Aytan Mag-Indi

<div class="version vid2765 iso6393blx" data-vid="2765" data-iso6393="blx">
 <div class="book bkMRK">
 <div class="chapter ch13" data-usfm="MRK.13">
 <div class="label">13</div><div class="s">Ya tungkul sa pangasiran Templu</div><div class="r">(Mateo 24:1-2; Lucas 21:5-6)</div><div class="p"> 1Kaban paawas silan Jesus sa Templu, sinabin gisa sa mani tagasunul na, &#8220;Manuru, &#234;l&#234;w&#234;n muy mani impaid&#234;ng nga nakapalit&#234;ng sa Templu ya pawan diyag sa mangaragul la batu. Mamang&#234;d da pangadyag!&#8221;</div><div class="p"> 2Sinabin Jesus kana, &#8220;Makitan yuy mani abiin na dyag sa mangaragul la batu. Nuwa lumat&#234;ng nga panawun, ayin batuy mitagan na nakapaluntu sa kaparisu nan batu.&#8221;</div><div class="s">Ya sadyay kasakitan na lumat&#234;ng</div><div class="r">(Mateo 24:3-14; Lucas 21:7-19)</div><div class="p"> 3S&#234;n nakaiknuy na si Jesus sa gisay lugal sa Bung-uy mani Ulibu sa arapan Templu, namatang silan Pedro, Santiago, Juan buy si Andres un kay kakapad la. 4Sinabi la, &#8220;Sabin mu kanyan nu makanu malyari ya sinabi mu buy nu sab&#234;t ta tanda' ya marani yan malyari ya abitu?&#8221;</div><div class="p"> 5Kabay sinabin Jesus kalla, &#8220;Mangillag kaw am&#234;n a kaw mailit&#234;p agyan sisab&#234;t man. 6Tagawan malak&#234;y lumat&#234;ng nga manggamit lagyu ku. Sabin lay, &#8216;Sikuy Cristuy impangakun Bapan Namalyari.&#8217; Kabay malak&#234;y mailit&#234;p la. 7Nu makal&#234;ng&#234; kaw migegeray marani kamuyu buy nu makabalita kaw &#234;t migegeray marayu, agana kaw malimu. Ta s&#234;pat malyari ya abiin, nuwa alwa pun abiin na katganan babun luta. 8Tagawan makigeray bansa sa kaparisu nan bansa buy makigeray kaarian sa kaparisu nan kaarian. Lumat&#234;ng nga layun sa magmikakanayun na lugal. Lumat&#234;ng &#234;t ta sadyay layang. Ya kaganawan kasakitan na abiin, kay umpisa pun sadyay kasakitan ya maiparisu sa kasakitan babayi ya manganak.&#8221;</div><div class="p"> 9&#8220;Kabay mangillag kaw tagawan sa panampalataya yu kangku, dakp&#234;n lakaw buy iarap sa mani manungkulan. Latikun lakaw sa balin pagtipunan mani Judio buy iarap sa mani gobernador buy sa mani ari. Sa pakapakun baydu, makapagpap&#234;t&#234;g kaw kalla tungkul kangku. 10S&#234;pat pun maipatanday Mang&#234;d da Balita sa kaganawan bansa bayu lumat&#234;ng nga katganan.&#8221;</div><div class="p"> 11&#8220;Nu lumat&#234;ng nga panawun na dakp&#234;n kaw buy iarap sa mallitis, agana kaw napitik nu sab&#234;t ta sabin yu, nun a ya sabin yu, abituy pan-ipasabin Ispiritun Bapan Namalyari kamuyu sa uras abitu, tagawan alwan sikaw wa magsabi nun a ya Ispiritun Bapan Namalyari. 12Sa panawun abitu, dilag tawuy migawang pat&#234;l na am&#234;n ipapati. Dilag &#234;t mangatway migawang anak la am&#234;n ipapati buy dilag &#234;t mani anak ka manalangsang buy mipapatin mangatwa la. 13Gawan sa panunul yu kangku, kasulapwan kaw kaganawan. Nuwa ya manug&#234;l tapat angga sa katganan, sabay siyay miligtas.&#8221;</div><div class="s">Ya mamakapalimuy lumat&#234;ng</div><div class="r">(Mateo 24:15-28; Lucas 21:20-24)</div><div class="p"> 14Insundun Jesus ya pagsabi na, &#8220;Sikaw wa mamasa, pakaintindin yuy ati! Nu makit yuy sadyay kadawakan ya manira baydu sa lugal la as&#234; s&#234;pat panyagan, ya kaganawan na idi sa Judea, kaylangan muwayu silaynan makun bung-uy. 15Sa panawun abitu, ya idi sa lawasan bali, aganayna sumun am&#234;n mangwan dakun sab&#234;t sa lal&#234;n bali na. 16Ya idi sa panggitnan, aganayna muli am&#234;n mangwan yaming na. 17Mamakapalunus ya mani nabuktut buy mani mamasusu sa allun abiin, tagawan magkasakit silan tumakas. 