मत्ती 11-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

हे सोउब मेहनइत करेक वाला आउर बोझा से जँताल आदमीमन, मोर ठिना आवा, मोंय तोहरेमन के आराम देमूँ।

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

काले कि मोर पाछे चलेक आउर मोर शिक्षा के मानेक सहज अहे।”

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

यीशु जबाब देलक, “जे कोनों गोइठ तोहरेमन सुनाथा आउर काममन के देखाथा, उ सोउब के जाय के यूहन्ना के बताय देवा, कि अंधरामन देखेक पारैना आउर लंगड़ामन हिंठेक पारैना, कोढ़ बेमरियामन के ठीक कराल जायला, आउर बहिरामन सुनेक पारैना, मोरलमन के जियाल जायला आउर गरीबमन के शुभ समाचार सुनाल जायला।

जे केऊ मोर इ गोइठ के धेयान से सुनाथा, उमन से मोंय कहाथों कि इकर बारे में समझेक केर कोशिश करा।