मती 3
3
बतिसमा एमी जोहन
(मरकुस 1:1–8; लुका 3:1–18; जोहन 1:6–8,15–34)
1होना बेरा बतिसमा एमी जोहन जहुदिया रआ टोंगरी रे वेज्नय हेनते नोंका परचार यते दोहोनय, 2#मती 4:17; मर 1:15पाप एतेन “मन रुवाड़ेपे, चितानतआचि सिरमा रआ राइज ठँव रे वेज्कना!” 3#जसा 40:3नुई हेनेनी हके नुई रआ बारे परमेसर पड़ा एतेन दुखमाय अवला जसायाह पड़ा एतेन कथा तड्अय,
“टोंगरी रे मियड् ह-हकावी रआ घोल अयुमोना,
‘परभु तआ होरा तेयारेपे जोटोः,
हुँनि तआ संडक सोजेपे!’”
4 #
2 राजा 1:8
जोहन ऊँट उब् रआ गेन्दराः होड़हड् घती कोते मयाँङ रे छेवड़ा रआ कसनार तोल बराग यते दोहोनय, हुँनि सरहा फफा हेनते होरोमसु रास जोम यते दोहोनय। 5होना बेरा जेरुसलेम जोटोः समुचा जहुदिया सहर रेनकु जरदन नाय अस पस रेनकु गोटे हुँनि ठँवरे सेन लेनाकु, 6हेनते हुँकू अपन-अपन पाप मनाव कोते जरदन नाय रे हुँनि एतेन बतिसमा अँगाव लआकु।
7 #
मती 12:34; 23:33 जब हुँनि अगम फरीसी जोटोः सदुकीकु अपन पड़ा बतिसमा एम अवला वेजोः ञेल केते हुँनि कथा लआ, “ओय बिञ रेनकु होपोन! परमेसर एतेन वेजोः अवला कयरावोः एतेन बंचावोः तआ आपे ओके चेताव तड्पेआ? 8आपे रआ काम ते नोंका ठुवायोना चि आपे पापे तआ मन रुवाड़ केदा 9#जोह 8:33जोटोः अपन-अपन मन रे अलोपे सोचावे चि अले रेनि बबा अबराहम हके, इञः आपेञ कथावायना चि परमेसर नोआँ दीरी एतेन अबराहम तआ होपोन सीरजव सकावेए! 10#मती 7:19अब टंगीज् काट रेहेड् ठँवरे मंडाव तड्आ ताकि, जे काट बढ़ियाँ का जोओ योओ होना मगेआ जोटोः होना सेंगेल रे रोंगोया। 11इञः दो आपे मन रुवाड़े तआ दाअ् ते बतिसमा ओवा यतपेअइञ; बकिन जे इञः तयोम वेजोः अवलाअय मनेकी हुँनि इञः एतेन हों सवाँगियाअय; इञः दो हुँनि रआ खड़पा अलगावे जुकुर हों कुनीञा। हुँनि आपे पबितर आतमा जोटोः सेंगेल ते बतिसमा ओवापेअय। 12हुँनि रआ अती रे हटाः इदानआँ, हेनेना ते हुँनि अपन खरियान रे ओसाव केते फरियावेए जोटोः गोहोम अनेज् रआ गरना रे जवारेए, बकिन लीपिज् ते होना सेंगेल रे जोड़ावेए जे कहियो का इड़ीजोओ, नोंका अनेज् रआ खरियान सफेअय।”
जोहन एतेन ईसु रआ बतिसमा
(मरकुस 1:9–11; लुका 3:21,22; जोहन 1:31–34)
13होना बेरा ईसु गलील देस रआ नासरत एतेन वेज् कोते जरदन नाय रे जोहन एतेन बतिसमा अँगाव तआ वेज्लेनय। 14बकिन जोहन कथालअय, “इञः दो अमः रआ अती एतेन बतिसमा अँगाव जरुरीआ,” “जोटोः अमः इञः एडे वेजोगोनम!” मेनकेते रोकावि तअय अरावना।
15ईसु हुँनि कथा रुवाड़ लअय, “अब ने-नेन लेका इकाएर होयाववामी, चितानतआचि अलङ तआ निआँ लेका गोटा धरमिकता पु-पुराव उचित इदानआँ।” तब जोहन ईसु रआ दुखमा मनाव यानय।
16जोटोः ईसु बतिसमा अँगाव केते दाअ् एतेन झटहेले उडुङनय, हेनेना बेरा सिरमा जीज्यना जोटोः हुँनि परमेसर रआ आतमा पेरवाँ लेका अनेज् तेङरे अड़गुयोः ञेल लअय 17#अँगन 22:2; सिरिञ 2:7; जसा 42:1; मती 12:18; 17:5; मर 1:11; लुका 9:35जोटोः सिरमा एतेन नोंका सबद अयुमलेना, “नुई इञः रेनि दुलार होपोन हके, नुई तुली इञः अगम खुस तनाइञ।”
Селектирано:
मती 3: BIX
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2023 NLCI CC BY-NC-ND 4.0