Salmos 20
20
1Dxenaba' Xránadxu xenne̱' chi'u lu zra zu' lu da ste̱be,
ne gucu'uj La Dios chee̱ Jacob lue'.
2Dxenaba' Le̱' naga zue̱' lataj lá'azxa chee̱' sel-le̱'
da gácale̱ na lue',
ne chee̱ xi'a Sión xide̱' guxre̱' lue'.
3Dxenaba' Le̱' cheajsá lazre̱' ca naca xúgute̱ guna' bzu' chee̱',
ne si' lu ne̱'e̱ béadu ca' dxuzezxu' lawe̱'.
4Dxenaba' Le̱' gunne̱' lue' ca naca da dxezá lazru',
ne gune̱' xúgute̱ da dxéquenu' xrlátaje.
5Béle̱'e̱ntu' gate guselé̱' lue',
na' chísantu' tu da gulé'e lawe na La Dios chee̱dxu.
Dxenaba' Xránadxu gunne̱' lue' xúgute̱ da dxenabu' lau Le̱'.
6Na'a nezda' dxuselá Xránadxu bénnea' ba gucá'aqueze̱'.
Naga zue̱' xabáa lá'azxa chee̱' xenne̱' chi'i bénnea'.
Xel-la' waca zrente̱ chee̱' guselé̱' bénnea'.
7Bal-la benne' dxuluxrén lazre̱' carro ca' chee̱ wedil-la,
na' xezícadxe̱' dxuluxrén lázre̱' bzrina' ca'.
Dxi'u dxuxrén lázredxu La Xránadxu Dios.
8Benne' ca' gulate ni'a ne̱'e̱, ne xeajlechazie̱'.
Dxi'u bexásadxu, na' ze̱dxu.
9Bselá netu', Xran, nacu' Wenná Bea chee̱ntu'.
Ben chi'intu' gate dxuláwizrantu' Lue'.
Селектирано:
Salmos 20: zat
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 1981, Wycliffe Bible Translators, Inc. All rights reserved.