Luka 1
1
Luka i galyiw
1Ñimko a ha ha lyilyedama, se ná kagua nüna na galyiw ĝipüñejoñe dada. 2Sünda he ñu ná dju nudzoĝ iñiyo hohusedama se naje, seyo, Tawgyew i shi-ñu truñe kahisedaw se naje, se ñu ná ütrüyomdo ñí trukuida. 3Sünambo, no je ütrüyomdo, he na he í, usupa yo hoksüñe kalyisedaw no, süvzüw Tiyofilus bábo, he na he í magabolyiw ĝi vyeimeje ujoñe vyeda. 4Hado cheholye, bá ha trudrülyedama, se ná umsowgo ba danghuweñe no vyedame.
Dzakariya ñe Elizabet
5Nugo Herod i Yuda ñetrü go ñetrü nugo dañe shüi ñeto ge ana lyikülye: Abiya sama go Dzakariya cheñe mügaw a du. Üfum ye, Arõ üsam namko yo a, iñiñi ye Elizabet. 6Sünda se naksü Tawgyew uvro ge chiñifoñe ichi shotuko ná je da shüw. Ǘĝü dadrülyedaw ná je madatruw-makitruw da shüw. 7Sünda Elizabet i ügübzümdá naksü agü je ñiwbi. Sünda se naksü kewje keahubi.
Sorgomuko i yo Yohan í sakülyew ñihowtrü
8Dzakariyas i í ñeŝü ná daĝañ kuwñe, Tawgyew uvro ge, i ñegru ge müga chew daw. 9Sündada mügaw ná daw basha yo dañe kako dzulaw ge iñiñi kakülye, Tawgyew í küĝüw ñegru ge jiñe shobrovzü foweñe. 10Sündada shobovzü fomkoi sese vyew na nopsü ge kahuañe küĝütsü. 11Sese Tawgyew ichi sorgomuko a ye shobrovzü fodaw südzüvyepsüĝ vyego gudzukülyedaw ye, í hohu. 12Sünda Dzakariya í hoglye lamosha, sünda í ĝew vyehua. 13Seŝo ye sorgomuko i í che, “Dzakariya, djuĝejodawe hado chemeje bá kiĝidaw ye dzühujemme sündada bafum Elizabet yo babó saw a sakülyejome, sünda ba se iñiñi ye Yohon ñe ñijodawe. 14Sünda bá ŝüpyo lüshüñe, lüshümfoajome seyo ŝüpyo nüna na agü sadabi cheñe lüshüjome.” 15Hado chemeje i Tawgyew üvro ge sawlyiw chiñifojome; seyo tsü keje matujome; seyo iyañ ulhu ge duluge yo ĝulo güdraw yo güdraavojobi 16Seyo Israyel yo naje kagua na Tawgyew ichi ge kakultrujome. 17I Iliya í ĝulo seyo küña dafidama dañe üvro üvro kutrojome hado chemeje awu na nadrü nalu ye agü nachi ge tchodügyejo; seyo zew chew madzüw na Tawgyewchi ge zedrüñe lakujo sünda Tawgyew ibó dafimsofiw dashütrüvojo. 18Jakariya i sorgomuko í dzü, hei no künda danghujowa; hado chemeje nobó mukroadabi seyo nofum boje mukromyadabi. 19Sorgomuko i í trutcho, “No Gebriyalwa, Tawgyew idra ĝyosaw ye wa; sündada nó badra chitruweñe seyo bá he ñu ye truweñe kiadaw yewa. 20Seyo hojo dawe, he ñu ye umsow makalu kuw ba mulyo ĝyojome, sünda mazefijomme, hado chemeje ba nó ñu ye, i ke damdrüñe dafiajoma, sei umsow mavye.” 21Nüna na Jakeriya í ĝyokrütsü, sünda mavyenghuahuw lyatsü, hado cheme ñegru ge aña künda uwalajemañe? Vyeñe 22Sünda i ñopsü kahuadabi abó ñu mazefibi, sündawñe na danghuladabi i ñegru ulunge hama ñita homadadañe, sünda i sei vyeĝelalye seyo mulyo lyadabiñe. 23Sünda i sehu datunofiahuñe i í ñe ge katcho. 24Sehu yo ifum Ilishiba somafobi, sünda hubye fom kuw i nudzoĝ ana cheñe müŝüñe vye. 25“Nüna nafo ge nó bümazeamedañe nobó Tawgyew i he ñeto ye ana daidawa.”
