ƥiy xa tew.
26Teerax a jeg’a xa kiid qarɓeen ɓetuu ƭik, soo a rim a Abram, a doon a Nakoor fa Haran.
27Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot. 28Haran a xonta na kid Teerax fee faap um no saax le no Kaakalde we ta rimeena na teeru fee Uur. 29Abram fa Nakoor a ngilga. O tew oxe Abram Saarayi a ne’’e, oxe Nakoor a ne’el Milka fee refna o ƥiy o ndew Haran fee rim’ina a Milka fa Yiska. 30Saarayi kaa reeƭu o tew o timar, jeg’ee o ƥiy.
31Teerax a xota a Abram fee o ƥeem fa Lot fee o ndaan um fa Saarayi fee o seemir um refna o tew Abram. Den fop a inoora Uur fee no Kaakalde we, ndax da ndet no saax laa Kanaan. A mbadiida Xaraan, soo a ngenaa maaga. 32Teerax a ñoowa xa kiid teemeed ƭik fo xa kiid xa ƥetaq, soo a xonit Xaraan.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal