 If you would like a copy of this version please contact info@davaraudiobibles.org

Tonga (Malawi) Bible

<div class="version vid2974 iso6393tog" data-vid="2974" data-iso6393="tog">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="p"> 1Kweni Yesu wanguya mu phiri la Olivete. 2Ndi mlenjilenji wanguza so mu kasopi, ndipo khamu lose linguwungana kwaku iyo; ndipo wati waja pasi, wa&#373;asambizganga. 3Ndipo &#373;alembi#8.3 &#373;alembi: Uku ndiku kuti &#373;asambizgi &#373;a marangu. ndi &#373;aFarisi &#373;anguza nayo munthukazi wakusanirika pa ure&#373;i; 4ndipo &#373;ati &#373;amjarika mukati, &#373;atiti kwaku Yesu, &#8220;Msambizgi, uyu munthukazi wangusanirika pa ure&#373;i mu kachitidu imu. 5Ndipo mu langulu lidu Mosese wangutilanguliya kumupong'a mya waviyo kuti wafwe. Kweni imwe, na, mutitinji ndi iyo?&#8221; 6Kweni ichi &#373;akambiyanga kumwesa, alinga &#373;a&#373;e nako kakumsumuwa. Kweni Yesu wangukotama pasi, wangulemba ndi munwi wake pa dongu. 7Kweni &#373;achirutiriya kumfumba, wanguyinuka, ndiwangunena nawo, &#8220;Mzira-ulakwi mukati mwinu wadange kumpong'a mya.&#8221; 8Ndipo wangukotama so pasi, ndi wangulemba pa dongu. 9Kweni iwo, &#373;ati &#373;avwa yagha, wasotopokangamu yumoza-yumoza, kwanda ku &#373;ara mpaka ku &#373;akumariya: Yesu wangusiyika yija, ndi munthukazi yo wakuma mukati. 10Ndipo Yesu wanguyunuka ndi wangumfumba, &#8220;Wamunthukazi, &#373;e pani? Kumbi pengavi yumoza wakukususka?&#8221; 11Iyo wanguti, &#8220;Kwengavi, Ambuya,&#8221; ndipo Yesu wanguti, &#8220;Chingana ndine kuti ndikususka cha. Rutanga, kweni ungalakwa so cha.&#8221;]</div><div class="s">Yesu ukweru wa charu</div><div class="p"> 12Viyo Yesu wangurongoro so nawo, wakuti, &#8220;Ine ndine Kungweruka kwa charu: wakurondo ine kuti wakendanga mu mdima cha, kweni wa&#373;enge ndi kungweruka kwa umoyo.&#8221; 13Viyo &#373;angumnene &#373;aFarisi, &#8220;Ujisimikizgiya wamweni; iku chisimisimi chako kuti nchakuneneska cha.&#8221; 14Yesu wangwamuka, wang&#373;anene, &#8220;Chingana ndijisimikizgiya, ndamweni, chisimisimi changu nchakuneneska; pakuti ndizi&#373;a ko ndikutuwa, ndi ko nditiya; imwe kuti muzi&#373;a ko ndikutuwa, pamwenga ko nditiya cha. 15Imwe muteruzga kwakuyana ndi zeru za unthu kuti nditeruzga yumoza cha. 16Ndikweni asani ndingeruzga ine, cheruzgu changu nchakuneneska; pakuti kuti nde ndija cha, kweni ine ndi Dada wakundituma. 17Inya mu langulu linu kwalembeka, kuti ukaboni wa&#373;anthu &#373;a&#373;i ngwakuneneska. 18Ine nditiji&#373;iya kaboni wa paku Ndamweni, ndipo Dada wakundituma wasimikizga vyapaku ine.&#8221; 19Viyo &#373;amuneniyanga, &#8220;&#372;e pani Ausu?&#8221; Yesu wangwamuka, &#8220;Kuti muzi&#373;a cha chingana ndi ine, chingana mba Ada: asani munguzi&#373;a ine, mphanyi muti&#373;azi&#373;a Ada nawo.