Sorgomuko i mariyam itrü a jiku
26Hubye ĝe sa a Tawgyewchi go sorgomuko Gebriyal i Galil go Nazrat ñetrü ge 27Mimsa nano makaw a ichi ge kiku. Djú joseb cheñe Dawud í ñeŝü go Muhusa a idra ĝulo daida, se nano makaw mimsa iñiñi ye Mariya wa 28Sünda Sorgomuko i ichi ge ñelunge jimyoñe che, ba hu je adjüdjüw no je aĝimiw lüshütukoaiwe, Djú Tawgyew í nülvow tukoaidama! Tawgyew i badraŝome. 29I se ñu yo ŝüpyo ĝelamoag, sünda vyemche, hei küna a djüjemma? 30Sorgomuko i í che, Mariyamya; djuĝejoda, hado cheme Tawgyew í nülvo bá tukoaidawa 31sünda hojodawe, ba somafojome, sünda ba saw a sakülyejome, ba iñiñi ye Jisu ñe ñijodawe. 32I ŝüĝlyiĝjome; seyo bá Soĝgro-yaloñe chejome; sünda Tawgyew i í awu Dawud i psüĝa ye í djüjome 33Sünda i Yakub í ñeŝü ge shüwa nugo da shükejome; sünda í da shükyew ye keje mamütrajome. 34Mariyam i Sorgomuko í che, “Hei künda lyijowa? Nobó muhuje madanghulubi.” 35Sorgomuko i í trutcho “ĝulo güdraw ye baso ge kamyojome, seyo Toĝgro yama í Ĝagra ye badru ge duñgudrujome; Hado chemeje í ĝulo güdraw yo sakülyalaibi, Í Tawgyew üsaw chejome. 36Sünda hojo dawe, bá ñeŝüĝ go Ilishiba i je mukromyadabi a saw sakülyemkoiba, hei ichimsoba í na Ügübzüm chebabi, i so mafow hubye ĝe kudaba. 37Tawgyew ichi ge ha je madafiwjo che ñiwme.” 38Mariyam i che, “Howe, no Tawgyew i chiĝadambabi, bachi ñu trudo trüduyo dubroñe nodra ana lyimeje.” Sese sorgomuko ye itrü yo katrükralye.
Elizabet ichi ge Mariyam i jiw
39Sündaw se ñeto Mariyam i kutcho yo gudzuñe pufo go Yahudi na ñetrü a ge ji. 40Sünda Jakariya iñe ge jiñe Ilishiba í gagañe da. 41Ilishiba i Mariyam ichi gaga chewye dzühuhuwñe, seŝügudoye ulhu go agü yeje gog, sünda Ilishiba i ĝulo güdraw yo tukoa. 42Sünda i gow yo ŝogzuñe che, ba mim naĝi yo süvzüfowmme, seyo balhu go sheje ye ŝüvzüw me. 43Sünda noje hango yo nülvojema, no Tawgyew üyañ ye notrüĝañ a jikuda. 44Sünda holabya bachi gaga chew ye nofu ge dzühubyo dzühuĝyowñe seŝügudo ye nolhu go agü yeje lüshülye gogje. 45Sündada seiye ŝüvzüwmme, se í djuyo umsow vyeñe Tawgyew ichi go, ha ñu ye idra chedama, sei damsojebi.
Mariyam i Tawgyew í troi.
