<div class="version vid3001 iso6393pon" data-vid="3001" data-iso6393="pon">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Karasaras en Liohdi oh Sounkopwung men</div><div class="p"> 1Sises ahpw ketin mahsanihong irail karasaras pwoatet, pwe en ketin padahkihong irail re en kin poaden kapakap oh dehr tokedihsang. 2&#8220;Sounkopwung men mie nan kahnimw ehu, me sohte kin masak Koht pil sohte kin wauneki aramas. 3Pil liohdi men mie nan kahnimwohte, me kin pwurepwure sounkopwungo oh reperepen pwung reh, &#8216;Komw menlau sewese ie ni repenpwung wet ong pelieio!&#8217; 4Ahnsou reirei sounkopwungo sohte men tehk liohdio. Kedekedeo, e ahpw mengimengloalki, &#8216;Mehnda ma I sohte masak Koht oh pil sohte kin wauneki aramas, 5ahpw I pahn sewese mahs lih menet en rapahkihda eh pwung, pwe e dehr kedirepwei ie oh dehr kin pwurodo kauwehla ei onepek.&#8217;&#8221;</div><div class="p"> 6Sises pil ketin mahsanih, &#8220;Kumwail rong dahme sounkopwung suwed menet ketihtihki. 7Ia duwe, Koht sohte pahn ketin sewese sapwellime aramas akan me kin pekipeki sawas ni rahn nipwong? E pahn ketin pwapwand en sewese irail? #Sir. 35.19 8Kumwail en ese pwe e uhdahn pahn mwadang sewese irail nan arail apwal akan. Eri a, kumwail lemeleme me Nein-Aramas pahn ketin diar pwoson nin sampah ni eh pahn ketido?&#8221;</div><div class="s1">Karasaras en Parisi men oh Sounrik Daksis men</div><div class="p"> 9Sises pil ketin mahsanih karasaras pwoatet ong aramas ekei me kin akupwungki pein ihr oh pohnmwahsoiong meteikan: 10&#8220;Aramas riemen kohdalahng kapakap nan Tehnpas Sarawio; emen ira Parisi men, a emen sounrik daksis. 11Parisio kesihnenda oh wia eh kapakap nin duwe met: &#8216;Maing Koht, I kapingkalahngankihong komwi ei sohte kin noahrok, ei sohte kin mwersuwed, ei sohte kin kamwahl duwehte aramas teikan. I kapingkalahngankihong komwi ei pil sohte duwehte sounrik daksis menet. 12I kin kaisihsol pak riau nan wihk ehu, oh I kin meirongki eisek kis ehu sang ni mehkoaros me I ahneki.&#8217; 13A sounrik daksiso kesihnen ekis dohlahsang, e ahpw sohte men saradalahng nanleng, pwe ihte me e wiewia, pikipikir nan mwaremware, ndinda, &#8216;Maing Koht, komw ketin kupwurei ie, pwe aramas dipan emen ngehi!&#8217;&#8221; 14Sises eri mahsanih, &#8220;Kumwail en ese pwe ohl menet pwungla rehn Koht ahpw pwurala ni imweo; a meteio, soh. Pwe me kin aklapalapki pein ih, pahn tikitikla; a me kin aktikitingki pein ih, pahn lapalapala.&#8221; #Mad. 23.12; Luk 14.11.</div><div class="s1">Sises Kupwuramwahwih kisin Seri kei</div><div class="r">(Pil tehk Mad. 19.13-15; Mark 10.13-16)</div><div class="p"> 15Aramas ekei ahpw patohwanohng Sises nair kisin seri kei pwe en ketkidahng pohrail lime kan. Tohnpadahk ko eri kilangada oh lipwoarehkinirailda. 16A Sises ahpw malipehdo kisin seri ko oh mahsanihong tohnpadahk ko, &#8220;Kumwail pweisang, kumwail mweidohng kisin seri kan en kohdo rehi; pwe iei arail wehi, Wehin Koht. 17Kumwail en ese pwe mehmen me sohte pahn ale Wehin Koht duwehte kisin seri kis, e sohte pahn pedolong loale.&#8221;</div><div class="s1">Aramas Kepwehpwe men</div><div class="r">(Pil tehk Mad. 19.16-30; Mark 10.17-31)</div><div class="p"> 18Emen lapalap en mehn Suhs ako ahpw idek rehn Sises, patohwan, &#8220;Maing, Sounpadahk mwahu, dahme I uhdahn pahn wia pwe I en kak alehki mour soutuk?&#8221;</div><div class="p"> 19Sises ketin sapeng, mahsanih, &#8220;Dahme komw ekerkiniehki Sounpadahk mwahu? Sohte emen me mwahu pwe Kohtohte. 20Komw eseier kosonned kan: &#8216;Dehr kamwahl; dehr kemehla aramas; dehr pirap; dehr likamw; kahkahki semomw oh inomw.&#8217;&#8221; #Eks. 20.14; Deud. 5.18; b Eks. 20.13; Deud. 5.17; c Eks. 20.15; Deud. 5.19; d Eks. 20.16; Deud. 5.20; e Eks. 20.12; Deud. 5.16.</div><div class="p"> 21Ih eri patohwanohng Sises, &#8220;I kapwaiadahr kosonned pwukat koaros sang ni ei tikitik.&#8221;</div><div class="p"> 22Ni Sises eh karonge met, e ahpw mahsanihong, &#8220;Pil mie mehkot me komw uhdahn pahn wia: netikihla omw kepwe kan koaros, oh nehkohng pweine kan me semwehmwe kan; omwi pai ahpw pahn mie nanleng. Komw ahpw kohdo oh iangiehla.&#8221; 23Ni ohlo eh rongada mahsen wet, e ahpw nsensuwedkihla kowahlap, pwe aramas kepwehpwe men ih.</div><div class="p"> 24Ni Sises eh ketin mahsanihada duwen eh nsensuwedlao, e ahpw mahsanih, &#8220;Meid apwal ong me kepwehpwe kan en pedolong nan Wehin Koht! 25Me pahn apwal mehlel ong me kepwehpwe men en pedolong nan Wehin Koht sang mahn me adaneki kamel en dil nan pwoaren dikek ehu.&#8221;</div><div class="p"> 26Irail me rongorong Sises ko ahpw kalelapak, patohwan, &#8220;Ma ih duwen met, a ihs me kak mourla?&#8221;</div><div class="p"> 27Sises ketin sapeng irail, mahsanih, &#8220;Mehkot me sohte mwahn kak pahn aramas, e uhdahn kak pahn Koht.&#8221;</div><div class="p"> 28Piter ahpw patohwanohng Sises, &#8220;Maing, komw mwahngih mahs duwen kiht, pwe se tounmeteikilahr mehkoaros me aht oh iangkomwilahr.&#8221;</div><div class="p"> 29Sises ketin mahsanih, &#8220;Kumwail en ese pwe kumwail koaros me tounmeteikilahr imwarail, de ar pwoud, de riarail, de samarail, de neirail seri kan pwehki Wehin Koht, 30re pahn ale pwaisarail laud nan mouret, oh mour soutuk palio.&#8221;</div><div class="s1">Kesilipak en Sises eh Kohpada duwen eh pahn Lokolok oh Pwoula</div><div class="r">(Pil tehk Mad. 20.17-19; Mark 10.32-34)</div><div class="p"> 31Sises ketin kahrehla tohnpadahk ehk riemeno oh mahsanihong irail, &#8220;Kumwail kilang pwe kitail kohkohdalahng Serusalem, wasa me soahng koaros me soukohp ako ntingdier duwen Nein-Aramas pahn pweida ie. 32E pahn pengpengla rehn mehn liki kan, wiahla mehn kepit rehrail; re pahn kihsang wauwi oh kandipih. 33Re pahn wokih oh kemehla; a ni kesiluhn rahn e ahpw pahn iasada.&#8221;</div><div class="p"> 34Tohnpadahk ko ahpw sohte mwahn wehwehki mahsen pwukat; wehwehn mahsen pwukat me rirsang irail, iei me re sohte dehdehki dahme Sises mahmahsanihong irail.</div><div class="s1">Sises Kakehlahda Ohl Maskun men</div><div class="r">(Pil tehk Mad. 20.29-34; Mark 10.46-52)</div><div class="p"> 35Sises ketiket kohla limwahn kahnimw en Seriko, a ohl maskun men mwomwohd wie pekipek limwahnialo. 36Ni eh rongada mwoarong en pokono me kekeid wasao, e ahpw idek, &#8220;Dahkot mwo?&#8221;</div><div class="p"> 37Re ahpw ndaiong me Sises mehn Nasaret me ketiket kolahng nan kahnimwo.</div><div class="p"> 38Ohlo eri likwer, patohwan, &#8220;Sises, kisehn Depit! Komw ketin kupwure ie!&#8221;</div><div class="p"> 39Aramas ako me mi mwowe ahpw lipwoarehda oh ndahng en nennenla. A e ahpwte kalaudehla ngileo, patohwan, &#8220;Maing, komwi me kisehn Depit! Komw ketin kupwure ie!&#8221;</div><div class="p"> 40Sises eri ketin uhdi oh mahsanih pwe ohlo en pakahrdohng reh. Ni ohlo eh kerendo, e ahpw keinemwe, mahsanih, 41&#8220;Dahme ke anahne I en sewesehkin uhk?&#8221;</div><div class="p">A e patohwan, &#8220;Maing, I patohwan anahne pwurehng kilangada wasa.&#8221;</div><div class="p"> 42Sises eri ketin mahsanihong, &#8220;Nna! Kilangada wasa! Omw pwosonen me kakehlaiukadahr.&#8221;</div><div class="p"> 43Ni ahnsowohte e pa pehdpeseng oh kilangada wasa. E ahpw idawehnla Sises oh kapikapinga Koht. Ni pokono ar kilangada manaman wet, irail koaros ahpw pil kapikapinga Koht.</div>
 </div>
 </div>
</div>

