Saŋ 21
21
Na peepeer ale Tiberiya
1Cinj kaaga, Yeesu a dakooxa o feeñoox daalbe we na peepeer alaa no Maag olaa Tiberiya. Neeke a feeñoorit’u a den: 2Simoŋ Piyeer fa Tomaa fee na xoyeel Didiim fa Natana’el fee genna Kana no jegel olaa Galile fo xa ƥiy axe Sebede fo daalbe Yeesu ɗik lakas yoon’u. 3Simoŋ Piyeer a laya a den ee:
«Mexe faalkaa de.»
A layaan ee:
«In oo de, xan i yoon fa wo.»
Naaga, a sutooxa, a ndok no suk, ndaa no yeng olaa, ndamee dara.#Lik 5:5 4Yaa a kid a nqoolaa, Yeesu a gara boo na tambando faa, ndaa daalbe we andid’iran. 5Yeesu a laya a den ee:
«Xa koor, kaa nu njegee kaa nu ñaamna?»
A ndoona yee:
«Ha’aa.»
6A laya a den ee:
«Ndeɓyo mbaal ne na ñamaak, too xan nu ndam.»
A ndeɓa maaga mbaal ne, boo o qicin sax a ɓoowoogata a den, yaam ta may fo liƥ.#Lik 5:6 7Maaga, o taalbe xe Yeesu a fex’ina a laya a Piyeer ee:
«O Yaal oxe yoo!»
Yaa Simoŋ Piyeer a nanna yee o Yaal oxe yoo, too a yoq’u cer ƥor, a dalfooxa o rokoox ndoki um, a humnoox, soo a jimboox kam foofi laa. 8Daalbe lakas we a ngarta suk ne, a qicaa mbaal ne naagna muut fo liƥ. Ngoƭ’ee dara, yaam ngap meetar teemeed rek ndeeƭu a ndeer den fa tambando fee. 9Yaa da sutooxna, a nga’a na ƥeeraamb ale fiɗel fa ngeƥande, liƥ a ndoonel took fee. A soƥa maaga itam mbuuru. 10Yeesu a laya a den ee:
«Ƥisiidyo liƥ ke nu sogaa o ndam.»
11Simoŋ Piyeer a roka no suk naa, a qic mbaal ne dam’ina liƥ teemeed fo liƥ qarɓeen ƥetik fo liƥ tadik maak. Ke liƥ ke a may’ina may fop oo, mbaal ne gef’ee. 12Yeesu a laya a den ee:
«Ngaryo ñaam.»
Kaa koy, o leng no daalbe we saɗ’iran o laamit ee: «Wo an oo?» yaam a and’a yee o Yaal oxe yoo. 13Yeesu a matiida, a jang mbuuru ne fo liƥ ke, a cooxin a den.
14Keene reeƭu jaf dadkandeer le Yeesu a feeñooxna daalbe um, naa ta xontooxu a ndeer no xon we.
Yeesu fa Piyeer
15Yaa da ñaktooxna boo a ƈut, Yeesu a laamta a Simoŋ Piyeer ee:
«Simoŋ, o ƥiy Saŋ#21:15 Saŋ ɗeeti 1:42 fo na tekit ale ten, ndax o mbeq of fa mi hupu o mbeq no weeke fa mi?»
A doonaan ee:
«Iyo moos, o Yaal oxe, andaa yee fexaaxoong.»
Yeesu a layaan ee:
«Topatooxi fo mbaal es.»
16A dakooxaan o lay ee:
«Simoŋ, o ƥiy Yoona, ndax fexaxamo?»
Piyeer a doonaan ee:
«Iyo moos, o Yaal oxe, andaa yee fexaaxoong.»
Yeesu a layaan ee:
«Gayi paal es.»
17A dakooxa o laamit jaf dadkandeer ee:
«Simoŋ, o ƥiy Yoona, ndax fexaxamo?»
Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee:
«O Yaal oxe, dara kunpa’irang. Andaa xil ee fexaaxoong.»
