Luka 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nvaheke, ni nyu phinhalenyu uvahiya; namaroco omaana, ookhitteliya, owaattakeliya mpaka urihakyaa phinhalenyu uvahiya, kontha ni nliko unhalenyu umphimela, yooyo phinhalenyu uphimeliya.

Ntthu oorera nrima nokumiha citthu coorera mmihakhuni mwawe ciri munrimani; ntthu oonanara nrima, nokumiha citthu coonanara mmihakhuni mwawe ciri munrimani, kontha malaku anooluma itthu iri munrimani.

Phimaana mwaafente eenani inyu, ni mwaapanke yoorera. Mwaasimihe yaphavelaka itthu woohiwehererya wuuturuselani; nnaahala waakhela itthuvo yinci ni ukhala asaana a Nluku o wirimu, kontha Nluku ri oorera nrima mpaka na ale oohisukuru ni oonanara nrima.

Nkhale o'kiriri toko athumwaninyu ciryaya o'kiriri.

Nhihukhumu ni nyu khannohala uhukhumwinya; nhaatthukele akhwinyu, ni nyu khannohala utthukeliya; mwaalevelele akhwinyu ni nyu phinhalenyu uleveleliya.

Phimaana, nyu nnokiiwa va, kinoohimeryani wiira: Mwaafente eenani inyu ni mwaapanke yoorera ale anookhalelani nttima, mwaareriheke ale anoolaphani ni mwaavekelele ale anootulumuni.

Itthu inoocivela upankiya na atthu, ni nyu ciicammo mwaapankeke akhunaninyu.

Ntthu awaattaka nrama nimoca, unrukunuseleke nikina nno. Ule nowaakha ikacako uhinkhottihere wuurula malaya. Ule noolepela itthu phi itthu, unvaheke, ni ntthu akusaka itthu yawaa, uhinturusihe.

Kontha khuuwo mwiri womaana uneema mihokorokho coohimaana; ciicammo khuuwo mwiri woohimaana uneema mihokorokho comaana.

Khula mwiri uncuwannya ciryaya, nlattu wo mihokorokho caya, kontha khacinrukuliya imanka mmiiwani, ni hata ikhacu khacinrukuliya mmarokani.