<div class="version vid1537 iso6393njn" data-vid="1537" data-iso6393="njn">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s">Nuan Phungbo Sodom gu Lunlung</div><div class="p"> 1Sibonai chawan maza kania siniu Sodom ga wangbo tingga Lot se namdigu rengmun-ga ntao bamniu-e. Paniu panaitu ngaogapboga suchap lujiu panaitu adaora padle. Panai suangga pah makhumkiu lujiu din-e, &#8220;Paohubodung yo, naliutu akhi-khaira I haiga bam-e. 2Chalungsajiu akyga wangkhailo. Naliu ngen n-khiu khailo, khatdi thaichun mathak khailo, Nsuannai nsuan buangsu majilujiu nanai tabin tadlanbo sui-e.&#8221;</div><div class="p">Chiudi panainiu paokakge, &#8220;Daolakge, anaira namdi pake khatga wang mathak khai mitane.&#8221;</div><div class="p"> 3Paniu panai khuga dinlan-lan bambo jengniu panaise pakyga suiwang khaide. Taruak khuaklu katiu-kasak kam mawikhaira Lot niu pavangmaitu chamtan pikhaide, sise kaden khaijiu panai tiukhai-e.</div><div class="p"> 4Sangmaidungse jimakhaga, Sodom maidung siniu pakyse taomagui mide. Sibo namdiga lungbammai kating-kana pakhiangna siga wangsude. 5#Lad 19.22-24.Paliuniu Lot tu kulujiu maniu-e, &#8220;Thaichun nakyga riukhaira wangbo maidungse dega bamlo? Panaitu aliu khuga pilo!&#8221; Sodom maidung siniu panaitu majang npui-npiu thiunibo jengniu-e.</div><div class="p"> 6Lot niu kamah-lam padlujiu paky akhamse khamten mide. 7Paniu paliu khuga din-e, &#8220;Akahmaidung yo, sikumbo kasabo ngam kamkhai makra Iniu naliu khuga khengbo-e! 8Phuilo, anahpui liuchangpui kania bam-e. Panai khuga naliuniu kamnibose kamlo. Chiudi hainapiu kania tura wa kamkhai tulo; palamra panai akyga agiangmai thiujiu bambo-e. Siniu panaitu Iniu gukhai rabo-e.&#8221;</div><div class="p"> 9Chiudi paliuniu din-e, &#8220;Nang sangmaipiu, aliutu khamtulo, tadmilo! Aliutu hai kamlo, hai kamtulo chiujiu katikhaira nang saolo? Aliu npui gasu tadmilo, chiumaksai paliu sung, natu kam masadiang rabo-e.&#8221; 10Siga kalunglam bambo khangnia siniu padlujiu Lot tu kalunglam jukhai lujiu akham mide. 11#2 Chaw 6.18.Sichiujiu lenlam bammai mathiu mikse kamtiat kam mide. Siniu paliu akhamse phiu silak mide.</div><div class="s">Lot Niu Sodom Tu Phutkhai Mibo</div><div class="p"> 12Maipiu khangnia siniu Lot khuga din-e. &#8220;Namdi lungga natah-nanahmai maksai nasingna kakimai bamsai paliutu haigasu majang npad milo, 13palamra anainiu namdi haitu kam maha mine. Haibo maidunggu haijiukha kasabo haitu Rapiu niu chiulujiu Sodom haitu kam maha mira anaitu langwangbo-e.&#8221;</div><div class="p"> 14Siga panahpuidungtu luraleng kambammai khuga Lot niu tadlujiu din-e. &#8220;Kalang sulo, haigasu tadpad milo; palamra haibo namdi haitu Rapiu niu kam maha mirabo-e.&#8221; Chiudi paliura pah charuangthiu bam-e chiujiu maning-e.