18Manalangin kaw kan Bapan Namalyari ya sa allun abiin, alwan panawun nal&#234;p&#234;t. 19Sa panawun abitu, makadanas ya mani tawun sadyay kasakitan ya a la pun nadanasan ubat pun sabitun dinyag Bapan Namalyari ya babun luta angga am&#234;s&#234;n. Buy ayin nan manguman makadanas parabayduy kasakitan kanuman. 20Ta nu as&#234; in&#234;p&#234;k Bapan Namalyari ya panawun abitu, ayin tawuy miligtas. Nuwa para sa mani tawuy pinili na, in&#234;p&#234;k nay panawun abitu.&#8221;</div><div class="p"> 21&#8220;Am&#234;s&#234;n, nu dilag magsabi kamuyun, &#8216;Idi ya baydi ya Cristu!&#8217;, o &#8216;Idi ya baydu!&#8217;, agana kaw makipapaniwala. 22Tagawan lumtaw wa mani magtatalingkayun Cristu buy mani magtatalingkayun propeta. Mipakit silan mani tanda' buy mamakaupapas am&#234;n ilit&#234;p pa mani tawu buy nu malyari, agyan na mani pinilin Bapan Namalyari. 23Kabay mangillag kaw! Sinabi kuy abiin kaban as&#234; pun nalyari.&#8221;</div><div class="s">Ya pag-udung Jesus ya ubat sa langit ta in-Anak Tawu</div><div class="r">(Mateo 24:29-31; Lucas 21:25-28)</div><div class="p"> 24&#8220;Pamakayarin abituy allun sadyay kasakitan, dumigl&#234;m ma mamut buy asina sumawang nga buwan. 25Mangananabuy mani b&#234;t&#234;w&#234;n buy maubus ma&#234;y&#234;g ga mani bagay ya idi sa langit buy mitas sila sa binyanan la. 26Pamakayari, makitan la kuy in-Anak Tawuy ubat sa langit ya mallumat&#234;ng nga idi sa ulap ya dilag dakilay kapangyarian buy sawang. 27Iutus kuy mani ang-el ku sa kaganawan lugal sa babun luta am&#234;n tipunun lay mani tawuy pinili ku.&#8221;</div><div class="s">Ya aral la matandan sa puun kayun igus</div><div class="r">(Mateo 24:32-35; Lucas 21:29-33)</div><div class="p"> 28&#8220;Pakaintindin yuy aral sa paalimbawa sa puun kayun igus. Nu magbulung nganay sangan ati, tanda yinay marani yay kaynitan. 29Para &#234;t bayduy malyari lanu. Nu makitan yinan malyari yay mani pansabin ku kamuyu, matandan yuy marani yakinan lumat&#234;ng ya paran idi yakina sa pasbul bali. 30Pansabin ku kamuyuy bayu mati ya kaganawan tawu sa panawun am&#234;s&#234;n, matupad day kaganawan sinabi ku. 31Ya langit buy luta, dilag katganan. Nuwa ya mani sabi ku, manug&#234;l kanuman.&#8221;</div><div class="s">Ayin tawuy magtanda nu makanu lumat&#234;ng si Jesus</div><div class="r">(Mateo 24:36-44)</div><div class="p"> 32&#8220;Nuwa tungkul laman sa allu o uras pag-udung ku, ayin magtanda, agyan na mani ang-el sa langit buy agyan sikuy Anak Bapan Namalyari. Kay si Bapay magtanda. 33Kabay mangillag kaw buy magl&#234;an, gawan a yu tanda nu makanuy pallumat&#234;ng ku.&#8221;</div><div class="p"> 34&#8220;Malyari tamun ialimbawa sa dinyag gisay tawuy naku sa marayuy lugal. Bayu ya namita, sinabi na sa mani ipus na nu sab&#234;t ta dayg&#234;n la buy intipan na &#234;t sa mamantay sa lawasan na magl&#234;an ya sa pallumat&#234;ng amung na.&#8221;</div><div class="p"> 35&#8220;Kabay magl&#234;an kaw, tagawan a yu tanda nu makanu lumat&#234;ng nga magbandin bali. Mapalyarin yabi, bunak yabi, bunatbunat o maranun. 36Dat tamb&#234;ng yan lumat&#234;ng buy malat&#234;ng nakaw wa mamab&#234;l&#234;w. 37Ya pansabin ku kamuyu, pansabin ku &#234;t sa kaganawan, &#8216;Magl&#234;an kaw!&#8217; &#8221;</div>
 </div>
 </div>
</div>