Sises ahpw ketin mahsanihong irail karasaras pwoatet, pwe en ketin padahkihong irail re en kin poaden kapakap oh dehr tokedihsang. “Sounkopwung men mie nan kahnimw ehu, me sohte kin masak Koht pil sohte kin wauneki aramas. Pil liohdi men mie nan kahnimwohte, me kin pwurepwure sounkopwungo oh reperepen pwung reh, ‘Komw menlau sewese ie ni repenpwung wet ong pelieio!’ Ahnsou reirei sounkopwungo sohte men tehk liohdio. Kedekedeo, e ahpw mengimengloalki, ‘Mehnda ma I sohte masak Koht oh pil sohte kin wauneki aramas, ahpw I pahn sewese mahs lih menet en rapahkihda eh pwung, pwe e dehr kedirepwei ie oh dehr kin pwurodo kauwehla ei onepek.’”
Sises pil ketin mahsanih, “Kumwail rong dahme sounkopwung suwed menet ketihtihki. Ia duwe, Koht sohte pahn ketin sewese sapwellime aramas akan me kin pekipeki sawas ni rahn nipwong? E pahn ketin pwapwand en sewese irail? Kumwail en ese pwe e uhdahn pahn mwadang sewese irail nan arail apwal akan. Eri a, kumwail lemeleme me Nein-Aramas pahn ketin diar pwoson nin sampah ni eh pahn ketido?”