&#8221; 20Mazu yagha wangurongoro nawo muchipinda chakusungiya mu ndrama, wachisambizga mu kasopi; ndipo kuti yumoza wangumko cha; pakuti ora lake lengalindaze.</div><div class="p"> 21Wangu&#373;anene so, &#8220;Ine ndiruta, ndipo mundilembenge, mufwenge mu ulakwi winu: kweniko ndita, kuti muzi&#373;a kuzako imwe cha.&#8221; 22Viyo &#373;aYuda &#373;akambanga, &#8220;Kumbi wajibayenge? Pakuti watiti, &#8216;Ko ine nditiya, imwe kuti muzi&#373;a kuzako cha&#8217;?&#8221; 23Yesu wangu&#373;anene, &#8220;Imwe mwe &#373;akutuwa pasi, ine ndi wakutuwa kuchanya; imwe mwe &#373;a charu chino; ine kuti nde wa charu chino cha. 24Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.&#8221; 25Iwo &#373;amneniyanga, &#8220;Iwe ndiwe yani?&#8221; Yesu wangu&#373;anene, &#8220;Uli ndimo ndarongorole namwe kutuwa ku chiyambo. 26Nde navyo vinandi kurongoro ndi kweruzga paku imwe; kweni Wakundituma yo ngwakuneneska; ndipo ine ndirongoro ku charu vyo ndavwa kwaku iyo.&#8221; 27Kuti &#373;anguwamo cha kuti wa&#373;aneniyanga ndi Dada. 28Yesu wangu&#373;anene, &#8220;Penipo mukasoskanga, Mwana wa munthu, ndipo muzi&#373;enge kuti ine ndine iyo ndi kuti kutuwa kwaku Ndamweni kuti ndichita kanthu cha, kweni nge ndimo wandisambizgiya Dada, ndirongoro vyenivi. 29Ndipo Wakundituma yo we nane pamoza; kuti wandijowo Ndija cha; pakuti nyengo zose ndichita cho chitumkondweska.&#8221; 30Wachirongoro vyenivi, &#373;anandi wanguvwana mwaku iyo.</div><div class="s">Ku&#373;a &#373;anangwa</div><div class="p"> 31Viyo Yesu wangunena ndi &#373;aYuda wo wanguvwana mwaku iyo, &#8220;Asani mujaririyenge imwe mu mazu ghagu, nadidi mwe &#373;asambizi &#373;angu; 32ndipo muzi&#373;enge uneneska, ndipo uneneska wo usanduskenge imwe &#373;anangwa.&#8221; 33Wangumwamuka, &#8220;Te mbeu yaku Abrahamu, ndipo kali kose kuti ta&#373;a &#373;a&#373;anda ku yumoza cha: ukamba uli iwe, &#8216;Mu&#373;enge &#373;anangwa?&#8217; &#8221;</div><div class="p"> 34Yesu wangu&#373;amuka, &#8220;Nadidi ndikuneneskiyani, yose wakuchita chilakwa, ndi mu&#373;anda wachilakwa cho. 35Ndipo mu&#373;anda kuti wajaririya mu nyumba muyaya cha: mwana ndiyo wajaririya muyaya. 36Viyo asani Mwana watimsanduskani &#373;anangwa mbwenu mu&#373;engedi &#373;anangwa. 37Ndizi&#373;a kuti mwe mbeu yaku Abrahamu; kweni mulembe kundibaya, pakuti mazu ghangu ghalive kusaniya malo mwaku imwe. 38Vyo ndawona ine ku Ada ndi vyo ndirongoro; namwe so muchita vyenivyo mwawona ku auskemwe.&#8221;</div><div class="p"> 39Wangwamuka, wangumnene, &#8220;Auskefwe mba Abrahamu.&#8221; Yesu wa&#373;anene, &#8220;Ne mwenga &#373;ana &#373;aku Abrahamu, mphanyi mwachitanga nchitu zaku Abrahamu. 40Kweni sono mulembe kundibaya, ndamunthu ndamwenini ndarongoro namwe uneneska, wo ndinguvwa kwaku Chiuta: ndipo Abrahamu wengavi kuchichita ichi. 41Imwe muchita nchitu za auskemwe.