46Sese Mariya i che, “Nodrü-nolu yo Tawgyew i troime. 47Sünda noĝulo ye, nó gudraw choakejo Tawgyew yo lüshü damme. 48Hado chemeje i í chiĝadam idru ge nülvo hoida, sündada holabya, ayo dalalye shüwa shüw pumnüshüĝi kuw nüna na nó ŝüvzübram chejome. 49Hado chemeje se bolugobraw i nobo chiĝa dew dew daida, sündada iñiñ ye güdraw me. 50Sünda i nülvo ye se nadra jome, dju í ĝeima, saltso saltsow daw kuw sünañgudrujome. 51I í bolugow ye sheiwa, seyo dju nudzo drü-lu ge dafowŝoñe daima sena daame-kiame vye. 52I shotuko dümbraw na psüĝa go dügaaha; Sünda ñetow i udruda vye. 53Luhuŝümgraado na gañ uwyo da djü, seyo dzomo-külyimodaw na ügzü ufobüla lyadügye. 54I í nüdzoĝ, chiĝa daihuw Israyal na ĝaksüla, hado chemeje se nülvo ye büvyesüdañe. 55Shüwa Abraham ñe i saltsoahuw nadra shüwa duñgudrujo, I küna ñi bupye-ñipye nadra chedama süna.” 56Mariyam i hubye dzü kuw idra ĝyoselyeñe, i ñe ge katcho.
Yohan Baptisma djüw i sawfo
57Sese Ilizabet i samdrü kudabi, sünda i saw sakülye. 58I ĝafopsüĝ-ĝampsüĝ seyo i ñeŝüĝ-ñepeĝ na sei dzühulye, Tawgyew i ídru ge ŝüpyo nülvo dadañe, idra ye lüshütuno. 59Sündalye ana a dadawa ñegi ŝügzü kuwñe se agü í fyuw ñeto kudabi sünda i ñiñi ye ichi awu Jakeriya í iñiñ ye ñiweñeda. 60Sünda iyañ i che, mowwe; i ñiñi ye Yohon ñe ñijo dawe. 61Sünda na í che, bá ñeŝüĝ ge ana üñiñi djuchije ñiwa. 62Sese i ichi awu i damcheñe dzü, ba iñiñi í ha ñiĝoñda? 63Sündawñe i ĝijo kako prülañe ĝiag, iñiñi ye Yohon me, sündawñe vyew na mavyenghuatsüg. 64Sündawñe ichi umdzu ñe zebüla naksü seŝügudo ye zefikülye; Sünda i ñu zehuahuw ye Tawgyew i trokülye. 65Sündawñe iñisa ye ĝyodo na vyew ĝemoatsü; sünda se ñu ye vyew se Yuhudi nachi ñetrü üñisa üñisa naje ŝüĝeatsü. 66Sünda vyew dzühudo na nudzoĝ nudzoĝ drü-lu ge vyelatsü che, “He agü ye künajojeŝoma?” Hado chemeje Tawgyew i ügzü ye idra dubi.
Dzakeriya i ñihow
67Sünda iyaw Jakeriya i ĝulo güdraw yo tukoa, sünda ñihokülye. 68Israyel go Tagwgyew í ŝüvzü we. 69Seyo i kulow Dawud i ñe ge ñibo muchoaijo hosüw üŝüvzü a lahuaida. 70Sünambo i bzüga yomdo ñihow truw bupye-ñipye nayo, dju ñedzü üña no üña gomdo dulyisema, senayo trulyeida. 71Chemeje ñi vyeñiw-vyeĝaw nayo, seyo ñi homsüsew nagzü yo ñi muchoaida; 72Sei ye ñi bupye ñipye na nülvo dañe nudzoĝ güdraw ñu i vyesüweñe, 73Seyo se trasĝa sei, se í i ñi awu Abraham yo todoye 74I ñi hei djüjo, sei ye ñí vyeñido nayo kahajoñe, 75Ivro ge chiñiw seyo güdraw ĝabo kaw ge shüdzowkuw maĝew ichi chiĝa dañgudruweñe. 76Seyo ba ye muhusa agüsa, Toĝgro-yama i ñihobraw chejome, hado cheme ba Tawgyew ichi ĝabo dashütrüvojoñe uvro uvro kutrojome, 77sei ichi nüna na budzu djüweñe, dju, ná lalo yo güdraw pawma. 78Hei ñi Tawgyew í se dew dado yo lyijome, seiyo ñidru ge udrugo yo müsaw a dzüto-rünokülyejo. 79Sei ye nukuĝuw seyo dzüjo ĝabo ge ĝyodo na müsaw djü, seyo ñishi í lüshüw ĝabo gudow lakutrokewe. 80Seyo se muhusa angasa ye Yohon, shülyifi shülyi seyo gokülyefi gokülye seyo Israyel ge kakujo ñeto kuw i bye ge ĝyo.