Sises pil ketin mahsanih karasaras pwoatet ong aramas ekei me kin akupwungki pein ihr oh pohnmwahsoiong meteikan: “Aramas riemen kohdalahng kapakap nan Tehnpas Sarawio; emen ira Parisi men, a emen sounrik daksis. Parisio kesihnenda oh wia eh kapakap nin duwe met: ‘Maing Koht, I kapingkalahngankihong komwi ei sohte kin noahrok, ei sohte kin mwersuwed, ei sohte kin kamwahl duwehte aramas teikan. I kapingkalahngankihong komwi ei pil sohte duwehte sounrik daksis menet. I kin kaisihsol pak riau nan wihk ehu, oh I kin meirongki eisek kis ehu sang ni mehkoaros me I ahneki.’ A sounrik daksiso kesihnen ekis dohlahsang, e ahpw sohte men saradalahng nanleng, pwe ihte me e wiewia, pikipikir nan mwaremware, ndinda, ‘Maing Koht, komw ketin kupwurei ie, pwe aramas dipan emen ngehi!’” Sises eri mahsanih, “Kumwail en ese pwe ohl menet pwungla rehn Koht ahpw pwurala ni imweo; a meteio, soh. Pwe me kin aklapalapki pein ih, pahn tikitikla; a me kin aktikitingki pein ih, pahn lapalapala.”


Aramas ekei ahpw patohwanohng Sises nair kisin seri kei pwe en ketkidahng pohrail lime kan. Tohnpadahk ko eri kilangada oh lipwoarehkinirailda. A Sises ahpw malipehdo kisin seri ko oh mahsanihong tohnpadahk ko, “Kumwail pweisang, kumwail mweidohng kisin seri kan en kohdo rehi; pwe iei arail wehi, Wehin Koht. Kumwail en ese pwe mehmen me sohte pahn ale Wehin Koht duwehte kisin seri kis, e sohte pahn pedolong loale.”


