Yohane 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Asomdwie yeɛ mefa meyakyi ɛmɔ ɔ; mefa m'asomdwie mema ɛmɔ. Nná kyɛbɔ wiase fa asomdwie ma ne yeɛ mefa mema ɛmɔ ɔ. Nnɛmɔ maa ɛmɔ wora bɔ, na nnɛmɔ maa esuronyi ka ɛmɔ.

Yesu ha hyirele ye kyɛ: “Me yeɛ nne atee ne, nahorɛ ne, ne ngoa ne. Sɛ ebie kɔhora kɔwa Baba ne berɛ a, sana ɔfa me so.

“Nnɛmɔ maa ɛmɔ wora bɔ. Ɛmɔ de, ɛmɔnya gyidie wɔ Nyameɛ nu, na ɛmɔnya gyidie koso wɔ me nu.

Nakoso honhom krongron, bokafoɛ bɔ Baba ne kɔsoma ye me dumaa nu ne, ye yeɛ okohyirehyire ɛmɔ nikye biala, na ɔkɔkaye-kaye ɛmɔ nningyein bɔ maha mahyire ɛmɔ ne.

Ebiala bɔ otie m'ahyɛdeɛ na odi so ne, ye yeɛ ɔdɔ me ɔ. Na bɔ ɔdɔ me ne, me Baba koso kɔlɔ ye, na me koso ngɔlɔ ye, na ngɔla me nwo ali ngohyire ye.”

Na ngɔsrɛ Baba ne maa ɔkɔma ɛmɔ bokafoɛ foforɛ bɔ ɔne ɛmɔ kɔtena daa. Ye yeɛ ole nahorɛ honhom bɔ wiase ne ngora nnya ye ne, ofikyɛ wiase ne nwuni ye, na bɛnze ye. Ɛmɔ de ɛmɔse ye, ofikyɛ ɔne ɛmɔ yeɛ bɛte ɔ, na ɔte ɛmɔ nu.

Afei, nikye biala bɔ ɛmɔ kobisa ye wɔ me dumaa nu ne, ngɔyɛ, ná wamaa bahyɛ Baba ne anuonyam wɔ Baa ne nu. Sɛ ɛmɔ bisa nikye biala wɔ me dumaa nu a, ngɔyɛ.”

“Sɛ ɛmɔdɔ me a, ɛmɔ koli m'ahyɛdeɛ so.

Nekaa pee wɔ me Baba awuro berɛ, sɛ ɔtte sɔ a, ahaa nzuati yeɛ meka mekyire ɛmɔ kyɛ, mekwaasiesie nekaa bie mema ɛmɔ ne?

Na sɛ mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso ɛmɔ awa berɛ bie.

Yeɛ Tomas bisale ye kyɛ: “Awurade, yɛnze nekaa bɔ ɛkɔ ne, ye de ɔkɔyɛ sɛɛ né yanwu atee ne?”