 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ࢩَنْدٜ ڢٜىٰرٜ عِيسَى طٛنْ عٜکِّتِنَ يِمْࢡٜ ندٜرْ حَيْکَلِيرُ ، عٛوَازِنِ ࢡٜ کُبَرُوٛلْ بٜلْنغٛلْ؞ مَوْࢡٜ لِمَنْعٜنْ عٜ مٛودِࢡّٜ عٜ ندٛتِّعٜنْ نغَرِ، ࢨَمِمٛ‏: «يٜشُّ مِنْ بٜى دُنغَيٜىٰرٜ مٛيْ عَوَارَتَ کُوجٜ طٜعٜ؟ مَلَّ مٛيْ دُنغَنِ مَ وَطُغٛ بَنَ نِي؟» عٛجَابِ ࢡٜ‏: «مِنْ بٛو مِࢨَمَنْ عٛنْ حُوندٜ وٛورٜ؞ مبِعٜىٰطَمْ‏: مٛيْ دُنغَنِ يُحَنَّ وَطَنْغٛ يِمْࢡٜ بَݠْتِسْمَ؟ اَللَّه نَا مَلَّ يِمْࢡٜ؟» عَمَّا ࢡٜمبِعْمبِعْتِرِ‏: «تٛ عٜنْ مبِعِ‏: اَللَّه، عٛوِعَنْ‏: کٛنِ عٛنْ نُطِّنَايْ مٛ؟ تٛ عٜنْ مبِعِ‏: يِمْࢡٜ، ندٜنْ بٛو يِمْࢡٜ ڢُو ݠِطَنْ عٜنْ بٜى کَاعٜ، نغَمْ ࢡٜنُطِّنِ يُحَنَّ عٛ اَلنَّبِيجٛ ڢَکَتْ؞» ندٜنْ ࢡٜنجَابِ‏: «مِنْ عَنْدَا؞» عِيسَى وِعِ ࢡٜ‏: «مِنْ بٛو مِوِعَتَا عٛنْ بٜى دُنغَيٜىٰرٜ مٛيْ مبَطَنْمِ کُوجٜ طٜعٜ؞»


ࢡَاوٛ مَنْ عِيسَى ڢُطِّ وٛلْوَنْغٛ يِمْࢡٜ بَلْندٛلْ نغٛعٛلْ‏: «غٛطّٛ جُبِ نغٜسَ عِنَبٛوجٜ، عٛحَلْڢِنِ کَ رٜمٛوࢡٜ، عٛدِلِّ جَحَانغَلْ، عٛدُورِ؞ ندٜ سَاعِ تٜࢡُغٛ عِنَبٛوجٜ وَطِ، عٛنٜلِ جَغِّيطٛ مَاکٛ حَا رٜمٛوࢡٜ نغَمْ ࢡٜندٛکَّ مٛ غٜطَلْ مَاکٛ حَا عِنَبٛوجٜ؞ عَمَّا رٜمٛوࢡٜ تَݠِّ نٜلَاطٛ، ࢡٜلٛرْتِنِ طُمْ مٜىٰرٜ؞ جَوْمُ نغٜسَ عِنَبٛوجٜ نٜلِ جَغِّيطٛ مُمْ ڢٜىٰرٜ، ࢡٜتَݠِّمٛ بٛو، ࢡٜلٛرْتِنِمٛ مٜىٰرٜ؞ عٛنٜلِ تَتَࢡٛ ڢَحِنْ، ࢡٜنَاوْنِ طُمْ، ࢡٜندِيوِ طُمْ؞ جَوْمُ نغٜسَ عِنَبٛوجٜ وِعِ‏: کٛ مبَطَنْمِ؟ مِنٜلَنْ ࢡِطّٛ عَمْ غِطَاطٛ، کَنغْکٛ کَمْ ࢡٜتٜدِّنَنْ مٛ‏! عَمَّا ندٜ رٜمٛوࢡٜ نغِعِمٛ، ࢡٜشَرْوٛوتِرِ، ࢡٜمبِعِ‏: ندَا دٛنٛووٛ، مبَرٜنْ مٛ نغَمْ حَا نغٜسَ لَاتَنٛ عٜنْ؞ ࢡٜندَسِمٛ يَاسِ نغٜسَ، ࢡٜمبَرِمٛ؞
«طُمٜ جَوْمُ نغٜسَ عِنَبٛوجٜ تَمِّ وَطَنْغٛ ࢡٜ؟ عٛوَرَنْ، عٛحَلْکَنْ رٜمٛوࢡٜ ࢡٜعٜ، عٛحٛکَّنْ وٛطْࢡٜ نغٜسَ مَنْ؞» ندٜ يِمْࢡٜ نَنِ طُمْ، ࢡٜمبِعِ‏: «طٛ کَمْ وَطَتَاکٛ‏!» عَمَّا عِيسَى سُتِ ࢡٜ، وِعِ‏: «طُمٜ بِنْدَاطُمْ طُعُمْ يِطِ وِعْغٛ؟
حَيْرٜ ندٜ مَحٛوࢡٜ نغُدِنِ،
لَاتِ حَيْرٜ تَلْکُمٛورٜ ࢡُرْندٜ سَمَنْ؞
«کٛو مٛيْ دٛعِّ دٛوْ حَيْرٜ ندٜعٜ، سَمْݠِتِتّٛ؞ تٛ ندٜ دٛعِّ دٛوْ غٛطّٛ بٛو، ندٜ نَمَنْ مٛ؞»