Селектирано:
Luka 1: HBe
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Luka 1
1
Luka i galyiw
1Ñimko a ha ha lyilyedama, se ná kagua nüna na galyiw ĝipüñejoñe dada. 2Sünda he ñu ná dju nudzoĝ iñiyo hohusedama se naje, seyo, Tawgyew i shi-ñu truñe kahisedaw se naje, se ñu ná ütrüyomdo ñí trukuida. 3Sünambo, no je ütrüyomdo, he na he í, usupa yo hoksüñe kalyisedaw no, süvzüw Tiyofilus bábo, he na he í magabolyiw ĝi vyeimeje ujoñe vyeda. 4Hado cheholye, bá ha trudrülyedama, se ná umsowgo ba danghuweñe no vyedame.
Dzakariya ñe Elizabet
5Nugo Herod i Yuda ñetrü go ñetrü nugo dañe shüi ñeto ge ana lyikülye: Abiya sama go Dzakariya cheñe mügaw a du. Üfum ye, Arõ üsam namko yo a, iñiñi ye Elizabet. 6Sünda se naksü Tawgyew uvro ge chiñifoñe ichi shotuko ná je da shüw. Ǘĝü dadrülyedaw ná je madatruw-makitruw da shüw. 7Sünda Elizabet i ügübzümdá naksü agü je ñiwbi. Sünda se naksü kewje keahubi.
Sorgomuko i yo Yohan í sakülyew ñihowtrü
8Dzakariyas i í ñeŝü ná daĝañ kuwñe, Tawgyew uvro ge, i ñegru ge müga chew daw. 9Sündada mügaw ná daw basha yo dañe kako dzulaw ge iñiñi kakülye, Tawgyew í küĝüw ñegru ge jiñe shobrovzü foweñe. 10Sündada shobovzü fomkoi sese vyew na nopsü ge kahuañe küĝütsü. 11Sese Tawgyew ichi sorgomuko a ye shobrovzü fodaw südzüvyepsüĝ vyego gudzukülyedaw ye, í hohu. 12Sünda Dzakariya í hoglye lamosha, sünda í ĝew vyehua. 13Seŝo ye sorgomuko i í che, “Dzakariya, djuĝejodawe hado chemeje bá kiĝidaw ye dzühujemme sündada bafum Elizabet yo babó saw a sakülyejome, sünda ba se iñiñi ye Yohon ñe ñijodawe. 14Sünda bá ŝüpyo lüshüñe, lüshümfoajome seyo ŝüpyo nüna na agü sadabi cheñe lüshüjome.” 15Hado chemeje i Tawgyew üvro ge sawlyiw chiñifojome; seyo tsü keje matujome; seyo iyañ ulhu ge duluge yo ĝulo güdraw yo güdraavojobi 16Seyo Israyel yo naje kagua na Tawgyew ichi ge kakultrujome. 17I Iliya í ĝulo seyo küña dafidama dañe üvro üvro kutrojome hado chemeje awu na nadrü nalu ye agü nachi ge tchodügyejo; seyo zew chew madzüw na Tawgyewchi ge zedrüñe lakujo sünda Tawgyew ibó dafimsofiw dashütrüvojo. 18Jakariya i sorgomuko í dzü, hei no künda danghujowa; hado chemeje nobó mukroadabi seyo nofum boje mukromyadabi. 19Sorgomuko i í trutcho, “No Gebriyalwa, Tawgyew idra ĝyosaw ye wa; sündada nó badra chitruweñe seyo bá he ñu ye truweñe kiadaw yewa. 20Seyo hojo dawe, he ñu ye umsow makalu kuw ba mulyo ĝyojome, sünda mazefijomme, hado chemeje ba nó ñu ye, i ke damdrüñe dafiajoma, sei umsow mavye.” 21Nüna na Jakeriya í ĝyokrütsü, sünda mavyenghuahuw lyatsü, hado cheme ñegru ge aña künda uwalajemañe? Vyeñe 22Sünda i ñopsü kahuadabi abó ñu mazefibi, sündawñe na danghuladabi i ñegru ulunge hama ñita homadadañe, sünda i sei vyeĝelalye seyo mulyo lyadabiñe. 23Sünda i sehu datunofiahuñe i í ñe ge katcho. 24Sehu yo ifum Ilishiba somafobi, sünda hubye fom kuw i nudzoĝ ana cheñe müŝüñe vye. 25“Nüna nafo ge nó bümazeamedañe nobó Tawgyew i he ñeto ye ana daidawa.”