</div><div class="p"> 15Nsuankhuan maza siniu Lot tu majadra din-e, &#8220;Kalang sulo, nanao nai nanahpui kania situ puilujiu tadsulo, sichiusai namdi haitu kam mahabo gasu naliugu karingtingse marilu bui-e.&#8221; 16#2 Pe 2.7.Lot hai palung mangebi-e. Chiudi Rapiu niu patu lungsa-e; sijengniu, khangnia siniu patu, panaotu khatdi panahpui kania situ paliu ben julujiu namdi lenlam jupad khaide. 17Sichiujiu maza khat siniu din-e, &#8220;Naliu ringlura paksulo! Sailam mariphui tulo khatdi ramjeng gase mathak tulo. Maluong lamse pakhai sulo, sichiusai naliu shailakge.&#8221;</div><div class="p"> 18Chiudi Lot niu paokakge, &#8220;Paohubo yo, aliutu sichiu khai tulo. 19Nangniu atu haijiukha lungsajiu agu ringting rankhai bide. Maluongse diusui bamkha-e. I siga pakwang tang makhaga chariu-magenthiubose wangjiu I shaimi rabo-e. 20Uibo nampoise nang ngaoma? Haise namide. Uiga I tadkhaimi tane, sise pabam siamjiu tadi I nbaikhai tane.&#8221;</div><div class="p"> 21Paniu paokakge, &#8220;Wide, sui-e. Iniu uibo nampoise kam maha lakge. 22Kalanglo! Paksulo! Nang siga mengtang makthen I wadi kamsi lakge.&#8221;</div><div class="p">Lot niu sise kasiambo kukhaibo jengniu nampoi situ Zoar#19.22: Zoar: chiubo rambara &#8220;kasiambo&#8221; nampoi chiubo-e. chiu kukhaide.</div><div class="s">Sodom Nai Gomorrah Tu Kam Maha Mibo</div><div class="p"> 23Lot niu Zoar mengtangboga naimik padmide. 24#Mt 10.15; 11.23,24; Lk 10.12; 17.29; 2 Pe 2.6.Simakdakjiu Rapiu niu Sodom nai Gomorrah namdi rigase taobambo chaganmipiu riukiu khaide, 25sichiujiu sibo ramjengga bambo mai hinatu khatdi siga bambo hinatu kam maha mide. 26#Lk 17.32.Lot nao siniu masailam mariphuibo jengniu matai-tiang mawi mide.</div><div class="p"> 27Pasaibo nai nsuanse Abraham niu Rapiu masuangga chapkhai mibo bamgase pakmengde. 28Sodom nai Gomorrah tu paniu phuikiuboga ramjeng pakhiangnase mikhutniu phuiting mide, sise n-mang kadibo khat gasu mikhut khabambo kumjiu ngao-e. 29Sibo namdigu ramjengse kam mahami tadi, Tingwang niu Abraham tu maningtao khaijiu Lot tura piring khai bide.</div><div class="s">Moab Mai Nai Ammon Mai Phibang</div><div class="p"> 30Lot niu Zoar ga bampingbo jengniu maluanggen lam khanglujiu tulimki khatga lungsude. 31Panah katingpui siniu pasai-kariupui khuga din-e, &#8220;Anaipiu tanpao mide haibo kadihga anaitu maluang lungjiu&#8212;nahmai lungpadra mai khatnadi hamide. 32Wanglo, apiutu jaw pisak maniukhai lujiu ngena lungra anai pakhuga jisukhe.&#8221; 33Sibonai nchunse panainiu patu jaw pisak khai lujiu katingpui siniu papiutu maluang nphiu jikhaide. Chiudi para jaw sak maniuju mibo jengniu sise simakge.</div><div class="p"> 34Pasaibo naise katingpui siniu pasai-kariupui khuga din-e, &#8220;Danai nchun Ira patu maluangji lude, thaichunra nang patu maluangji sulo. Sichiusai anai khangniase apiu khugasu anah lunglubui-e.