Kaban paawas silan Jesus sa Templu, sinabin gisa sa mani tagasunul na, “Manuru, êlêwên muy mani impaidêng nga nakapalitêng sa Templu ya pawan diyag sa mangaragul la batu. Mamangêd da pangadyag!”
Sinabin Jesus kana, “Makitan yuy mani abiin na dyag sa mangaragul la batu. Nuwa lumatêng nga panawun, ayin batuy mitagan na nakapaluntu sa kaparisu nan batu.”


Sên nakaiknuy na si Jesus sa gisay lugal sa Bung-uy mani Ulibu sa arapan Templu, namatang silan Pedro, Santiago, Juan buy si Andres un kay kakapad la. Sinabi la, “Sabin mu kanyan nu makanu malyari ya sinabi mu buy nu sabêt ta tanda' ya marani yan malyari ya abitu?”
Kabay sinabin Jesus kalla, “Mangillag kaw amên a kaw mailitêp agyan sisabêt man. Tagawan malakêy lumatêng nga manggamit lagyu ku. Sabin lay, ‘Sikuy Cristuy impangakun Bapan Namalyari.’ Kabay malakêy mailitêp la. Nu makalêngê kaw migegeray marani kamuyu buy nu makabalita kaw êt migegeray marayu, agana kaw malimu. Ta sêpat malyari ya abiin, nuwa alwa pun abiin na katganan babun luta. Tagawan makigeray bansa sa kaparisu nan bansa buy makigeray kaarian sa kaparisu nan kaarian. Lumatêng nga layun sa magmikakanayun na lugal. Lumatêng êt ta sadyay layang. Ya kaganawan kasakitan na abiin, kay umpisa pun sadyay kasakitan ya maiparisu sa kasakitan babayi ya manganak.”
“Kabay mangillag kaw tagawan sa panampalataya yu kangku, dakpên lakaw buy iarap sa mani manungkulan. Latikun lakaw sa balin pagtipunan mani Judio buy iarap sa mani gobernador buy sa mani ari. Sa pakapakun baydu, makapagpapêtêg kaw kalla tungkul kangku. Sêpat pun maipatanday Mangêd da Balita sa kaganawan bansa bayu lumatêng nga katganan.”
“Nu lumatêng nga panawun na dakpên kaw buy iarap sa mallitis, agana kaw napitik nu sabêt ta sabin yu, nun a ya sabin yu, abituy pan-ipasabin Ispiritun Bapan Namalyari kamuyu sa uras abitu, tagawan alwan sikaw wa magsabi nun a ya Ispiritun Bapan Namalyari. Sa panawun abitu, dilag tawuy migawang patêl na amên ipapati. Dilag êt mangatway migawang anak la amên ipapati buy dilag êt mani anak ka manalangsang buy mipapatin mangatwa la. Gawan sa panunul yu kangku, kasulapwan kaw kaganawan. Nuwa ya manugêl tapat angga sa katganan, sabay siyay miligtas.”