&#8221; Wangumwamuka, &#8220;Ifwe kuti tapapika mu ure&#373;i cha, te nayo uskefwe yumoza, ndiyo Chiuta.&#8221; 42Yesu wangu&#373;anene, &#8220;Asani Chiuta wenga uskemwe, mphanyi mwandanja ine: chifukwa ine ndaza kutuwa kwaku Chiuta; chifukwa kuti ndikuza mukhumbo laku ine ndija cha, wakundituma ndiyo. 43Chifukwa chine mureka kuwamu mu kakambidu kangu? Nchifukwa chakuti mulive kuzi&#373;a kughavwa mazu ghangu. 44Imwe mwe &#373;a uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubaya&#373;anthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa &#373;atesi. 45Kweni chifukwa ine ndikamba uneneska, kuti muvwana nane cha. 46Njani wamwaku imwe yo watindipacha ndi ulakwi? Asani ndirongoro uneneska, chifukwa chine mureka kuvwana mwangu? 47Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe &#373;akwaku Chiuta cha.&#8221;</div><div class="s">Yesu ndi Abrahamu</div><div class="p"> 48&#372;aYuda &#373;angwamuka ndi &#373;angumnene, &#8220;Asi tikamba kwakurunjika kuti we muSamaria iwe, ndipo we ndi demone?&#8221; 49Yesu wangwamuka, &#8220;Kuti nde ndi demone cha, nditumbika Ada, imwe ndimwe muyuyuwa ine. 50Ine kuti ndipenja unkhankhu wangu cha: walipo wakuwupenja ndi wakweruzga. 51Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.&#8221; 52&#372;angumnene &#373;aYuda, &#8220;Sono tizi&#373;iska kuti we ndi demone. Abrahamu wakufwa &#373;amchimi &#373;akufwa, kweni iwe utiti, &#8216;Asani yumoza wangasunga mazu ghangu, kuti wamkwesa nyifwa cha muyaya!&#8217; 53Kumbi iwe we mraku ku Auskefwe Abrahamu, mweniyo wakufwa? Ndi &#373;amchimi wo &#373;akufwa utijisanduska ku&#373;a yani?&#8221; 54Wangwamuka Yesu, &#8220;Asani ine nditijikankhuska unkhankhu wangu kuti nkhanthu cha; Ada mbakundikankhuska; wo imwe munena, kuti ndi Chiuta winu; 55ndipo kuti mwa&#373;azi&#373;a cha; kweni ine nditu&#373;azi&#373;a, asani ndinganena kuti ndirive ku&#373;azi&#373;a ndi&#373;enge wakukozgana ndi imwe, mutesi, kweni nditu&#373;azi&#373;a, ndipo ndisunga mazu ghawo. 56Abrahamu, auskwemwe, wangukondwere kuliwona zu&#373;a langu; wanguliwona, ndipo wangusekere.&#8221; 57&#372;aYuda &#373;angumnene, &#8220;Ndasono unda&#373;e ndi virimika machumi ghakhonde ndipo kumbi ukumuwona Abrahamu?&#8221; 58Wangu&#373;anene Yesu, &#8220;Nadidi ndikuneneskiyani, wenga wandawe Abrahamu, ine ndiriko.&#8221; 59Viyo &#373;angusoska mya kuti &#373;ampong'e: kweni Yesu wangubisama, ndipo wangutuwako ku kasopi.</div>
 </div>
 </div>
</div>

