YƐ KƲƲL THƖMƖƖR
Gɩrɛ kʋlɛnɩ ƴɩɛ sɩ thɩmɩa na‐n kpaan
1965 yɩɛrra caca Ʋlfɛ Phaa na ˈlobiire kɔɔ khere kɛ Burkina Faso. Sɩ gɩdonɩ gɩ kɔɔ mãa pɩr, gɛr gɩ dɩ sɩ yɩɛ dɩ gɩ bɔr dɩ sɩ bir a cʋʋ daphaa na ˈlobiireekɛ yɩranɩ casɩ. Lɛtɛrɛ bi phanaakɛ wɩ pɛrnɩ ga‐n khera nɛnɛ̃ paar fɛʋ, gɛr sɩ kherena Ʋlfɛ Phaakɛra.
\ip Caca fʋ paar sɛbɛ fɛʋraakɛ hanɩ Ʋlfɛ Phaara, thɩmɩa n hale caca fʋ paar a khere, kɛ n sɔ farnɩ paarɩkɛ sɛbɛ dɔɔ kɔɔ kherenɩ mamara, na bɔ dɔɔraakɛ gɩ kɔɔ kherenɩ, na ntɛɛkɛ kheranɩ. Gɩ‐n nɩna fɛr dakha mɔ̃ sɛbɛ dɔɔ vaar pa hanɩ.
Vɛrsɛsɔ hale tɩɛr ka sɛbɛ kherenɩ a khu, gɩ nɩnanɛ pa kpɩɩkɛ ga thɩmɩɩ caale ˈloronɩ.
Ʋlfɛ Phaara fɛʋ, thɩmɩɩ dɔɔkɛ na mɩanɩ fɩ‐n kɔɔ yɩ gɛr dɩ gɩ kɔɔ khere jɔrɔ̃ bɩɛl ɓo a so far thɩmɩɩ dɔɔkɛ na kpaanɛnɩ khiro. Fa yɩrɛ vɛrsɛsɔɔkɛ na cooronɩ, gɩ nɩnanɛ pa kpɩɩkɛ ga thɩmɩɩ caale kherenɩ.
* Jɩɩn hakɛ n hɔnɩ ƴepələ̃bire, gɛr n nɛ far thɩ̃ ire, agɩbo thɩmɩɩ kɩrʋ. Sɛbɛɛkɛɛ pɩpɩɩ pa fa yɩɛ.
† A fɩ yɩ jɩɩn thakɛ, kɩrʋ dʋɔn thɩ̃ ireele, agɩbo thɩmɩɩ kɩr dɔɔle hale tɩɛr pɩpɩɩ paar dapaalera fɩ hɩɩnnɩ.
[ ] A wɩ khere thɩ̃ɛ thakɛ a kpala thɩmɩɩ dɔɔra, gɩ nɩnanɛ dɩ thɩmɩɩ caalera na kɔɔ hale na gɩrɛkɩ thɩmɩɩr Ʋlfɛ Phaa sɛbɛra fɛʋaˈ.