Sorgomuko i mariyam itrü a jiku
26Hubye ĝe sa a Tawgyewchi go sorgomuko Gebriyal i Galil go Nazrat ñetrü ge 27Mimsa nano makaw a ichi ge kiku. Djú joseb cheñe Dawud í ñeŝü go Muhusa a idra ĝulo daida, se nano makaw mimsa iñiñi ye Mariya wa 28Sünda Sorgomuko i ichi ge ñelunge jimyoñe che, ba hu je adjüdjüw no je aĝimiw lüshütukoaiwe, Djú Tawgyew í nülvow tukoaidama! Tawgyew i badraŝome. 29I se ñu yo ŝüpyo ĝelamoag, sünda vyemche, hei küna a djüjemma? 30Sorgomuko i í che, Mariyamya; djuĝejoda, hado cheme Tawgyew í nülvo bá tukoaidawa 31sünda hojodawe, ba somafojome, sünda ba saw a sakülyejome, ba iñiñi ye Jisu ñe ñijodawe. 32I ŝüĝlyiĝjome; seyo bá Soĝgro-yaloñe chejome; sünda Tawgyew i í awu Dawud i psüĝa ye í djüjome 33Sünda i Yakub í ñeŝü ge shüwa nugo da shükejome; sünda í da shükyew ye keje mamütrajome. 34Mariyam i Sorgomuko í che, “Hei künda lyijowa? Nobó muhuje madanghulubi.” 35Sorgomuko i í trutcho “ĝulo güdraw ye baso ge kamyojome, seyo Toĝgro yama í Ĝagra ye badru ge duñgudrujome; Hado chemeje í ĝulo güdraw yo sakülyalaibi, Í Tawgyew üsaw chejome. 36Sünda hojo dawe, bá ñeŝüĝ go Ilishiba i je mukromyadabi a saw sakülyemkoiba, hei ichimsoba í na Ügübzüm chebabi, i so mafow hubye ĝe kudaba. 37Tawgyew ichi ge ha je madafiwjo che ñiwme.” 38Mariyam i che, “Howe, no Tawgyew i chiĝadambabi, bachi ñu trudo trüduyo dubroñe nodra ana lyimeje.” Sese sorgomuko ye itrü yo katrükralye.
Elizabet ichi ge Mariyam i jiw
39Sündaw se ñeto Mariyam i kutcho yo gudzuñe pufo go Yahudi na ñetrü a ge ji. 40Sünda Jakariya iñe ge jiñe Ilishiba í gagañe da. 41Ilishiba i Mariyam ichi gaga chewye dzühuhuwñe, seŝügudoye ulhu go agü yeje gog, sünda Ilishiba i ĝulo güdraw yo tukoa. 42Sünda i gow yo ŝogzuñe che, ba mim naĝi yo süvzüfowmme, seyo balhu go sheje ye ŝüvzüw me. 43Sünda noje hango yo nülvojema, no Tawgyew üyañ ye notrüĝañ a jikuda. 44Sünda holabya bachi gaga chew ye nofu ge dzühubyo dzühuĝyowñe seŝügudo ye nolhu go agü yeje lüshülye gogje. 45Sündada seiye ŝüvzüwmme, se í djuyo umsow vyeñe Tawgyew ichi go, ha ñu ye idra chedama, sei damsojebi.
Mariyam i Tawgyew í troi.