Kweni Yesu wanguya mu phiri la Olivete. Ndi mlenjilenji wanguza so mu kasopi, ndipo khamu lose linguwungana kwaku iyo; ndipo wati waja pasi, waŵasambizganga. Ndipo ŵalembi ndi ŵaFarisi ŵanguza nayo munthukazi wakusanirika pa ureŵi; ndipo ŵati ŵamjarika mukati, ŵatiti kwaku Yesu, “Msambizgi, uyu munthukazi wangusanirika pa ureŵi mu kachitidu imu. Ndipo mu langulu lidu Mosese wangutilanguliya kumupong'a mya waviyo kuti wafwe. Kweni imwe, na, mutitinji ndi iyo?” Kweni ichi ŵakambiyanga kumwesa, alinga ŵaŵe nako kakumsumuwa. Kweni Yesu wangukotama pasi, wangulemba ndi munwi wake pa dongu. Kweni ŵachirutiriya kumfumba, wanguyinuka, ndiwangunena nawo, “Mzira-ulakwi mukati mwinu wadange kumpong'a mya.” Ndipo wangukotama so pasi, ndi wangulemba pa dongu. Kweni iwo, ŵati ŵavwa yagha, wasotopokangamu yumoza-yumoza, kwanda ku ŵara mpaka ku ŵakumariya: Yesu wangusiyika yija, ndi munthukazi yo wakuma mukati. Ndipo Yesu wanguyunuka ndi wangumfumba, “Wamunthukazi, ŵe pani? Kumbi pengavi yumoza wakukususka?” Iyo wanguti, “Kwengavi, Ambuya,” ndipo Yesu wanguti, “Chingana ndine kuti ndikususka cha. Rutanga, kweni ungalakwa so cha.”]

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.” Viyo ŵangumnene ŵaFarisi, “Ujisimikizgiya wamweni; iku chisimisimi chako kuti nchakuneneska cha.” Yesu wangwamuka, wangŵanene, “Chingana ndijisimikizgiya, ndamweni, chisimisimi changu nchakuneneska; pakuti ndiziŵa ko ndikutuwa, ndi ko nditiya; imwe kuti muziŵa ko ndikutuwa, pamwenga ko nditiya cha. Imwe muteruzga kwakuyana ndi zeru za unthu kuti nditeruzga yumoza cha. Ndikweni asani ndingeruzga ine, cheruzgu changu nchakuneneska; pakuti kuti nde ndija cha, kweni ine ndi Dada wakundituma. Inya mu langulu linu kwalembeka, kuti ukaboni waŵanthu ŵaŵi ngwakuneneska. Ine nditijiŵiya kaboni wa paku Ndamweni, ndipo Dada wakundituma wasimikizga vyapaku ine.” Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.” Mazu yagha wangurongoro nawo muchipinda chakusungiya mu ndrama, wachisambizga mu kasopi; ndipo kuti yumoza wangumko cha; pakuti ora lake lengalindaze.
Wanguŵanene so, “Ine ndiruta, ndipo mundilembenge, mufwenge mu ulakwi winu: kweniko ndita, kuti muziŵa kuzako imwe cha.” Viyo ŵaYuda ŵakambanga, “Kumbi wajibayenge? Pakuti watiti, ‘Ko ine nditiya, imwe kuti muziŵa kuzako cha’?” Yesu wanguŵanene, “Imwe mwe ŵakutuwa pasi, ine ndi wakutuwa kuchanya; imwe mwe ŵa charu chino; ine kuti nde wa charu chino cha. Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.” Iwo ŵamneniyanga, “Iwe ndiwe yani?” Yesu wanguŵanene, “Uli ndimo ndarongorole namwe kutuwa ku chiyambo. Nde navyo vinandi kurongoro ndi kweruzga paku imwe; kweni Wakundituma yo ngwakuneneska; ndipo ine ndirongoro ku charu vyo ndavwa kwaku iyo.” Kuti ŵanguwamo cha kuti waŵaneniyanga ndi Dada. Yesu wanguŵanene, “Penipo mukasoskanga, Mwana wa munthu, ndipo muziŵenge kuti ine ndine iyo ndi kuti kutuwa kwaku Ndamweni kuti ndichita kanthu cha, kweni nge ndimo wandisambizgiya Dada, ndirongoro vyenivi. Ndipo Wakundituma yo we nane pamoza; kuti wandijowo Ndija cha; pakuti nyengo zose ndichita cho chitumkondweska.” Wachirongoro vyenivi, ŵanandi wanguvwana mwaku iyo.

