Создавање 6:1-4
Создавање 6:1-4 Свето Писмо: Стандардна Библија 2006 (66 книги) (MK2006)
А кога луѓето почнаа да се множат на земјата, и ќерки им се народија, тогаш синовите Божји видоа дека ќерките човечки се убави и ги земаа, кои ги сакаа, за жени. И рече Господ: „Духот Мој нема вечно да ги одржува во живот луѓето, зашто тие се плот; деновите нивни нека им бидат сто и дваесет години.“ А во тоа време имаше џинови на земјата, особено кога синовите Божји почнаа да влегуваат при ќерките човечки и тие почнаа да им раѓаат; тоа се силните луѓе, прочуени од старото време.
Создавање 6:1-4 Библија: Стариот и Новиот Завет, Константинов (MKB)
Кога луѓето почнаа да се множат по земјата и им се народија ќерки, Божјите синови гледаа дека човечките ќерки се убави, па си ги земаа за жени, кои ќе ги избереа. Тогаш Господ рече: „Мојот Дух нема да остане довека во човекот; човекот е телесен, па векот нека му биде сто и дваесет години.“ Во оние времиња - а и подоцна - на земјата беа Нефили, кога Божјите синови општеа со човечките ќерки, па тие им ги раѓаа оние деца. Тоа се оние, од стари времиња, по сила прочуени луѓе.