Luk 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mbemiso Erọd ekesin Yọọn k'ufọk mparaŋ, Yọọn ekeonum Yisọs uduọk mmuuŋ ma mfifien owom ekedide ebene eme. Ndien k'idaha Yisọs ọbọŋde akam Idem-Mbubod ebeede ipa onyuŋ. Ndien Nsasana Sibidid ọsuhọde ke mbied ibiom odoro eme k'idem. Idem-Mbubod etie ke edem-onyuŋ atiŋ ikọọ ete, «Ofo ede Ataa Eyen Ima Mi, esid enem Min ekese ma Ofo.»

Yọọn ete mmọ, «Ami nkama mmuuŋ num mfo uduọk mmuuŋ, ede enyeem nken oponde akan min ọsukedi, ami ndodke itad uduk ipaukod ise nte eyen-ufọk. Enye aka-inọ mfo uduọk mmuuŋ Nsasana Sibidid ma ikaŋ.

Mbaak esike odo mf'ibọhọ ubiom ipe. Idu uwem mfo k'usuŋ iken emi wuride ke mf'ikabade esid ipọŋ ndiọi mpọ mfo ikene Idem-Mbubod. Ik'inyuŋ ikere k'esid mfo ibe, Idem-Mbubod imihi imia nnyin ufen sia nnyin idede ubon Ebraham. Ndien ami mmetiŋ nnọ mfo, ke Idem-Mbubod enyene ukeme inam mme itiad iken akabade ntitọọŋ ọnọ Ebraham, ndien mmọ akaikabade idaa itie mfo.

‹‹Idaha idaha ikoro Idem-Mbubod ebeeŋeidem ibiom ipe inyuŋ imia mfifien owom ufen eken minyiimeke ikabade esid. Anaa mmọ anam ntiti ido iken ọwuride ke mmọ amaa akabade esid. Ikidehe ntoro, Idem-Mbubod akaibiom mmọ ipe onyuŋ otoomo mmọ esin k'ikaŋ.»

Yọọn anam ikọọ asiak-uduak Isaya ekewede ke ŋwed nse tọọŋọ ko ọwọrọ osu, ete, «Owom akaitiŋ ikọọ ke akwaa uyo ke nsaad-isọŋ, Ọbọọŋ akaidi iwaa-iwaa. Itum usuŋ inum inọ edidi ese, inyuŋ inehede inum inọ eme. Idọŋ mfifien itikhede ọyọhọ, inam mfifien opupo akaikabade unaisọŋ, ineŋede nkwaaŋa usuŋ inum. Inam mfifien itikhede usuŋ ọdọọnọ. Ndien mfifien owom akaikud Andinyaaŋa Idem-Mbubod ọnọde edi»