Yeesu a layaan ee:
«Topatooxi paal es. 18No ndigil, no ndigil, mexe layang ee: Ye o refaa no ndeƥandoong, kaa o xiisnanoogu a xoox of o kurcala of, retaa maa feloonga. Kaa koy, boo nogoyoona, kaa o bugko letnaa xa ƥay of, o lakas a xiisnanong o ten, a ɓisang maa bugeeroona.»
19Kaa lay’u keene ndax ta lalit ne Piyeer a xonitkoogna, ndax Roog a ɓoxotel o ndam. Cinj a ƭelem akaaga, a layaan ee:
«Reefaam!»
Yeesu fo o taalbe lakas oxe
20Yaa Piyeer a reefanaa a Yeesu, a wiƈaqilooxa, a ga o taalbe xe Yeesu a fex’ina a reefanaa a den. Oxeene reeƭu oxe moof’ina paam Yeesu na cu’ax a palakaand alaa, too a laamit’un ee: «O Yaal oxe, an na ɓoxotkang?»#13:25 21Yaa Piyeer a ga’uuna, a laya a Yeesu yee:
«O Yaal oxe, oxaana koy, nam a mujitkaa?»
22Yeesu a layaan ee:
«Um bugangaa ta ñoowaa boo yaa um garkaa, xar warong teen? Wo kañ, reefaam rek!»
23Naaga, gimu we fop a nana ta layteel ee o taalbe xeene xonkee muk. Kaa koy, Yeesu lay’ee a Piyeer ee o taalbe xeene xonkee. Kaa lay’un soom ee: «Um bugangaa ta ñoowaa boo yaa um garkaa, xar warong teen?»
24O taalbe xeene o mat seede’u keene, soo a bindin. I anda itam ee seede um a saƭka. 25Yeesu a fi’a lakas mayu. A soƥ’angaa yee aluu refna teen a bind’e, foogaam ee a safe ke nqeƈkoogee na adna fee.
Селектирано:
Saŋ 21: SRR23
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal
Saŋ 21
21
Na peepeer ale Tiberiya
1Cinj kaaga, Yeesu a dakooxa o feeñoox daalbe we na peepeer alaa no Maag olaa Tiberiya. Neeke a feeñoorit’u a den: 2Simoŋ Piyeer fa Tomaa fee na xoyeel Didiim fa Natana’el fee genna Kana no jegel olaa Galile fo xa ƥiy axe Sebede fo daalbe Yeesu ɗik lakas yoon’u. 3Simoŋ Piyeer a laya a den ee:
«Mexe faalkaa de.»
A layaan ee:
«In oo de, xan i yoon fa wo.»
Naaga, a sutooxa, a ndok no suk, ndaa no yeng olaa, ndamee dara.#Lik 5:5 4Yaa a kid a nqoolaa, Yeesu a gara boo na tambando faa, ndaa daalbe we andid’iran. 5Yeesu a laya a den ee:
«Xa koor, kaa nu njegee kaa nu ñaamna?»
A ndoona yee:
«Ha’aa.»
6A laya a den ee:
«Ndeɓyo mbaal ne na ñamaak, too xan nu ndam.»
A ndeɓa maaga mbaal ne, boo o qicin sax a ɓoowoogata a den, yaam ta may fo liƥ.#Lik 5:6 7Maaga, o taalbe xe Yeesu a fex’ina a laya a Piyeer ee:
«O Yaal oxe yoo!»
Yaa Simoŋ Piyeer a nanna yee o Yaal oxe yoo, too a yoq’u cer ƥor, a dalfooxa o rokoox ndoki um, a humnoox, soo a jimboox kam foofi laa. 8Daalbe lakas we a ngarta suk ne, a qicaa mbaal ne naagna muut fo liƥ. Ngoƭ’ee dara, yaam ngap meetar teemeed rek ndeeƭu a ndeer den fa tambando fee. 9Yaa da sutooxna, a nga’a na ƥeeraamb ale fiɗel fa ngeƥande, liƥ a ndoonel took fee. A soƥa maaga itam mbuuru. 10Yeesu a laya a den ee:
«Ƥisiidyo liƥ ke nu sogaa o ndam.»