مٛودِࢡّٜ تَوْرٜىٰتَ عٜ مَوْࢡٜ ڢَرِسَعٜنْ تٜڢِ نَنغُغٛ عِيسَى سَاعِ مَنْ ندٜنْ، عَمَّا ࢡٜکُلِ يِمْࢡٜ، ࢡٜݠَامِ دٛوْ مَࢡّٜ عٛوٛلْوِ بَلْندٛلْ نغٛعٛلْ؞ ࢡٜݠُطِّ عَيْنُغٛ عِيسَى، ࢡٜنٜلِ حٛرٛوࢡٜ؞ يِمْࢡٜ مَنْ مبَطِ کٛعٜ مَࢡّٜ بَنَ ࢡٜ يِمْࢡٜ عَدِلِعٜنْ، نغَمْ ࢡٜنَنغِرَ عِيسَى ندٜرْ بٛلّٜ مَاکٛ نغَمْ ࢡٜکٜࢡَ حٛکُّغٛ مٛ حَا حِيتٛوࢡٜ عٜ يِمْࢡٜ مَرْࢡٜ بَاوْطٜ نغٛمْنَتِ؞ ࢡٜࢨَمِمٛ‏: «مٛودِبّٛ، مِنْ عَنْدِ کٛ مبٛلْوَتَ عٜ کٛ عَعٜکِّتِنْتَ طُمْ غٛونغَ؞ عَسٜنْدِندِرْتَا يِمْࢡٜ، عَطٛنْ عٜکِّتِنَ لَاوٛلْ اَللَّه بٜى غٛونغَ؞ کَاندُطُمْ مِنْ ندٛکَّ لَامِيطٛ رٛمَ جٛمٛرْغٛلْ نَا مَلَّ تَا مِنْ ندٛکَّ؟» عِيسَى عَنْدِتِ ڢَاسِکَارٜ مَࢡّٜ، عٛوِعِ ࢡٜ‏: «کٛلّٜىٰطَمْ سُلٜيْرٜ؞ سُورَ مٛيْ عٜ عِنْدٜ مٛيْ طٛ؟» ࢡٜنجَابِ‏: «کَيْسَرَ، لَامِيطٛ رٛمَ جٜيِ؞» عٛوِعِ ࢡٜ‏: «ندٜنْ کَمْ نجٛࢡٜ کَيْسَرَ کٛ حَانَنِمٛ، ندٛکّٜ اَللَّه بٛو کٛ حَانَنِ اَللَّه؞» ࢡٜکٜࢡَايْ نَنغِرْغٛ مٛ يٜىٰسٛ يِمْࢡٜ ندٜرْ بٛلّٜ مَاکٛ؞ عَمَّا ࢡٜکَيْطِنِ نغَمْ جَاوَابُ مَاکٛ، ࢡٜنجٜىٰطِ؞