Insundun Jesus ya pagsabi na, “Sikaw wa mamasa, pakaintindin yuy ati! Nu makit yuy sadyay kadawakan ya manira baydu sa lugal la asê sêpat panyagan, ya kaganawan na idi sa Judea, kaylangan muwayu silaynan makun bung-uy. Sa panawun abitu, ya idi sa lawasan bali, aganayna sumun amên mangwan dakun sabêt sa lalên bali na. Ya idi sa panggitnan, aganayna muli amên mangwan yaming na. Mamakapalunus ya mani nabuktut buy mani mamasusu sa allun abiin, tagawan magkasakit silan tumakas. Manalangin kaw kan Bapan Namalyari ya sa allun abiin, alwan panawun nalêpêt. Sa panawun abitu, makadanas ya mani tawun sadyay kasakitan ya a la pun nadanasan ubat pun sabitun dinyag Bapan Namalyari ya babun luta angga amêsên. Buy ayin nan manguman makadanas parabayduy kasakitan kanuman. Ta nu asê inêpêk Bapan Namalyari ya panawun abitu, ayin tawuy miligtas. Nuwa para sa mani tawuy pinili na, inêpêk nay panawun abitu.”
“Amêsên, nu dilag magsabi kamuyun, ‘Idi ya baydi ya Cristu!’, o ‘Idi ya baydu!’, agana kaw makipapaniwala. Tagawan lumtaw wa mani magtatalingkayun Cristu buy mani magtatalingkayun propeta. Mipakit silan mani tanda' buy mamakaupapas amên ilitêp pa mani tawu buy nu malyari, agyan na mani pinilin Bapan Namalyari. Kabay mangillag kaw! Sinabi kuy abiin kaban asê pun nalyari.”


“Pamakayarin abituy allun sadyay kasakitan, dumiglêm ma mamut buy asina sumawang nga buwan. Mangananabuy mani bêtêwên buy maubus maêyêg ga mani bagay ya idi sa langit buy mitas sila sa binyanan la. Pamakayari, makitan la kuy in-Anak Tawuy ubat sa langit ya mallumatêng nga idi sa ulap ya dilag dakilay kapangyarian buy sawang. Iutus kuy mani ang-el ku sa kaganawan lugal sa babun luta amên tipunun lay mani tawuy pinili ku.”


“Pakaintindin yuy aral sa paalimbawa sa puun kayun igus. Nu magbulung nganay sangan ati, tanda yinay marani yay kaynitan. Para êt bayduy malyari lanu. Nu makitan yinan malyari yay mani pansabin ku kamuyu, matandan yuy marani yakinan lumatêng ya paran idi yakina sa pasbul bali. Pansabin ku kamuyuy bayu mati ya kaganawan tawu sa panawun amêsên, matupad day kaganawan sinabi ku. Ya langit buy luta, dilag katganan. Nuwa ya mani sabi ku, manugêl kanuman.”


“Nuwa tungkul laman sa allu o uras pag-udung ku, ayin magtanda, agyan na mani ang-el sa langit buy agyan sikuy Anak Bapan Namalyari. Kay si Bapay magtanda. Kabay mangillag kaw buy maglêan, gawan a yu tanda nu makanuy pallumatêng ku.”
“Malyari tamun ialimbawa sa dinyag gisay tawuy naku sa marayuy lugal. Bayu ya namita, sinabi na sa mani ipus na nu sabêt ta daygên la buy intipan na êt sa mamantay sa lawasan na maglêan ya sa pallumatêng amung na.”
“Kabay maglêan kaw, tagawan a yu tanda nu makanu lumatêng nga magbandin bali. Mapalyarin yabi, bunak yabi, bunatbunat o maranun. Dat tambêng yan lumatêng buy malatêng nakaw wa mamabêlêw. Ya pansabin ku kamuyu, pansabin ku êt sa kaganawan, ‘Maglêan kaw!’ ”

കേൾക്കുക Marcos 13