Viyo Yesu wangunena ndi ŵaYuda wo wanguvwana mwaku iyo, “Asani mujaririyenge imwe mu mazu ghagu, nadidi mwe ŵasambizi ŵangu; ndipo muziŵenge uneneska, ndipo uneneska wo usanduskenge imwe ŵanangwa.” Wangumwamuka, “Te mbeu yaku Abrahamu, ndipo kali kose kuti taŵa ŵaŵanda ku yumoza cha: ukamba uli iwe, ‘Muŵenge ŵanangwa?’ ”
Yesu wanguŵamuka, “Nadidi ndikuneneskiyani, yose wakuchita chilakwa, ndi muŵanda wachilakwa cho. Ndipo muŵanda kuti wajaririya mu nyumba muyaya cha: mwana ndiyo wajaririya muyaya. Viyo asani Mwana watimsanduskani ŵanangwa mbwenu muŵengedi ŵanangwa. Ndiziŵa kuti mwe mbeu yaku Abrahamu; kweni mulembe kundibaya, pakuti mazu ghangu ghalive kusaniya malo mwaku imwe. Vyo ndawona ine ku Ada ndi vyo ndirongoro; namwe so muchita vyenivyo mwawona ku auskemwe.”
Wangwamuka, wangumnene, “Auskefwe mba Abrahamu.” Yesu waŵanene, “Ne mwenga ŵana ŵaku Abrahamu, mphanyi mwachitanga nchitu zaku Abrahamu. Kweni sono mulembe kundibaya, ndamunthu ndamwenini ndarongoro namwe uneneska, wo ndinguvwa kwaku Chiuta: ndipo Abrahamu wengavi kuchichita ichi. Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.” Yesu wanguŵanene, “Asani Chiuta wenga uskemwe, mphanyi mwandanja ine: chifukwa ine ndaza kutuwa kwaku Chiuta; chifukwa kuti ndikuza mukhumbo laku ine ndija cha, wakundituma ndiyo. Chifukwa chine mureka kuwamu mu kakambidu kangu? Nchifukwa chakuti mulive kuziŵa kughavwa mazu ghangu. Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi. Kweni chifukwa ine ndikamba uneneska, kuti muvwana nane cha. Njani wamwaku imwe yo watindipacha ndi ulakwi? Asani ndirongoro uneneska, chifukwa chine mureka kuvwana mwangu? Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe ŵakwaku Chiuta cha.”

ŴaYuda ŵangwamuka ndi ŵangumnene, “Asi tikamba kwakurunjika kuti we muSamaria iwe, ndipo we ndi demone?” Yesu wangwamuka, “Kuti nde ndi demone cha, nditumbika Ada, imwe ndimwe muyuyuwa ine. Ine kuti ndipenja unkhankhu wangu cha: walipo wakuwupenja ndi wakweruzga. Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.” Ŵangumnene ŵaYuda, “Sono tiziŵiska kuti we ndi demone. Abrahamu wakufwa ŵamchimi ŵakufwa, kweni iwe utiti, ‘Asani yumoza wangasunga mazu ghangu, kuti wamkwesa nyifwa cha muyaya!’ Kumbi iwe we mraku ku Auskefwe Abrahamu, mweniyo wakufwa? Ndi ŵamchimi wo ŵakufwa utijisanduska kuŵa yani?” Wangwamuka Yesu, “Asani ine nditijikankhuska unkhankhu wangu kuti nkhanthu cha; Ada mbakundikankhuska; wo imwe munena, kuti ndi Chiuta winu; ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo. Abrahamu, auskwemwe, wangukondwere kuliwona zuŵa langu; wanguliwona, ndipo wangusekere.” ŴaYuda ŵangumnene, “Ndasono undaŵe ndi virimika machumi ghakhonde ndipo kumbi ukumuwona Abrahamu?” Wanguŵanene Yesu, “Nadidi ndikuneneskiyani, wenga wandawe Abrahamu, ine ndiriko.” Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

കേൾക്കുക Yohane 8