Emen lapalap en mehn Suhs ako ahpw idek rehn Sises, patohwan, “Maing, Sounpadahk mwahu, dahme I uhdahn pahn wia pwe I en kak alehki mour soutuk?”
Sises ketin sapeng, mahsanih, “Dahme komw ekerkiniehki Sounpadahk mwahu? Sohte emen me mwahu pwe Kohtohte. Komw eseier kosonned kan: ‘Dehr kamwahl; dehr kemehla aramas; dehr pirap; dehr likamw; kahkahki semomw oh inomw.’”
Ih eri patohwanohng Sises, “I kapwaiadahr kosonned pwukat koaros sang ni ei tikitik.”
Ni Sises eh karonge met, e ahpw mahsanihong, “Pil mie mehkot me komw uhdahn pahn wia: netikihla omw kepwe kan koaros, oh nehkohng pweine kan me semwehmwe kan; omwi pai ahpw pahn mie nanleng. Komw ahpw kohdo oh iangiehla.” Ni ohlo eh rongada mahsen wet, e ahpw nsensuwedkihla kowahlap, pwe aramas kepwehpwe men ih.
Ni Sises eh ketin mahsanihada duwen eh nsensuwedlao, e ahpw mahsanih, “Meid apwal ong me kepwehpwe kan en pedolong nan Wehin Koht! Me pahn apwal mehlel ong me kepwehpwe men en pedolong nan Wehin Koht sang mahn me adaneki kamel en dil nan pwoaren dikek ehu.”
Irail me rongorong Sises ko ahpw kalelapak, patohwan, “Ma ih duwen met, a ihs me kak mourla?”
Sises ketin sapeng irail, mahsanih, “Mehkot me sohte mwahn kak pahn aramas, e uhdahn kak pahn Koht.”
Piter ahpw patohwanohng Sises, “Maing, komw mwahngih mahs duwen kiht, pwe se tounmeteikilahr mehkoaros me aht oh iangkomwilahr.”
Sises ketin mahsanih, “Kumwail en ese pwe kumwail koaros me tounmeteikilahr imwarail, de ar pwoud, de riarail, de samarail, de neirail seri kan pwehki Wehin Koht, re pahn ale pwaisarail laud nan mouret, oh mour soutuk palio.”


Sises ketin kahrehla tohnpadahk ehk riemeno oh mahsanihong irail, “Kumwail kilang pwe kitail kohkohdalahng Serusalem, wasa me soahng koaros me soukohp ako ntingdier duwen Nein-Aramas pahn pweida ie. E pahn pengpengla rehn mehn liki kan, wiahla mehn kepit rehrail; re pahn kihsang wauwi oh kandipih. Re pahn wokih oh kemehla; a ni kesiluhn rahn e ahpw pahn iasada.”
Tohnpadahk ko ahpw sohte mwahn wehwehki mahsen pwukat; wehwehn mahsen pwukat me rirsang irail, iei me re sohte dehdehki dahme Sises mahmahsanihong irail.


Sises ketiket kohla limwahn kahnimw en Seriko, a ohl maskun men mwomwohd wie pekipek limwahnialo. Ni eh rongada mwoarong en pokono me kekeid wasao, e ahpw idek, “Dahkot mwo?”
Re ahpw ndaiong me Sises mehn Nasaret me ketiket kolahng nan kahnimwo.
Ohlo eri likwer, patohwan, “Sises, kisehn Depit! Komw ketin kupwure ie!”
Aramas ako me mi mwowe ahpw lipwoarehda oh ndahng en nennenla. A e ahpwte kalaudehla ngileo, patohwan, “Maing, komwi me kisehn Depit! Komw ketin kupwure ie!”
Sises eri ketin uhdi oh mahsanih pwe ohlo en pakahrdohng reh. Ni ohlo eh kerendo, e ahpw keinemwe, mahsanih, “Dahme ke anahne I en sewesehkin uhk?”
A e patohwan, “Maing, I patohwan anahne pwurehng kilangada wasa.”
Sises eri ketin mahsanihong, “Nna! Kilangada wasa! Omw pwosonen me kakehlaiukadahr.”
Ni ahnsowohte e pa pehdpeseng oh kilangada wasa. E ahpw idawehnla Sises oh kapikapinga Koht. Ni pokono ar kilangada manaman wet, irail koaros ahpw pil kapikapinga Koht.

കേൾക്കുക LUK 18