46Sese Mariya i che, “Nodrü-nolu yo Tawgyew i troime. 47Sünda noĝulo ye, nó gudraw choakejo Tawgyew yo lüshü damme. 48Hado chemeje i í chiĝadam idru ge nülvo hoida, sündada holabya, ayo dalalye shüwa shüw pumnüshüĝi kuw nüna na nó ŝüvzübram chejome. 49Hado chemeje se bolugobraw i nobo chiĝa dew dew daida, sündada iñiñ ye güdraw me. 50Sünda i nülvo ye se nadra jome, dju í ĝeima, saltso saltsow daw kuw sünañgudrujome. 51I í bolugow ye sheiwa, seyo dju nudzo drü-lu ge dafowŝoñe daima sena daame-kiame vye. 52I shotuko dümbraw na psüĝa go dügaaha; Sünda ñetow i udruda vye. 53Luhuŝümgraado na gañ uwyo da djü, seyo dzomo-külyimodaw na ügzü ufobüla lyadügye. 54I í nüdzoĝ, chiĝa daihuw Israyal na ĝaksüla, hado chemeje se nülvo ye büvyesüdañe. 55Shüwa Abraham ñe i saltsoahuw nadra shüwa duñgudrujo, I küna ñi bupye-ñipye nadra chedama süna.” 56Mariyam i hubye dzü kuw idra ĝyoselyeñe, i ñe ge katcho.
Yohan Baptisma djüw i sawfo
57Sese Ilizabet i samdrü kudabi, sünda i saw sakülye. 58I ĝafopsüĝ-ĝampsüĝ seyo i ñeŝüĝ-ñepeĝ na sei dzühulye, Tawgyew i ídru ge ŝüpyo nülvo dadañe, idra ye lüshütuno. 59Sündalye ana a dadawa ñegi ŝügzü kuwñe se agü í fyuw ñeto kudabi sünda i ñiñi ye ichi awu Jakeriya í iñiñ ye ñiweñeda. 60Sünda iyañ i che, mowwe; i ñiñi ye Yohon ñe ñijo dawe. 61Sünda na í che, bá ñeŝüĝ ge ana üñiñi djuchije ñiwa. 62Sese i ichi awu i damcheñe dzü, ba iñiñi í ha ñiĝoñda? 63Sündawñe i ĝijo kako prülañe ĝiag, iñiñi ye Yohon me, sündawñe vyew na mavyenghuatsüg. 64Sündawñe ichi umdzu ñe zebüla naksü seŝügudo ye zefikülye; Sünda i ñu zehuahuw ye Tawgyew i trokülye. 65Sündawñe iñisa ye ĝyodo na vyew ĝemoatsü; sünda se ñu ye vyew se Yuhudi nachi ñetrü üñisa üñisa naje ŝüĝeatsü. 66Sünda vyew dzühudo na nudzoĝ nudzoĝ drü-lu ge vyelatsü che, “He agü ye künajojeŝoma?” Hado chemeje Tawgyew i ügzü ye idra dubi.
Dzakeriya i ñihow
67Sünda iyaw Jakeriya i ĝulo güdraw yo tukoa, sünda ñihokülye. 68Israyel go Tagwgyew í ŝüvzü we. 69Seyo i kulow Dawud i ñe ge ñibo muchoaijo hosüw üŝüvzü a lahuaida. 70Sünambo i bzüga yomdo ñihow truw bupye-ñipye nayo, dju ñedzü üña no üña gomdo dulyisema, senayo trulyeida. 71Chemeje ñi vyeñiw-vyeĝaw nayo, seyo ñi homsüsew nagzü yo ñi muchoaida; 72Sei ye ñi bupye ñipye na nülvo dañe nudzoĝ güdraw ñu i vyesüweñe, 73Seyo se trasĝa sei, se í i ñi awu Abraham yo todoye 74I ñi hei djüjo, sei ye ñí vyeñido nayo kahajoñe, 75Ivro ge chiñiw seyo güdraw ĝabo kaw ge shüdzowkuw maĝew ichi chiĝa dañgudruweñe. 76Seyo ba ye muhusa agüsa, Toĝgro-yama i ñihobraw chejome, hado cheme ba Tawgyew ichi ĝabo dashütrüvojoñe uvro uvro kutrojome, 77sei ichi nüna na budzu djüweñe, dju, ná lalo yo güdraw pawma. 78Hei ñi Tawgyew í se dew dado yo lyijome, seiyo ñidru ge udrugo yo müsaw a dzüto-rünokülyejo. 79Sei ye nukuĝuw seyo dzüjo ĝabo ge ĝyodo na müsaw djü, seyo ñishi í lüshüw ĝabo gudow lakutrokewe. 80Seyo se muhusa angasa ye Yohon, shülyifi shülyi seyo gokülyefi gokülye seyo Israyel ge kakujo ñeto kuw i bye ge ĝyo.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се