سَدُکِعٜنْ وٛطْࢡٜ ࢡَدِتِ عِيسَى؞ کَمْࢡٜ نغٛنِ وِعَنْࢡٜ مَايْࢡٜ عُمِّتِتَّاکٛ؞ ࢡٜࢨَمِ عِيسَى ࢨَمٛلْ نغٛعٛلْ‏: «مٛودِبّٛ، مُوسَى وِنْدَنِ عٜنْ عُمْرٛورٜ ندٜعٜ‏: تٛ غٛطّٛ مَايِ، عَشِّ دٜبّٛ بِلَا ࢡِنغٜلْ، سٜيْ دٜىٰرْطِيکٛ تٜعَ دٜبّٛ مَنْ، حٜࢡَنَ مَايْطٛ دَࢩْغٛلْ؞ وٛودِنٛ دٜىٰرْطِرَاࢡٜ نجٛوٜىٰطِطٛ؞ عَرَنٛ تٜعِ دٜبّٛ، مَايِ بِلَا ࢡِنغٜلْ؞ طِطَࢡٛ تٜعِ دٜبّٛ غٛ، نٛنْ بٛو بٜى تَتَࢡٛ؞ طُمْ لَاتِ بَنَ نٛنْ حَا نجٛوٜىٰطِطٛ ڢُو مَايْدِ بِلَا حٜࢡُغٛ ࢡِنغٜلْ؞ رَغَرٜ مَنْ بٛو دٜبّٛ مَايِ؞ کَدِ ࢩَنْدٜ عُمِّتِنٜىٰکِ مَايْࢡٜ کَمْ، عٛلَاتٛتٛ دٜبّٛ مٛيْ شَکَ مَࢡّٜ؟ نغَمْ نجٛوٜىٰطِطٛ ڢُو تٜعِنٛ مٛ؞»
عِيسَى جَابِ ࢡٜ‏: «يِمْࢡٜ زَمَنُورُ ندُعُ طٛنْ تٜعِنْدِرَ؞ عَمَّا حٜعِيࢡٜ حٜࢡُغٛ غٜطَلْ حَا زَمَنُورُ وَرَنْدُ عٜ حَا عُمِّتِنٜىٰکِ مَايْࢡٜ، ࢡٜتٜعِندِرْتَا؞ نغَمْ ࢡٜمَايَتَا ڢَحِنْ؞ ࢡٜنَنْدِ بٜى مَلَاعِکَعٜنْ، ࢡٜلَاتَکٜ ࢡِࢡّٜ اَللَّه نغَمْ عٛعُمِّتِنِ ࢡٜ دِغَ مَايْدٜ؞ مُوسَى وِعِ لَاࢡْطُمْ مَايْࢡٜ عُمِّتِتّٛ بٜى يٛنغْکِ ندٜرْ عَايَاجٜ کٛ وِنْدَ دٛوْ حَالَ وُمْرٜ، ندٜ عٛوِعِ جَوْمِرَاوٛ عٛ اَللَّه إِبْرَاهِيمَ، عٛ اَللَّه إِسْحَاقَ عٜ عٛ اَللَّه يَعْقُوبُ؞ اَللَّه لَاتَاکِ اَللَّه مَايْࢡٜ، عَمَّا عٛ اَللَّه يٜىٰطْࢡٜ، نغَمْ يِمْࢡٜ ڢُو طٛنْ نغٜىٰطَ ڢٛدّٜ مَاکٛ؞» وٛطْࢡٜ حَا مٛودِࢡّٜ، مبِعِ‏: «مٛودِبّٛ، عَوٛلْوِ بٛوطُّمْ؞» ࢡٜکُلِ ࢨَمُغٛ مٛ ࢨَمٛلْ غٛطْنغٛلْ؞


عِيسَى وِعِ ࢡٜ‏: «نٛيْ ࢡٜمبِعْرَتَ اَلْمَسِيحُ عٛ ࢡِي دَاوُدَ ؟ نغَمْ دَاوُدَ بٜى حٛورٜ مُوطُمْ وِعِ ندٜرْ دٜڢْتٜرٜ جَبُورَ‏:
جَوْمِرَاوٛ وٛلْوَنِ جَوْمَمْ‏:
جٛوطَ حَا ࢩَامٛ عَمْ،
حَا تٛ مِلَاتِنِ کٛنّٜعٜنْ مَ جَاࢡْرُطُمْ کٛسْطٜ مَ؞
دَاوُدَ عٜوْنِمٛ جَوْمِرَاوٛ، کَدِ نٛيْ اَلْمَسِيحُ لَاتٛرِ ࢡِيِيکٛ؟»


عِيسَى وٛلْوَنِ ݠُکَرَعٜنْ مُوطُمْ يٜىٰسٛ نَنَنْࢡٜ مٛ ڢُو، عٛوِعِ‏: «ندٜىٰنْتٜ عٜ مٛودِࢡّٜ تَوْرٜىٰتَ، يِطْࢡٜ وَانْشُغٛ بٜى نغَݠَلٜىٰجِ جُوتْطِ؞ ࢡٜنغِطِ يِمْࢡٜ کٛوڢْنَ ࢡٜ حَا لُوࢡٜ؞ حَا جٛولٜ تٜدُّطٜ ࢡٜنغِطِ جٛوطَاغٛ ندٜرْ شُوطِ دٜوَلْ عٜ تٛ ࢡٜعٜوْنَکٜ ࢡٜ نغَمْ ࢩَامْدُ بٛو، ࢡٜطَࢡِّتَنْ جٛولٜ شَمْطِنَاطٜ؞ ࢡٜطٛنْ نجَࢡْتَ مَرْلٜ رٜوْࢡٜ يُرُمْࢡٜ، ࢡٜطٛنْ نجُوتِنَ دٛعَارٜ نغَمْ يِمْࢡٜ نغِعَ ࢡٜ؞ ࢡٜکٜࢡَنْ کِيتَ نَاوْکَ مَسِنْ؞»

കേൾക്കുക لُکَ 20