&#8221; 35Sijengniu sibonai nchundi panainiu patu jaw pisak maniu khai lujiu nabopui siniu papiutu maluang nphiuji khaide. Para jaw sak maniuju mibo jengniu sisedi simakge. 36Haichiujiu Lot nahpui kania siniu panai piu khugasu panai won phungmide. 37Katingbopui siniu panah piumai khat lungjiu paniu pazan Moab#19.37: Moab: Hebrew ladga &#8220;Apiu khugasu&#8221; chiubo-e. chiu kukhaide. Pahai tuhoi ken-ga Moab mai paopeh si-e. 38Nabopui siniudi panah piumai khat lungjiu paniu pazan leng Benammi#19.38: Benammi: Hebrew ladga &#8220;Singna nahpiu&#8221; chiubo-e chiu kukhaide. Pahai tuhoi ken-ga bambo Ammon mai paopeh si-e.</div>
 </div>
 </div>
</div>

Sibonai chawan maza kania siniu Sodom ga wangbo tingga Lot se namdigu rengmun-ga ntao bamniu-e. Paniu panaitu ngaogapboga suchap lujiu panaitu adaora padle. Panai suangga pah makhumkiu lujiu din-e, “Paohubodung yo, naliutu akhi-khaira I haiga bam-e. Chalungsajiu akyga wangkhailo. Naliu ngen n-khiu khailo, khatdi thaichun mathak khailo, Nsuannai nsuan buangsu majilujiu nanai tabin tadlanbo sui-e.”
Chiudi panainiu paokakge, “Daolakge, anaira namdi pake khatga wang mathak khai mitane.”
Paniu panai khuga dinlan-lan bambo jengniu panaise pakyga suiwang khaide. Taruak khuaklu katiu-kasak kam mawikhaira Lot niu pavangmaitu chamtan pikhaide, sise kaden khaijiu panai tiukhai-e.
Sangmaidungse jimakhaga, Sodom maidung siniu pakyse taomagui mide. Sibo namdiga lungbammai kating-kana pakhiangna siga wangsude. Paliuniu Lot tu kulujiu maniu-e, “Thaichun nakyga riukhaira wangbo maidungse dega bamlo? Panaitu aliu khuga pilo!” Sodom maidung siniu panaitu majang npui-npiu thiunibo jengniu-e.
Lot niu kamah-lam padlujiu paky akhamse khamten mide. Paniu paliu khuga din-e, “Akahmaidung yo, sikumbo kasabo ngam kamkhai makra Iniu naliu khuga khengbo-e! Phuilo, anahpui liuchangpui kania bam-e. Panai khuga naliuniu kamnibose kamlo. Chiudi hainapiu kania tura wa kamkhai tulo; palamra panai akyga agiangmai thiujiu bambo-e. Siniu panaitu Iniu gukhai rabo-e.”
Chiudi paliuniu din-e, “Nang sangmaipiu, aliutu khamtulo, tadmilo! Aliutu hai kamlo, hai kamtulo chiujiu katikhaira nang saolo? Aliu npui gasu tadmilo, chiumaksai paliu sung, natu kam masadiang rabo-e.” Siga kalunglam bambo khangnia siniu padlujiu Lot tu kalunglam jukhai lujiu akham mide. Sichiujiu lenlam bammai mathiu mikse kamtiat kam mide. Siniu paliu akhamse phiu silak mide.

Maipiu khangnia siniu Lot khuga din-e. “Namdi lungga natah-nanahmai maksai nasingna kakimai bamsai paliutu haigasu majang npad milo, palamra anainiu namdi haitu kam maha mine. Haibo maidunggu haijiukha kasabo haitu RAPIU niu chiulujiu Sodom haitu kam maha mira anaitu langwangbo-e.”
Siga panahpuidungtu luraleng kambammai khuga Lot niu tadlujiu din-e. “Kalang sulo, haigasu tadpad milo; palamra haibo namdi haitu RAPIU niu kam maha mirabo-e.” Chiudi paliura pah charuangthiu bam-e chiujiu maning-e.