11Simoŋ Piyeer a roka no suk naa, a qic mbaal ne dam’ina liƥ teemeed fo liƥ qarɓeen ƥetik fo liƥ tadik maak. Ke liƥ ke a may’ina may fop oo, mbaal ne gef’ee. 12Yeesu a laya a den ee:
«Ngaryo ñaam.»
Kaa koy, o leng no daalbe we saɗ’iran o laamit ee: «Wo an oo?» yaam a and’a yee o Yaal oxe yoo. 13Yeesu a matiida, a jang mbuuru ne fo liƥ ke, a cooxin a den.
14Keene reeƭu jaf dadkandeer le Yeesu a feeñooxna daalbe um, naa ta xontooxu a ndeer no xon we.
Yeesu fa Piyeer
15Yaa da ñaktooxna boo a ƈut, Yeesu a laamta a Simoŋ Piyeer ee:
«Simoŋ, o ƥiy Saŋ#21:15 Saŋ ɗeeti 1:42 fo na tekit ale ten, ndax o mbeq of fa mi hupu o mbeq no weeke fa mi?»
A doonaan ee:
«Iyo moos, o Yaal oxe, andaa yee fexaaxoong.»
Yeesu a layaan ee:
«Topatooxi fo mbaal es.»
16A dakooxaan o lay ee:
«Simoŋ, o ƥiy Yoona, ndax fexaxamo?»
Piyeer a doonaan ee:
«Iyo moos, o Yaal oxe, andaa yee fexaaxoong.»
Yeesu a layaan ee:
«Gayi paal es.»
17A dakooxa o laamit jaf dadkandeer ee:
«Simoŋ, o ƥiy Yoona, ndax fexaxamo?»
Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee:
«O Yaal oxe, dara kunpa’irang. Andaa xil ee fexaaxoong.»
Yeesu a layaan ee:
«Topatooxi paal es. 18No ndigil, no ndigil, mexe layang ee: Ye o refaa no ndeƥandoong, kaa o xiisnanoogu a xoox of o kurcala of, retaa maa feloonga. Kaa koy, boo nogoyoona, kaa o bugko letnaa xa ƥay of, o lakas a xiisnanong o ten, a ɓisang maa bugeeroona.»
19Kaa lay’u keene ndax ta lalit ne Piyeer a xonitkoogna, ndax Roog a ɓoxotel o ndam. Cinj a ƭelem akaaga, a layaan ee:
«Reefaam!»
Yeesu fo o taalbe lakas oxe
20Yaa Piyeer a reefanaa a Yeesu, a wiƈaqilooxa, a ga o taalbe xe Yeesu a fex’ina a reefanaa a den. Oxeene reeƭu oxe moof’ina paam Yeesu na cu’ax a palakaand alaa, too a laamit’un ee: «O Yaal oxe, an na ɓoxotkang?»#13:25 21Yaa Piyeer a ga’uuna, a laya a Yeesu yee:
«O Yaal oxe, oxaana koy, nam a mujitkaa?»
22Yeesu a layaan ee:
«Um bugangaa ta ñoowaa boo yaa um garkaa, xar warong teen? Wo kañ, reefaam rek!»
23Naaga, gimu we fop a nana ta layteel ee o taalbe xeene xonkee muk. Kaa koy, Yeesu lay’ee a Piyeer ee o taalbe xeene xonkee. Kaa lay’un soom ee: «Um bugangaa ta ñoowaa boo yaa um garkaa, xar warong teen?»
24O taalbe xeene o mat seede’u keene, soo a bindin. I anda itam ee seede um a saƭka. 25Yeesu a fi’a lakas mayu. A soƥ’angaa yee aluu refna teen a bind’e, foogaam ee a safe ke nqeƈkoogee na adna fee.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Copyright © 2015-2023 by Eglise luthérienne du Sénégal