Nsuankhuan maza siniu Lot tu majadra din-e, “Kalang sulo, nanao nai nanahpui kania situ puilujiu tadsulo, sichiusai namdi haitu kam mahabo gasu naliugu karingtingse marilu bui-e.” Lot hai palung mangebi-e. Chiudi RAPIU niu patu lungsa-e; sijengniu, khangnia siniu patu, panaotu khatdi panahpui kania situ paliu ben julujiu namdi lenlam jupad khaide. Sichiujiu maza khat siniu din-e, “Naliu ringlura paksulo! Sailam mariphui tulo khatdi ramjeng gase mathak tulo. Maluong lamse pakhai sulo, sichiusai naliu shailakge.”
Chiudi Lot niu paokakge, “Paohubo yo, aliutu sichiu khai tulo. Nangniu atu haijiukha lungsajiu agu ringting rankhai bide. Maluongse diusui bamkha-e. I siga pakwang tang makhaga chariu-magenthiubose wangjiu I shaimi rabo-e. Uibo nampoise nang ngaoma? Haise namide. Uiga I tadkhaimi tane, sise pabam siamjiu tadi I nbaikhai tane.”
Paniu paokakge, “Wide, sui-e. Iniu uibo nampoise kam maha lakge. Kalanglo! Paksulo! Nang siga mengtang makthen I wadi kamsi lakge.”
Lot niu sise kasiambo kukhaibo jengniu nampoi situ Zoar chiu kukhaide.

Lot niu Zoar mengtangboga naimik padmide. Simakdakjiu RAPIU niu Sodom nai Gomorrah namdi rigase taobambo chaganmipiu riukiu khaide, sichiujiu sibo ramjengga bambo mai hinatu khatdi siga bambo hinatu kam maha mide. Lot nao siniu masailam mariphuibo jengniu matai-tiang mawi mide.
Pasaibo nai nsuanse Abraham niu RAPIU masuangga chapkhai mibo bamgase pakmengde. Sodom nai Gomorrah tu paniu phuikiuboga ramjeng pakhiangnase mikhutniu phuiting mide, sise n-mang kadibo khat gasu mikhut khabambo kumjiu ngao-e. Sibo namdigu ramjengse kam mahami tadi, Tingwang niu Abraham tu maningtao khaijiu Lot tura piring khai bide.

Lot niu Zoar ga bampingbo jengniu maluanggen lam khanglujiu tulimki khatga lungsude. Panah katingpui siniu pasai-kariupui khuga din-e, “Anaipiu tanpao mide haibo kadihga anaitu maluang lungjiu—nahmai lungpadra mai khatnadi hamide. Wanglo, apiutu jaw pisak maniukhai lujiu ngena lungra anai pakhuga jisukhe.” Sibonai nchunse panainiu patu jaw pisak khai lujiu katingpui siniu papiutu maluang nphiu jikhaide. Chiudi para jaw sak maniuju mibo jengniu sise simakge.
Pasaibo naise katingpui siniu pasai-kariupui khuga din-e, “Danai nchun Ira patu maluangji lude, thaichunra nang patu maluangji sulo. Sichiusai anai khangniase apiu khugasu anah lunglubui-e.” Sijengniu sibonai nchundi panainiu patu jaw pisak maniu khai lujiu nabopui siniu papiutu maluang nphiuji khaide. Para jaw sak maniuju mibo jengniu sisedi simakge. Haichiujiu Lot nahpui kania siniu panai piu khugasu panai won phungmide. Katingbopui siniu panah piumai khat lungjiu paniu pazan Moab chiu kukhaide. Pahai tuhoi ken-ga Moab mai paopeh si-e. Nabopui siniudi panah piumai khat lungjiu paniu pazan leng Benammi chiu kukhaide. Pahai tuhoi ken-ga bambo Ammon mai paopeh si-e.

കേൾക്കുക CHABANGCHAM 19